نورشان عەبدی

 

کۆبانێ- شۆڕشی رۆژهەڵاتی کوردستان، شۆڕشی هەموو ژنانی باکور و رۆژهەڵاتی سووریایە کە هەر لەسەرەتاوە بە دەنگی ئەو ژنانە دەنگیان خستە پاڵ یەک.

 

کوژرانی ئەو ژنە گەنجە کوردە بە ناوی مەهسا ئەمینی توڕەی زۆری لێکەوتەوە، و گۆڕا بۆ زنجیرەیەک ناڕەزایەتی، لە شارەکانی ڕۆژهەڵاتی کوردستان پاشان ئێرانەوە درێژ بووەوە و تا زۆر شوێنی جیهان بەردەوام بوو، ڕژێمی ستەمکاریان ڕەتکردەوە.

 

ڕۆژی ١٣ی ئەیلوول، مەهسا ئەمینی تەمەن ٢٢ ساڵ، بە بیانووی ئەوەی حیجابی گونجاوی لەبەر نەکردووە، لەلایەن پۆلیسی ئەخلاقی تارانەوە دەستبەسەر کرا و پشتڕاستکرایەوە کە لە سەری درابوو پاش دەستگیرکردنی، ئەمەش بووە هۆی لەدەستدانی هۆشیاری و چوونە ناو کۆما، پاش مانەوەی لە نەخۆشخانە دوای ٣ ڕۆژ گیانیلەدەستدا.

 

دوای ئەوە خۆپیشاندان لە رۆژهەڵاتی کوردستان و ئێران سەریهەڵدا و ماوەی دوو هەفتەیە لەسەریەک بەردەوامە، ئەمە جگە لەوەی لە باکور و رۆژهەڵاتی سوریا خۆپیشاندانەکان بەردەوامن.

 

وە هەڵوێستی کۆنگرە ستار لەسەر ئەم تاوانە هەر لەسەرەتاوە ڕوون بوو، وەک لە ئەندامێکی کۆردیناسیۆنی کۆنگرەی ستار لە کانتۆنی کۆبانی لە ناوچەی فورات، مزگێن خەلیل، پشتڕاستی کردەوە، و ئاماژەی بەوەدا کە “ڕژێمە شۆڤێنییە دەسەڵاتدارەکان بەدوای مانەوە لە دەسەڵاتدا دەگەڕێن لە ڕێگەی قڕکردن و ستەمکاری گەلان و ژنانەوە، و دەیانەوێت ژنان لە ڕێگەی یاسایەکەوە بکەنە ئامانج کە ئازادییان سنووردار دەکەن و ئازادییان کەم دەکەنەوە، " لە چارەنووسیان وەک ڕەگەزێکی دیکە، و هەموو ئەم یاسایانە هەوڵی ژێردەستەکردنی ژنان دەدەن و لە کایەی گشتی دووریان دەخەنەوە."

 

ئاماژەی بەوەشکردووە، "هەموو ئەم هێرشانە بۆ سەر ژنان لە ئێران لەبەرچاوی جیهان ڕوودەدەن، مەهسا ئەمینیش یەکەم کەس نیە کە بە بیانووی جۆراوجۆرئەشکەنجە دراوە، ژنانی کوردیش بەر توندوتیژی دەکەون.

 

مزگێن خەلیل پێیوایە "دەسەڵاتی ئێران دەسەڵاتی خۆی بەسەر خەڵکدا دەسەپێنێت بەبێ گوێدانە مافەکانیان کە بە یاسای مرۆیی و نێودەوڵەتی گەرەنتی کراوە، هەروەها بەئامانجکردنی خەڵکی رۆژهەڵاتی کوردستان هەیە و مەهسا ئەمینی یەکێکە لە قوربانیانی ئەم رژێمە فاشیستییە".

 

سەبارەت بە راپەڕینی ژنان لە رۆژهەڵاتی کوردستان وتی "دوای کوشتنی دڕندانەی مەهسا ئەمینی، راپەڕینێکی بەرفراوانی جەماوەری دەستیپێکرد و کاریگەری زۆری لەسەر جیهان هەبوو، ئەمڕۆ خەڵکی رۆژهەڵاتی کوردستان لەژێر دروشمی " ژن، ژیان، ئازادی" شۆڕش دەکەن، کە بۆ ڕێژیمی ئێران مانای و بایەخێکی زۆری هەیە، کە سەدان ژنی کوشت و ئەشکەنجەی دا، ئێستا قفڵی قژی ژنان شۆڕشێکی گەورەی دروست کردووە و دەنگدانەوەیەکی بەرفراوانی لە جیهاندا هەبووە."

 

مزگێن روونیكردەوە، کە خەڵك و ژنان لە چوار پارچەی كوردستان و رۆژهەڵاتی ناوەڕاست و جیهان بۆ ئیدانەكردنی ئەم تاوانە هاتنە دەرەوە و داوای لێپرسینەوە لە بەرپرسان دەكەن، وتیشی "ئەمە بەرخۆدانێكی جەماوەریی كوردە لە دژی دەوڵەتی پاوانخوازی ئێران کە دەسەڵاتی خۆی بەسەر ژناندا دەسەپێنێت و لە هەمان کاتدا ئەوان ڕاپەڕینن بۆ ئازادی گەلی ئێران."

 

مزگێن خەلیل جەختی لەوە کردەوە کە دەوڵەتە دەسەڵاتدارەکان هەمیشە لە خەڵکی یاخیبوو دەترسن کە بەدوای ئاشتی و ژیانێکی ئازاد و دیموکراسیدا دەگەڕێن و کەلتوور و ناسنامەی خۆیان دەپارێزن.