Navenda Nûçeyan - Yekitiya Jinên Demokratîk a Rojhilata Navîn û Bakurê Afrîkayê (NADA) der barê yekemîn salvegera damezrandina xwe de daxuyaniyeke nivîskî da.

NADA’yê diyar kir ku di pêvajoyeke ku şer û êrîş zêde bûne de dest bi xebatên xwe kirine, tesbîtên rojane kir.

“NADA, dema di bin serweriya zîhniyeta mêranî de di bin şert û êşên bi heman rengî tên parvekirin, bi rêgezek ku hemû cudahiyên etnîkî, siyasî û mezhebî, hevkariya siyasî û neteweyî [navdewletî] ji holê rake, pirên ragihandinê ava bike û îmkana ku mesafeyên di navbera civakan de ji holê rabike dibe, hat avakirin. Bayê ku di sedsala 21’ê de li Rojhilata Navîn, têkoşînên pêvajoya ku bi şoreşên bi navê Bihara Ereban a dest pê kir derket holê, li Sûriye, Yemen, Lîbya, Sûdan, Iraq û welatên din ên ku niha lê dijîn, biharê guherand zivistana reş. Ji ber ku bi deh milyonan mirov bi dilxwazî an jî bi darê zorê ji cih û warên xwe hatin koçberkirin û li seranserê cîhanê belav bûn, pevçûn û agirê van pevçûnan li Rojhilarê nêz jî belav bû.

"Çerxa şer berfireh dibe"

Di daxuyaniyê de bal hat kişandin ku şerê di navbera Rûsya û Ukraynayê de, wiha hat gotin: “Şer ji bo ji nû ve avakirina van her du aliyan û parvekirina welatên di navbera van her duyan de dest pê kir. Her ku xeleka şer li welatên takekesî mezin dibe, her çend amûr û rêbazên wan cuda be jî, hezên ku li Sûriyeyê El Qaîde, El Nusra û DAIŞ, li Afganistanê tevgera Talîban, li Bakurê Afrîkayê Tevgera Birayên Misilman, li Yemenê Hûsiyan û her wiha li Iraqê jî îdelojiya radîkal a îslamî temsîl dike ev pêla şer belav dike. Bi şer û qeyranan re madeyên hişbir, bazirganiya mirovan, fuhûş, xizanî, birçîbûn û belengazî jî belav dibe.”

Jinan bi têkoşîna xwe bi hezaran jinên Êzidî rizgar kirin

Di daxuyaniyê deku  hat destnîşankirin tevî hemû astengiyan jî jinan xeta xwe ya xweparastinê pêk anîne, bal hat kişandin ser şewaza têkoşîna jinan.

“Lê belê jinan dest bi têkoşînê kirin û bi pêşxistina mîrateya têkoşîna azadiya jinê, bi çekdarkirina Yekîneyên Parastina Jin ên ku li Bakur û Rojhilatê Sûriyeyê hat ava kirin, ji bo parastina xwe û gelê xwe di tunekirina terora DAIŞ’ê de bi awayekî aktîf cih girtin û bi hezaran jinên Êzidî yên ku ji aliyê vê rêxistina tundrew ve hatin revandin û dîl girtin jî rizgar kirin. Dema ku vê têkoşînê bi dehan rêxistinên jinan li Rojhilata Navîn û Bakurê Afrîkayê xist nava tevgere, avabûnek li ser bingeha hêz û hevgirtina jinan ava kir.”

Ji jinan re bang

Di daxuyaniyê de hat ragihandin ku Tirkiye li dijî jinên rêxistinkirî di nava êrîşan de ye û hat destnîşankirin ku êrîşên xwe bi binpêkirina hemû peyman û peymanên navneteweyî yên têkildarî binpêkirina mafê serweriya welatên cîran pêk tîne. Di daxuyaniyê de ev tişt hatin gotin:

“Em weke NADA, salvegera damezrandina îtifaqê li hemû jinan pîroz dikin û em bang li jinan dikin ku di riya azadiya jinan de bimeşin, têkoşîna xwe bi hemû tevgerên azadiyê yên femînîst ên li cîhanê, Rojhilata Navîn û Bakurê Afrîkayê re bikin yek û hevgirtinê misoger bikin. Bijî têkoşîna jinan!”