siyaset

08:39

Fermandara YPJ’ê Zinarîn Qamişlo xebatên YPJ'ê yên salê nirxand û got: "Emê weke YPJ bibin teminata hemû jinan, ji bo wê jî me bi perwerdeyên pisporiyê amadekariyên xwe kirine û em ê ji bo parastina hemû jinan şer bikin. Li ser erdnîgariya şoreşa jinê bi berxwedaniya mezin a ji rengê hemû jinan em ê sala 2022'an bi serkeftinê tacîdar bikin.”

09:18

Di bûyerên siyasî yên li Îraq û herêma Kurdistanê rûdayîn de jinan rolê giring lîstin. Di hilbijartinên pêşwext ên parlemena Îraqê de derket holê ku baweriya hemû kesîmên civakê zêdetir bi jinan heye. Jinên siyasetmendar dan diyarkirin ku divê jin di hemû aliyan de zêdetir rolê xwe bilîzin û durî aqlê desthilat û mêrsalarî di mecrayên biriyardayînê û rêvebirina civakê de zêdetir nêrîna jinê serwre bikin.

07:59

Endama Komîteya Dîplomasiyê ya TAJÊ Suham Şengalî xebatên wan ên bi jinên Iraq û Başûrê Kurdistanê re nirxand û got: “Me di nava salê de li Bexda û Silêmaniyê bi rêxistinên jinan, jinên rewşenbîr û siyasetmendar re hevdîtin kirin. Di wan hevdîtinan de em li ser pirsgirêkên heyî û li hemberî êrîşên dagirkeriyê yên li ser Şengal û tevahî axa Başûrê Kurdistanê axivîn.

10:02

Seroka Dîwana Wêjeyê ya Rojava Narîman Evdikê yek ji endamên heyeta Kongreya Star bû ku ji bo welatê Baskê hatibû vexwendin. Narîman encamên serdan û hevdîtinên xwe wiha parve kir: “Welatên derve proje, sîstem, ziman û rêxistina me pir mereq dikin taybet mijara di şoreşê de pêşengiya jinê. Encamên hevdîtinên me pir erênî bûn û em pir kêfxweşin ku em nimûne ne ji tevahî jinên cîhanê re.”

08:27

Hevseroka Encumana Zagonsaz a herêma Firatê Fewza Ebdî diyar kir ku guhertinên di hevpeymana civakî de bên çêkirin dê gaveke ber bi serkeftinê ve bin û gelek encamên girîng dê li herêmê pêk bên, hemû pêkhateyên li herêmên Bakur Rojhilatê Sûriyeyê-Rojava para xwe di nav de bibînin, bi taybetî jin.

07:55

Endama Desteya Rêveber a herêma Firatê Cîhan Îbîş der barê cezayê darvekirinê ji bo herdu jinên Efrînî de wiha got: "Çeteyên dewleta tirk dixwazin bi şikandina vîna jinan, hemû civakê xira bikin û zagonên xwe li ser jinan bidin meşandin. Cezayê dervekirinê ku li du jinên Kurd hatiye birîn li benda pêkanînê ye. Ji bo vê banga min ji tevahî jinan re heye divê em li hemberî neheqiyê bisekinin."

11:21

Pispora jineolojiyê Necîbe Qeredaxî di derbarê Kongreya Serketina Eniya Diyaloga Kurd û Ereban a 11’ê Kanûnê li Bexdayê hatî li darxistin de nirxandinên giring kir û weke modela çareseriya pirsgirêkên heyî pergala Bakûr û Rojhilatê Sûriyê ya bi pêşengiya jinan jiyanî dibe mînak da.

09:54

Nûnerên rêxistinên jinan diyar kirin û pêdiviya jinên dikevin nava karê siyasetê despêkê bi perwerdeya di biniya rêxistinên jinan de tê dayîn heye û gotin: “Ji bo nûneriyek baş ji jinan re bikin û di nava partiyên siyasî de bêdneg nemînin pêdivî bi perwerdeya xweser heye. Ger wiha be pêdivî pê namîne partiyên siyasî li ser pirsa jinê biriyarê bidin.”

09:22

Berdevka Partiya Yekitiya Demokratîk Sema Begdaş têkildarî geşedanên dawî yên li herêmê rû didin nirxandin kir û wiha got: “Mixabin ev ne cara yekemîn e sînorê Sêmalka tê girtin her dem di bin hinek bihaneyan de hikûmeta herêma Kurdistanê derî digre, mijar berjewendiyên siyasî ne. Girtina sînorê Sêmalka û Pêşxabûr xizmeta doza Kurd nake. Li hemberî herêma me planeke siyasî û aborî tê kirin û êrîşên dewleta tirk ên herî dawî li ser Zirganê mînakên herî berbiçav in.”

