له‌به‌رده‌م سه‌رۆكی ئه‌نجومه‌نی دادوه‌ری هه‌رێمی كوردستان ڕێوره‌سمی سوێندخواردنی ٤٧ دادوه‌ر و ١٢ ئه‌ندامی داواكاری گشتی ئەنجامدرا کە دابەش دەبن بەسەر ناوچە جیاوازەکانی هەرێمی کوردستاندا.

ناوەندی هەواڵ

 

بە گوێرەی ڕاگەیەندراوی ئەنجومەنی دادوەری هەریمی کوردستان ئەمڕۆ مەراسیمی سوێندخواردنی ٤٧ دادوه‌ر و ١٢ ئه‌ندامی داواكاری گشتی لەبەردەم دادوه‌ر عەبدولجەبار عەزیز حەسەن، ئەنجامدرا.

 

ئەو ٤٧ دادوه‌رە بۆ دادگاكانی تێهه‌ڵچوونه‌وه‌ی هه‌ولێر، سلێمانی، دهۆك و كه‌ركوك و گه‌رمیان دەبن، ١٩یان ژنن و لە نێو ١٢ ئەندامەکەی داواکاری گشتیدا ١٠ کەسیان ژنن.

 

بە گوێرەی ڕاگەیەندراوەکە ١٢ دادوەر بۆ دادگای تێهه‌لچوونه‌وه‌ی هه‌ولێر دەبێت و  ١٧ دادوه‌ر بۆ دادگای تێهه‌ڵچوونه‌وه‌ی سلێمانی و ٩ دادوەریش بۆ دادگای تێهەڵچوونەوەی دهۆک دەبێت، بەڵام دابەشکردنی نوێنەرانی داواکاری گشتی لەلایەن سه‌رۆكایه‌تی داواكاری گشتی هه‌رێمه‌وه‌ ده‌بێت.