rojane

15:33

Komek jinên çalakvan ên Îranî bi armanca xurtkirina hêza siyasî ya jinan û misogerkirina tevlîbûna wan di biryargirtinê de, “Şêwira Şoreşa Jinan” a demokratîk, pirreng û fêmînîst ava kirin.

15:21

Li gundê Koço yê Şengalê, ji bo şehîdên komkujiya 15'ê Tebaxa 2014'an merasîmeke bîranînê hat lidarxistin. Tevî ku 12 sal di ser komkujiya DAIŞ'ê re derbas bûne jî, beşdaran bal kişandin ser wê yekê ku hîna hestûyên piranîya qurbaniyan nehatine vegerandin

14:10

Komeleya Rojnamevanên Jin a Mezopotamyayê (MKG), DFG û DİSK Basın-İş’ê bi daxuyaniyekî hevpar bertek nîşanî astengiyên li ser hesabên medyaya dîjîtal ên JINNEWS û NûJINHA’yê dan û diyar kirin ku ev destwerdanek eşkere ye li ser azadiya çapemeniyê.

13:49

TJA’yê bi boneya salvegera hatina Talîbanê ya li ser desthilatdariyê daxuyaniyek da. TJA xwest ku polîtîkayên Talîbanê yên li dijî jinan wekî "Apartheida Zayendî" bên naskirin û banga piştgiriya bi jinên Efganî re kir.

13:32

Dayîkên Şemiyê, di çalakiya xwe ya heftane ya hezar û 116’an de, li ser çarenûsa Nadîr Naycî, ku di sala 1993’an de li Cîzirê winda bû, pirsîn. Dayikên Şemiyê, bal kişandin ser lêgerîna malbatê ya bi salan, xwestin ku cihê Naycî were eşkerekirin.

12:56

Rêxistina Mafên Mirovan a Rawadariyê, bi boneya 5 saliya vegera Talîban bo desthilatê, rapora xwe ya têkildarî binpêkirinan weşand. Rapor eşkere dike ku di van salan de, şert û mercên jiyanê ji bo welatiyan taybetî jinan, bûye qeyran û wêranî.

12:47

11:36

Di 5’emîn salvegera desthilatdariya Talîbanê ya li Efganistanê, 56 welatan û Yekîtiya Ewropayê daxwaz kirin ku polîtîkayên cudakar ên li dijî jin û zarokên keç demildest bên rakirin.

11:24

Rêxistina Kongra Star bi daxuyaniyekê piştgiriya xwe ji bo têkoşîna 5 salan a jinên Efganî ya li dijî zextên Talîbanê ragihand, banga gavavêtineke pratîkî li saziyên navneteweyî kir û got ku binpêkirina mafên jinan sûcekî li dijî mirovahiyê ye.

11:14

SOS Méditerranée da xuyakirin ku li peravên Lîbyayê cenazeyên 11 koçberan hatine dîtin. Bûyer di demekê de qewimî ku raporên nû nîşan didin mirina koçberan a li Deryaya Spî zêdetirî sedî 100 zêde bûye.

11:00

TJK-E’yê bi daxuyaniyekê piştgirî da jinên Efganistanê û got: “Em wek jinên Kurd carek din diyar dikin ku em li kêleka jinên Efganistanê ne û têkoşîna wan ji têkoşîna xwe ya azadiyê cûda nabînin.”

10:39

Neteweyên Yekbûyî hişyarî da ku ji ber kêmbûna fînansmanê, zêdetirî 650 hezar penaberên li Sûdana Başûr wê di nava çend hefteyan de ji alîkariya xwarinê bêpar bimînin. Ev rewş sed hezaran kesan neçar dike ku an ji birçîbûnê bimirin an jî vegerin nava şer.

09:58

Li gorî daneyên fermî yên Buroya Tenduristiyê, di nîvê ewil ê Tebaxê de li herêmên cûda yên Taizê 16 sivîl hatine kuştin û 53 kes jî birîndar bûne, ku herêma herî zêde bandor bûye El-Muxa ye.

09:44

Lêkolînera psîkolojiyê Avara Newroz bal kişand ser metirsiyên hişê çêkirî yên li ser zarokan. Avara Newroz diyar kir ku hişê çêkirî di gelek qadan de feydeyên xwe hene, lê ji bo zarokan xetereyên cidî çêdike.

08:32

Di salvegera hatina Talîbanê ya ser desthilatdariyê de, çalakvan Yelda Ehmed bal kişand ser wê yekê ku jinên Efgan di van pênc salên borî de tevî îşkence, zindan û kuştinê jî bi berxwedana xwe ya bêhempa dê stûnên vê rejîma zordar hilweşînin.

08:16

Xalîse Omer a ku ji Serêkaniyê koçber bûye û di nava karwana ewil de berê xwe dabû Serêkaniyê û rastî êrişên komên çekdar hatibû, qala wê rojê dike. Xalîse dibêje: “Ew DAIŞ’î bûn. Ev hovîtiya ku me dît, tu kes ji bilî DAIŞ’ê nikare wiha bike.”

08:00

Rojnameger Avaşîn Hêlîn girîngiya hebûna hevgirtina jinên rojnamevan ên Rojavayê Kurdistanê û Sûriyeyê anî ziman, diyar kir ku ji bo hikûmet bi çîrokên derewîn dosyayên kiryarên li dijî jinan negire pêwîstî bi ragihandina azad heye.

22:11

Bi pêşengiya jin û dayikên Êzidî, li Tilezêra Şengalê bi hezaran kesî cangoriyên komkujiya 14’ê Tebaxa 2007’an bi bîr anîn. Di çalakiyê de hate gotin ku tenê bi yekîtiyê dikare pêşiya fermanan bê girtin.

20:14

UNICEF ragihand ku di nava pênc salên derbasbûyî yên li Efganistanê de, zêdetirî 2.6 milyon keç ji xwendinê hatine bêparkirin û hişyarî da ku ev qeyran ne tenê pêşeroja jinan, her wiha aboriya welêt jî bi metirsiyeke mezin re rûbirû dihêle.

16:02

Li Îranê kêmbûna hemşîreyan gihîştiye asteke metirsîdar. Ji ber şert û mercên xebatê yên giran, mûçeyên kêm û koçberiyê bi hezaran hemşîreyan dev ji kar berdane.