Navenda Nûçeyan – Rêxistina HDP’ê ya Stenbolê 10’emîn salvegera Şoreşa Rojava li navenda rêxistinê ya li navçeya Ataşehîrê pîroz kir. Li salona ku pîrozbahî lê hat lidarxistin pankartên "Silav ji kesên li Rojava têkoşiyan re" hatin daliqandin. Pîrozbahî bi deqîqeyek rêzgirtina ji bo kesên li Bakur û Rojhilatê Sûriyê jiyana xwe ji dest dane destpê kir.

“Em dikarin hemû gelan wekhev bikin”

Di pîrozbahiyê de Hevseroka HDP'ê ya Stenbolê Îlknur Bîrol axivî û diyar kir ku Rojava hêviyên şoreşê zêde kiriye û nîşanî hemû cîhanê da ku derfetên şoreşê hene. Îlknur Birol got: “Rojava got; Civaka azadiya jinê pêkan e. Rojava got, em mehkûmê modela hikûmet û sîstemên emperyalîst nînin ku gel û nasnameyên etnîkî datînin li aliyekê û desthilatdariya xwe diparêzin. Em dikarin ava bikin. Em dikarin hemû gelan bikin yek. Rojava da zanîn ku hemû bawerî bêyî ku bikevin bin mekanîzmayên birêkûpêk û kontrolê yên desthilatdariya serdest, desthilatdariya serdest, dikarin di modeleke nû ya civakê de bi azadî û wekheviya xwe bijîn. "Rojava nîşanî me da ku azadî û wekhevî dikare were pêkanîn."

Piştî axaftinê dîlan bi stranên Grup Hevra hatin pêşkêşkirin. Şoreşa Rojava bi coş hate pîrozkirin.