rojane

12:26

Li Qamişloya Rojavayê Kurdistanê, mamoste û xwendekaran li dijî biryara sînordarkirina fêrkirina Zimanê Kurdî bi xwepêşandanekê nerazîbûna xwe nîşan dan û daxwaza parastina mafê fêrbûna bi zimanê dayîkê kirin.

12:03

Li Tunisê di demên dawî de zextên li ser çalakvan û parêzvanên mafên mirovan zêde bûne. Rêxistina Efûyê ya Navneteweyî hişyarî da ku parêzvana mafên mirovan Siham Ben Sederin bi cezayê 25 salan û xetereya vegera zindanê re rûbirû ye.

11:51

Li gorî agahiyên kanala Telegramê ya 'United Students', ji ber biryara bêagahî û bêyî rapora fermî ya rektorê Zanîngeha Alzahrayê ya Îranê, ketina 150 xwendekaran ji bo nava kampusê hatiye qedexekirin.

11:32

Li gorî SOHR’ê, ji destpêka salê ve li Sûriyeyê di encama çalakiyên tirsnak ên wek îşkence, xeniqandin û şewatindanê de 35 zarok mirine. SOHR’ê da zanîn ku rêxistinên mafên mirovan her tim daxwaza lêpirsînên lezgîn û darizandina sûcdaran dikin.

09:55

Di salên dawî de li Îranê sepandina cezayê darvekirinê her ku diçe zêde dibe. Di 8 mehên ewil ên sala 2026'an de herî kêm 18 jin hatine darvekirin; zext û cezayên mirinê yên li ser jinan di qadên siyasî û civakî de roj bi roj giran dibin.

08:35

Hevberdevka Komîsyona Hiqûq û Mafên Mirovan a Partiya DEM’ê Sevda Çelîk Ozbîngol got ku ji bo serkeftina pêvajoyê divê mekanîzmayên çavdêriyê bên xurtkirin, girtî werin berdan û statuya Abdullah Ocalan bi awayekî rast bê pênasekirin.

08:00

Rêveberiya Fakulteya Çand û Hunerê ya Jin, Evîn Paşo diyar kir ku hebûna jinan di qada perwerdeyê de weke metirsiyeke, nîşaneya feraseta ku rola jinan kêm dike ye û got: “Feraseta qebûlnekirinê Sûriyeyê kir nava krîzê.”

21:20

Akademiya Lêkolînên Perwerdehiyê li Qamişloyê panêlek li dar xist. Di panelê de rola sereke ya jinan a di parastina zimanê dayikê de hate destnîşankirin û daxwaza mîsogerkirina mafên zimanî di destûrê de hate kirin.

16:10

Bi bidawîhatina roja 8’emîn a Lîstikên Asyayî, jinên Îranî heta niha di pêşbirkên jinan de bi giştî du zêr, heft zîv û du bronz, 11 madalya bi dest xistine.

15:35

Li Tell El-Abqainê gora hespê şer û stelên hiyeroglîfîk ên Serdema Qraliyeta Nû hatin dîtin; ev keşif rola leşkerî û jiyana kelehên sînorî yên wê demê ronî dike.

15:04

Hevseroka Giştî ya DEM Partiyê Tulay Hatîmogûllari di Kongreya Erziromê de axivî û diyar kir ku pêvajo di qonaxek nû de ye û got: “Pêwîstiya Tirkiyeyê bi rêveberiyek edemokratîk heye. Em Kurd, Elewî, jin ji rêveberiya demokratîk re amade ne.”

11:11

Hejmara 187’an a Kovara Jinê bi berga ‘Polîtîkayên Nefeqe û Xizaniya Zayendî’ derket pêşberî xwendevanên xwe.

11:06

15 partî û rêxistinên siyasî ji beşên cuda yên muxalîfên Îranê li Osloyê belgeyeke hevbeş pejirandin û îmze kirin. Di belgeyê de li ser wekheviya zayendî, parastina mafên mirovan û têkoşîna li dijî cezayê darvekirinê tê destnîşan kirin.

10:41

Li gorî rapora dawî ya WHO’yê di meha borî de li Efganistanê zêdetirî 64 hezar bûyerên enfeksiyonên giran ên bi riya nefesê û mirina 170 kesan ji ber vê yekê hatine tomarkirin.

09:15

Di her bûyereke dîrokî de, çîrokên jinên pêşeng hene. Arşîvkirina van çîrok û ezmûnan ne tenê ji bo parastina bîrê ye, ji bo parastina beşek ji nasnameya civakê ye. Di vî alî de medya dikare bibe pira di navbera dîroka jinan û nifşên pêşerojê de.

08:27

Rojnamevan Tugçe Tatarî da zanîn ku dijberiya li hemberî pêvajoyê bêtir li tora dîjîtal û derdorên siyasî heye, li qadan ev yek nayê dîtin. Wê bal kişand ku ji bo civakîbûnê, rûbirûbûna bi paşerojê re û parvekirina çîrokên cudahiyan bi hev re, girîng e.

22:30

Mahbube Şabanî ya ku bi motorsîkletê alîkariya xwepêşanderên birîndar kiribû, piştî darizandinê dîsa şandin girtîgehê. Ew ji bo şertên girtîgehê di greva birçîbûnê de ye.

20:49

Nivîskar û perwerdekara Kurd Nesrîn Tilo li Norvecê koça dawî kir. Tilo ku bi salan di warê perwerde û wêjeyê de xebitî, bi berhemên xwe yên helbest û çîrokên kurt ên wekî "Rotoskop"ê şopek kûr di jiyana çandî de hişt.

20:28

Çalakiya Nobetê ya li wargeha penaberan a Mexmûrê ku ji bo azadiya fîzîkî ya Rêberê Gelê Kurd Abdullah Ocalan hatibû destpê kirin, di roja xwe ya hezar û 165’an de bi biryardariyek xurt didome.

16:01

Li Qamişloyê, Yekîtiya Parêzeran a Cizîrê bi formeke hiqûqî bal kişand ser girîngiya bicihkirina zimanê Kurdî di Destûra Sûriyeyê de û tekez kir ku parastina mafên zimanî ji bo avakirina Sûriyeyeke demokratîk ku mafên gelan mîsoger dike, bingehek serekeye