rojane

22:51

Welatiya Kurd a 18 salî Zehra Rabbanî, ku di dema girtina xwe de temenê wê 17 sal bû, ji aliyê dadgeheke Îranê ve bi hinceta beşdarbûna xwepêşandanan bi 15 meh û 2 roj cezayê girtîgehê û 6 milyon Tûmen cezayê pereyan hate mehkûmkirin.

21:04

Eniya Wekhevî û Mafên Jinan, bi hevkariya Tora Rojnamevanên Jin ên Maghrebê, der barê veguhestina Qanûna Rewşa Kesane ya di medyayê de rûniştineke diyalogê li dar xist.

20:26

Hemşîre Îkra Avci ya piştgirî da kampanyaya ku li dijî bûyereke li Rojavayê Kurdistanê a ku endamekî HTŞ’ê porê hûnandî yê şervaneke YPJ’ê jê kiribû, ragihand ku ji kar hatiye derxistin.

17:18

Hunermenda muzîka kevneşopî û klasîk a Îranî Hîva Seyfîzade, bi tohmeta 'belavkirina fesadî û fuhûşê' mehkûmî 4 sal cezayê girtîgehê hate kirin.

15:42

Li Xezayê hejmara kesên jiyana xwe ji dest didin zêde dibe, mirî û birîndarên nû sewqî nexweşxaneyan tên kirin. NY’ê, diyar dike ku ji ber qedexeyên leşkerî wêranbûna erdên çandiniyê zêde bûye û dibe ku qeyrana mirovî hîn kûrtir bibe.

15:14

Midûrê Emniyeta Parêzgeha Îsfahanê, ragihand ku di çar mehên ewil ên îsal de 18 ajokarên jin ên motrosîkletan jiyana xwe ji dest dane.

14:41

Komek ji xwendekarên serbixwe yên çalak ên ji 7 zanîngehên li Îranê bi daxuyaniyek hevbeş, cezayê darvekirinê wek ‘amûrek serdestî û zordariya dewletê’ bi nav kir û daxwaza rakirina darvekirinê û bidawîanîna çerxa tundiyê kir.

13:23

Endama Komîteya Hiqûqî ya Meclîsa Jinan a Sûriyeyê Rojîn Abdilbaqî, da zanîn ku tenê nivîsandina “wekheviya jin û mêr” di destûrê de têr nake û got ku “Ji bo wekhevî bibe rastiyek di jiyana rojane de, divê mekanîzma û garantiyên qanûnî hebin.”

12:39

Di serdegirtina hêzên Îsraîlê de li Şerîaya Rojava û Qudsê, zêdetirî 20 Filistînî hatin binçavkirin. Neteweyên Yekbûyî hişyarî da ku rewşa ewlehî û mirovî li Şerîaya Rojava her diçe xirabtir dibe.

11:40

Bi polîtîkayên qirkirin û tecrîdê yên Talîbanê re, li Efganistanê rêjeya jinên ku dixebitin daket ji sedî 5,1. Rêxistina Navneteweyî ya Kedê (ILO) diyar kir ku ev ne tenê bêkarî ye, dûrxistina ji hemû warên jiyanê ye.

09:21

Aktîvîsta siyasî Ronak Mecîd da zanîn ku Rêberê Gelê Kurd Abdullah Ocalan ji bo beşdariya jinan di pêvajoya aştiyê de cihekî taybet veqetandiye û got: “Jinên Kurd li çar perçeyên Kurdistanê di têkoşîn û aştiyê de pêşengiyê dikin.”

09:01

Dayîkên ku di şer de hezkiriyên xwe winda kirine, diyar kirin ku ew naxwazin êşa wan kişand nifşên pêşerojê jî bikşînin bi gotinên; “Divê aştî bêyî derengmayîn li ser zemîneke rast bê avakirin” ji bo çareseriyê bang kirin.

08:00

Bajarê Qamişlo ku 100 sal beriya niha hatiye damezrandin, salvegera avakirina xwe bi şahiyek mezin pîroz dike.

21:12

Di rapora nû ya Înîsiyatîfa Stratejîk a Jinan li Qirna Efrîqayê de tê destnîşankirin ku şer û pevçûnên li Sûdanê pergala hiqûqî têk birine. Lêkolîn banga rakirina bendên cudakar ên li dijî jinan û guhertina qanûnên rewşa kesane dike.

20:56

Tora Bijîşkên Sûdanê, ragihand ku ji ber êrîşên Hêzên Piştgiriya Lezgîn (RSF), 5 hezar kes ji herêma Qaysan a li Eyaleta Nîla Şîn ber bi bajarê Damazinê ve reviyan. Torê, hişyarî da ku dibe ji ber barana giran a ku bandorê li Eyaletê dike.

20:39

Bîlançoya nû ya li Sûriyeyê careke din metirsiya bermahiyên şer û teqemeniyên neteqandî derxist holê. Dane nîşan didin ku ev bermahî li ser zarok û jinan dibin xetereyeke kujer.

17:07

Komîteya Neteweyî ya Parastina Çalakvanên Fîloya Sumûd û Mafên Filistînî li Tûnisê civîneke çapemeniyê li dar xist da ku pêşketinên nû yên derbarê çalakvanên ku 5 meh in ji bo şikandina dorpêça Xezayê girtî ne bişopîne.

15:48

Astronota Fransî Sophie Adenot îro xwe amade dike ku bi pêkanîna meşa fezayê, ji derveyî Îstasyona Fezayê ya Navneteweyî wek ku 6 saet û nîv dom bike, bikeve dîrokê.

13:35

Li Tûnisê di rojên dawî de du jin, rastî êrîşa hevjînên xwe hatin. Ji ber bikaranîna amûrên tûj her du jinan jî jiyana xwe ji dest dan. Van bûyeran dubare tundiya navmalî li Tûnisê anîn rojevê.

13:30

Qanûna Çarçoveyî bi îmzeya Serokkomar Recep Tayyîp Erdogan di Rojnameya Fermî de hat ragihandin û dê piştî raopra MGK'ê qanûn bikeve meriyetê. Her wiha deste dê ji bo sepandina qanûnê bên avakirin.