Navenda Nûçeyan – Li ser bangawaziya partî, rêxistinên siyasî û sivîl ên Kurdistanî, li dijî qetilkirina Jîna Emînî li bajarên Kurdistanê grevên giştî dest pê kir. Li bajarên Sine, Saqiz, Şino, Pîranşar û Mehabadê grev dest pê kir û gelê Kurd bi girtina dikanên xwe û nexebitîna li bazarê nerazîbûna xwe nîşan da.

Piştî qetilkirina Jîna Emînî ya ji aliyê rejîma Îranê ve li bajarên Kurdistan û Îranê xwepêşandanên girseyî hat lidarxistin. Bi ragihandina bangewaziya partiyên siyasî, rêxistinên sivîl û siyasî yên Kurdistanî yên der barê qetilkirina Jîna Emînî de, gelê Kurdistanê û Îranê ji bo pêşî li kuştin û sûcên dewletê bigire, dest bi greva giştî kirin.

Hêjayî gotinê ye ku di bangewaziyê de ji bilî qetilkitina Jîna Emînî, behsa Şilêr Resûlî jî hate kirin û ji hemû pêkhateyên Kurdistanê, rêxistinên sivîl û çalakvanên mafên mirovan hate xwestin ku beşdarî grev û xwepêşandanan bibin û rê li ber derewan bigirin.