ڕۆژانە

20:00

یانەی وەرزشی دهۆک بە دروشمی”لەیلا خۆشەویست و شکۆی ٧٠ ملیۆن کوردە تەنها نییە” یارییەکەی دەسیتپێکرد و خەڵکی کوردستان لەهەموو توێژەکاندا پێشوازییان لێکرد.

19:07

کۆردیناسیۆنی هیلالی زێڕین یادی شۆڕشگێر و هونەرمەند سیدار ئامەد "نیهال ئای" کردەوەو وتی: دەست بە میراسەکەیەوە دەگرین و لە هەموو بوارێکدا پەرە بە تێکۆشانمان دەدەین.

15:12

لەپای بەشداریکردن لە پێنج خولی پیشەیی، کۆمپیوتەرو کارەبایی و ژینگەیی و گەشتوگوزارو فۆتۆگرافی ئەمڕۆ بەئامادەبونی وەزیری کاروباری کۆمەڵایەتی بڕوانامەی نێودەوڵەتی بەسەر ٧٠ بەشدار بوو دابەشکرا.

14:48

یونیسێف ئاشکرایکردووە، زیاتر لە دوو ملیۆن و ٦٠٠ هەزار ئەفغانی لە وڵاتانی دراوسێوە گەڕاونەتەوە، هۆشداریشیدا کە منداڵانی گەڕاوە ڕووبەڕووی کەمی خزمەتگوزارییە سەرەتاییەکان و کاردانەوەی درێژخایەنی وشکەساڵی دەبنەوە، لە کاتێکدا قەیرانی مرۆیی بەرەو خراپتر دەچێت.

14:00

ئەنجومەنی ژنانی ''پەیەدە'' ئەو هێرشە سیستماتیکیانەی شەرمەزار کرد کە گەڕەکی شێخ مەقسود و ئەشرەفیەی لە شاری حەلەب کردە ئامانج، کە لە ئەنجامدا زیانی گیانی لێکەوتەوە، کە لەنێویاندا ژن و منداڵ هەبوو.

13:20

لە نێوان بڵاوبوونەوەی خاڵە پشکنینە نایاساییەکان و بۆشایی ئاسایشی باو لە ئیدلب، ژنێکی گەنج کوژرا و براکەشی بریندار بوو، کە لەکاتی گەشتکردن بە ئۆتۆمبێلەکەیان لەسەر ڕێگای دانا-ترمانین لە گوندەکانی ئیدلب، لەلایەن کەسانی نەناسراوەوە تەقەیان لێکرا.

12:41

ڕۆژهەڵاتی کوردستان و ئێران لە ماوەی مانگێکدا شاهیدی شەپۆلێکی تاوانکاری ترسناک بوو، لەوانە کوشتنی دەیان ژن و منداڵ، لەگەڵ لەسێدارەدان و گیان لەدەستدانی گوماناویی، ئەم ڕووداوانە ڕەنگدانەوەی پەرەسەندنی مەترسیدارە لە توندوتیژی خێزانی و کۆمەڵایەتی.

11:43

زیاتر لە ٤٠٠ کەسایەتیی ژنی جیهانی کە چوار خاوەنی خەڵاتی نۆبڵ و ژمارەیەک لە سەرۆک و سەرۆکی پێشووی حکومەت داوایان لە تاران کردووە دەستبەجێ زەهرا تەباری، ئەندازیار و چالاکی ئێرانی ئازاد بکات.

10:52

گروپە چەکدارەکانی سەر بە حکومەتی کاتی سووریا، گۆڕستانی بەرخۆدانی شێخ مەقسود و ئەشرەفییەیان تۆپباران کرد.

09:21

لە شاری دهۆک بەهۆی تەقینەوەی بوتڵێکی غاز دوو ژن بریندار بوون، بەپێی ڕاگەیەندراوێكی بەرگری شارستانی دهۆكیش هۆكاری ڕووداوەكە دەگەڕێتەوە بۆ لێچوونی غاز.

