Navenda Nûçeyan – 12’ê Îlona 1980’yan, wekî xala werçerxê di pergala siyasî û civakî ya Tirkiyeyê de birînên kûr vekir û tênê bandorê li kesên derbeyê jiyan nekir, li ser bîra civakî şopên nejibîr hişt. Piştî derbeyê, bi sed hezaran kes hatin girtin û zêdetirî milyonek kes hatin fîşkirin (der barê wan de doz hatin vekirin). Ciwan hatin darvekirin û gelek kes hatin windakirin.

12’ê Îlonê tenê desthilatdariya siyasî neguherand; di bîra kolektîf a civakê de birînên mayînde hişt û heta îro jî derbe bi pêkanînên xwe berdewam dike. Der barê vê roja reş a di bîra civakî de şopên kûr hiştiye de gelek tişt hatine nivîsandin, xêzkirin û stran hatine gotin. Yek ji van stranan jî strana ‘Son Bakış’ (Awirên Dawî) ya Sezen Aksu ye. Werin em bi hev re li vê stranê guhdarî bikin…