07:57

Endama Koordînasyona Meclisa Jinan a Sûriyeyê Lîna Berekat xebatên meclisê yên di sala 2021’ê de hatine kirin nirxand û got: “Xurtkirin jinan di hemû qadên civakî de û taybetî di qada siyasetê de, ji bo ku bibe xwedî rol, di çareserkirina pirsgirêka Sûriyeyê de ji erkên me yên esasî bû. Di sala 2021’ê de meclisa me xwedî projeyên girîng bû û dikaribû heya asteke mezin destek û alîkariyê bide tevahî jinan û dengê wan di qadên navnetewî de vede. “

08:50

Berdevka Meclisa Jinan a PYD’ê Zehra Semo da zanîn ku bi derbasbûna salek re meclisê bingeheke xwe ya baş di nav civakê de ava kiriye û ji bo rêxistinkirina jinên herêmên rizgarkirî karekî serkeftî daye meşandin. Her wiha hêviyên wê ji bo sala nû ew in ku ev sal bibe sala rizgarkirina hemû herêmên dagirkirî da ku jiyana azad û aram were jiyîn.

10:59

Li Başûrê Kurdistanê çalakiyên salê 1’ê Çile bi kampanye ya “100 sedem ji bo darezandina dîktator” destpê kirin û bi 9’ê Çile roja di kesayeta Sakîne Cansiz û hevalên wê de têkoşîna jinan hatî hedefgirtin domandin. Li hemberî dagirkeriya ser axa Başûrê Kurdistanê ji çalakiya Dayikên Laçik Spî heta çalakiyên bi diruşma “Silêmanî li gel Behdînane” jinan pêşengiya xwe ya di hemû çalakiyan de heya dawiya salê dewam kirin.

15:08

Berdevka HDP’ê Ebrû Gunay mijarên di rojevê de nirxand û balkişand ser qeyîrana aborî û da zanîn ku ew bi partiyên muxalîf re hevdîtinan dikin.

09:32

Endama Komîteya Komeleya Jinan a Rêxistina Kurdistanê ya Partiya Komunîst a Îranê Rêzan Hamîdî, bûyerên li Îran û Rojhelata Kurdistanê tên jiyîn nirxand. Rêzan Hamîdî destnîşan kir ku jin li Îranê ji çalakiyên parêzvaniya mafên bigire heta tevgerên kedkaran di rêzên herî pêş de cih digrin û di sala 2022'an de dê hem li rêzên herî pêş hem jî di pozîsyona rêxistinkirinê de cih bigrin.

08:06

Seroka Desteya Jin a Herêma Cizîrê Zeyneb Mihemed li ser kar û xebatên Desteya jin ên sala 2021’ê nirxandin kir û wiha got: “Piraniya karkerên di nav Rêveberiya Xweser de cih digrin jin in ji bo wê pêwîst e di aliyê jinan de zêdetir em rêxistina xwe xurt bikin û hevserokên mêr li ser esasê bîrdoziya azadiya jinan perwerde bikin. Desteya Jin projeyên xwe di sala 2021’ê de bi cih anî û destekeke xurt da hemû jinan”

07:53

Endama Koordînasyona Meclisa Jinan a Bakur û Rojhilatê Sûriyeyê Jiyan Hisên kar û xebatên salek ên Meclisa Jinan a Bakur û Rojhilatê Sûriyeyê nirxand her wiha plansaziya sala 2022’an eşkere kir û wiha got: “Her sal em qezencên nû bi dest dixin bi taybetî di aliyê guhertina zîhniyeta mêran de. Ya girîng em jin di qada siyasetê de bi hêz bikin, ji ber ku heya niha jin zehmetiyan di aliyê îfadekirinê de dikşînin ev jî vedigera hişmendiya bi salan a jin ji qada siyasetê dûr xistibû, pêwîst e di destûrê nû de hevrengiya jinan û îradeya wan hebe.”

14:41

Li Fransayê ji bo hemwelatiyên ku 18 salî bikare paşnavê dayika xwe hilbigre, qanûnek hat pêşniyarkirin.

12:00

Endama Encûmena Xwecihî ya Navçeya Mualla ya paytexta demkî ya Yemenê Adenê, ku di heman demê de karmendiya îdarî ya Yekîtiya Jinên Yemenê Valentina Abdel Karim Mahdi banga têkoşîn û beşdarbûna jinan li xebatên siyasetê û mecrayên biriyargirtinê kir û got: “Werin di pêşxistina bîr û mecrayên biriyargirtinê de tevlîbûna xwe çêkin. Ji bo pêşeroja welat û gelê xwe em dahatoyek baş bidin çêkirin. Li bendê nebin kes maf bide we ji ber maf nayê dayîn tê sitandin.”

12:35

Endama rêxistina komelgeya jinên Rojhilat Mehîn Ehmed diyar kir ku azadiya jinan a ku li Başûrê Kurdistanê heye kêm e divê jin hîn zêdetir xwe bi rêxistin bikin û bikaribin pêşî li tundîtûjiya li hemberî jinan bigrin.

13:56

Berdevka HDP'ê Ebru Gunay gelek mijarên di rojevê de nirxand û ji bo kesên ku li girtîgehan jiyana xwe ji dest dane bang li Wezareta Edaletê kir û got “Dawî li pêkanînên ku girtîgehan vediguherînin cihên mirinê bînin û dev ji hiqûqa dijminatiyê berdin. Aysel Tugluk û hemû girtiyên nexweş tehliye bikin."