08:45

ئەنجومەنی ژنانی تەڤ-دەم بەئامانجکردنی گەڕەکە کوردنشینەکانی شاری حەلەب شەرمەزار دەکات و دووپاتی دەکاتەوە، کە ئەم هێرشانە هەڕەشەی ڕاستەوخۆ بۆ سەر پارێزراوی و ئاسایشی هاوڵاتیانی مەدەنی پێکدەهێنن.

08:27

ژنانی قامیشلۆ و حەلەب هێرشەکانی سەر گەڕەکی شێخ مەقسود و ئەشرەفیەیان شەرمەزار کردو دووپاتیان کردەوە، رێگە نادەن ئەم هێرشانە ئیرادەیان بشکێنن وتیان: بەرخۆدانی ئێوە بەرخۆدانی ئێمەیە، بەرخۆدانی ئێوەش بەرخۆدانی هەموو سوورییە ئازادەکانە.

07:52

لە بناری قەندیل، سێیەم ساڵیادی شەهیدبوونی "ئەڤین گۆیی" و هەڤاڵانی بەڕێوەچوو. لە مەراسیمەکەدا جەخت لەسەر درێژەدان بە ڕێبازی ئەو ژنە تێکۆشەرە کرایەوە کە ٣٤ ساڵ لە تەمەنی خۆی بەخشییە شۆڕشی ئازادیی کوردستان.

15:51

ئەڤین گۆیی کە لە ٢٣ی کانوونی یەکەمی ٢٠٢٢ لەگەڵ هەڤاڵانی میر پەروەر و عەبدوڕەحمان کیزل لە پاریس شەهید کران، لە کامپی پەنابەرانی مەخموور بە پێشەنگایەتی ئەنجومەنی عشتار یادی کرایەوە.

15:41

شاندی ئیمراڵیی دەم پاتی و یەڵماز تونج، وەزیری داد کۆبوونەوە، لە کۆبوونەوەکەدا مژاری هەمووارکردنەوە یاساییەکانی پەیوەست بە پرۆسەکە و دۆخی زیندانیان تاوتوێ کرا.

14:51

ئامینە لاقرین، منداڵێ کچ لە میانی دانیشتنی فەرمی تایبەت بە هەڵبژاردنی سەرۆکی پەرلەمان بۆ ساڵی ٢٠٢٥-٢٠٢٧ی پەرلەمانی جەزائیر بە سەرۆکی پەرلەمانی منداڵانی جەزائیر هەڵبژێردرا.

13:51

کۆمیسیۆنی ژنانی کەنەکە ڕایگەیاند، هێرشەکانی سەر لەیلا زانا هێرشە بۆ سەر هەموو ژنانی کورد و بەتوندی هێرشە ڕەگەزپەرستییەکانی شەرمەزارکرد و وتی: لەیلا زانا شکۆی گەلی کوردە، لەیلا زانا بەتەنها نییە.

13:33

٢٥هەمین ساڵیادی دامەزراندنی بەشی ڕاگەیاندنی زانکۆی سلێمانی، بە ئامادەبوونی بەشێک لە کەسانی ئەکادیمی و مامۆستا و خوێندکاران، بە پیشاندانی چەندین وێنە و کار و بیرهێنانەوەی کەسانی دامەزرێنەری بەشەکە، پیرۆزکرا.

13:20

کۆردیناسیۆنی کەژەکە شەهیدانی کۆمەڵکوژی ٢٣ی کانوونی یەکەمی پاریسی یادکردەوە و ڕایگەیاند، واتادارترین دڵسۆزی بۆ شەهیدان پاراستن و بەهێزکردنی شۆڕشی ژن و ئازادییە.

12:32

هەڵمەتی “سێشەممەکان نا بۆ لەسێدارەدان” بە بەکارهێنانی شێوازی جۆراوجۆری ناڕەزایەتی هەوڵی داوە دژایەتی سزای لەسێدارەدان لە ئاستی تاکەکەسییەوە بۆ گۆڕەپانێکی کۆمەڵایەتی بەرز بکاتەوە و دەنگی ئەو زیندانیانە بگەیەنن کە ڕووبەڕووی لەسێدارەدان دەبنەوە.