ناوەندی هەواڵ

 

دوانیوەڕۆی ٣ی شوبات، لە شارۆچکەی چەمچەماڵ ژنێک بە ناوی لەنیا ئەحمەد، کە تەمەنی ٣٣ ساڵ بوو کوژرا، کە خێزانداربووە و خاوەنی “دوو” منداڵ بووە.

 

بنەماڵەی لەنیا ئەحمەد ڕاگەیەندراوێکیان بڵاو کردەوەو تێیدا هاتووە: ڕوونکردنەویەک لە بنەماڵەی لەنیا ئەحمەد حەمەکەریمەوە ئەو ژنەی ئەمڕۆ لە چەمچەماڵ بەشێوەیەکی دڕندانە شەهید کرا.

 

ناوی تەواوی: لەنیا ئەحمەد حەمەکەریمە و لەدایکبووی ١٩٩٢ە، خێزاندارەو خاوەنی دوو منداڵە مامۆستای بەشی زمانی عەرەبیە لە زانکۆی چەرموو، هیچ کێشەیەکی نەبوو لەگەڵ هیچ کەسێک ژنێکی لەخواترس و باوەڕدار و سەنگین و خانەدان بووە و خاوەن بڕوانامەی ماستەربوو.

 

لەلایەن خاڵێکییەوە بە ناوی (حەمەزە حەمید) بەشێوەیەکی دڕندانە شەهید کراوە بکوژەکە ئاڵوودەبوی ماددەی هۆشبەرە و چەتەی داعشە پیشتریش لە ساڵی ٢٠١٦ پەیوەندی بە داعشەوە کردووە و لەلایەن ئاسایشەوە ماوەیەک سزادار بەڵام نازانن چۆن ئازاد کراوە کە خۆی وتویەتی من داعشم.

 

تکا دەکەین لە پەیج و ئەکاونت و ڕاگەیاندنەکان کەس لەخۆیەوە هەواڵی ناڕاست بڵاو نەکاتەوە ،ئێمە ئێستا لە خەمێکی قوڵین نیگەرانی دایگرتووین تکایە هاوکارمان بن نەک ئازارمان بدەن .

 

ئەوە لە کاتێکدایە شەوی ٢ی شوبات، لە گەڕەکی کانی کوردەی سلێمانی، ژنێک بە دەستڕێژی گولـلە کوژرا.