ناوەندی هەواڵ

 

ململانێی بەردەوامی سودان لە نێوان هێزەکانی پشتیوانی خێرا و سوپای سودان، هەزاران کەسی کردووەتە قوربانی، بەمەش ملیۆنان هاوڵاتی مەدەنی ناچارن هەڵبێن و کۆچ بکەن بۆ ناوەوە و دەرەوەی وڵات.

 

دوێنێ ٩ی کانوونی دووەم، ڕێکخراوی کۆچی نێودەوڵەتیی نەتەوە یەکگرتووەکان بۆ کۆچبەران لە ڕاپۆرتێکدا ڕایگەیاند کە ژمارەی ئاوارەکان و کۆچبەران بە ڕێژەی ٢٧% لە ساڵی پێشوو زیادی کردووە، بەو پێیەی ژمارەی ئاوارەکان گەیشتووەتە زیاتر لە ١١.٥ ملیۆن کەس، و زیاتر لە ٣.٣ ملیۆن کەس خەڵک بۆ وڵاتانی دراوسێ، کە دەکاتە نزیکەی ١٥ ملیۆن کەس ئاوارەبوون لە ناوخۆ و دەرەوەی وڵات.

 

ئاماژەی بەوەشکرد، ٨٤% خێزانە ئاوارەبووەکان پێویستیان بە خۆراک هەیە، هەروەها ٧٨%یان پێویستیان بە کەلوپەلی ناخۆراکی هەیە، بەتایبەتی شوێنی حەوانەوە و سووتەمەنی، زیاتر لە ٣٠%ی دانیشتووانی سودان ئاوارەبوون لە وڵاتانی دراوسێ و ئاوارەبوون لە ناوخۆدا.

 

نەتەوە یەکگرتووەکان هەوڵی کۆکردنەوەی نزیکەی ٤.٢ ملیۆن دۆلار دەدات بۆ یارمەتیدانی زیاتر لە ٢٠ ملیۆن هاوڵاتی مەدەنی لە سودان، ئەمەش دوای ئەوەی ململانێکان بژێوی ژیانی ناوچەکەی لەناوبرد.