نەغم چاچان

 

قامیشلۆ- لەم پرسی دانپێدانانی زمانی کوردی لە دەستووری نوێی سووریادا زیاتر بووە. لەگەڵ زیادبوونی داواکارییەکان بۆ پێگەیەکی یاسایی کە ڕەنگدانەوەی بوونی خۆی وەک زمان و ناسنامەیەک بۆ ملیۆنان قسەکەرە.

 

مامۆستا حەنان بەکر، مامۆستای زمانی کوردی و هوندیرین عیسا، خوێندکاری بەشی کشتوکاڵی زانکۆی ڕۆژئاوای کوردستان سەبارەت بە قبوڵکردنی خوێندنی زمانی کوردی لە دەستووری نوێی سووریا بۆ ئاژانسەکەمان قسەیان کرد.

 

مامۆستا حەنان بەکر ڕایگەیاند، شۆڕشی ڕۆژئاوای کوردستان خۆی شۆڕشێکی کولتووری و زمانەوانیی دروستکردووە و وتی: زمان بوونی هەموو گەلێکە، چونکە هەموو هاوڵاتییەک لە جیهاندا زمان و شوناسێکی هەیە، ئێمە وەک گەلی کورد، ناسنامەی زمانەکەمان هەیە و لەلایەن زمانەکەمانەوە ناسراوین، شۆڕشی ڕۆژئاوای کوردستان دەرفەتێکی بۆ ئێمە کردووەتەوە، وەک گەلی کورد، بۆ ئەوەی بتوانین لە بەرامبەردا بوەستینەوە و زمانمان بپارێزن بۆ سەدان ساڵ دەوڵەتانی دەسەڵاتدار و سیستەمی سەرمایەداری گەلی کوردیان لە کولتوور و زمانەکەی دوورخستبووەوە.

 

”زانکۆکانی زمانی کوردی لە ڕۆژئاوای کوردستان دامەزراون”

حەنان بەکر وتی: وەک مامۆستا لە وەرزی هاوینەدا خولی پەروەردەی زمانی کوردی وەرگرتووە، سەرەتا خولی پەروەردەی زمانمان وەرگرت و دواتر چووینە ناو قوتابخانەکان. کاتێک بۆ یەکەمجار چووینە ناو قوتابخانەکان، ڕووبەڕووی بەربەستی خەڵک و ڕژێمی بەعس بوویەوە، بەڵام سەرەڕای هەموو ئاستەنگەکان، خەبات بۆ فێرکردنی زمانی کوردی بەردەوامە، لە ڕێگەی خولی پەروەردەیەوە قوتابخانە سەرەتاییەکانمان بەڕێوەبرد، لە ساڵی ٢٠١٧ و دوای خولە پەروەردەیەکەش لەگەڵ لقەکانمان چووینە ناو قوتابخانە ناوەندییەکان، دواتر چووینە ئامادەیی و ئەمڕۆ گەیشتوینەتە زانکۆکان.

 

”کوردی پێویستی بەوەیە زمانی دووەم بێت لەسەر ئاستی سووریا”

حەنان بەکر ئاماژەی بەوەدا، کە ئەقڵیەتی حکومەتی کاتی هەمان ڕژێمی بەعسە، هەروەها حکومەتی کاتی وەک ڕژێمی بەعس وایە، گەلی کوردستان قبووڵی ناکات. حکومەتی کاتی وتی: لە هەفتەیەکدا تەنها دوو وانە لە قوتابخانەکاندا دەبێت، خەباتی ئێمە وەک مامۆستا لەناو قوتابخانەکان پێنوسەکانمان بوو. زمانی کوردی پێویستە ببێت بە زمانی دووەمە لەسەر ئاستی سووریا، تا ئەوکاتەی زمانی کوردی لە دەستووری نوێی سووریادا دانپێدانراو دەبێت، هەموو خەبات و چالاکییەکانمان بەردەوام دەبن.

 

”زمان بوونی ئێمەیە، جەستە و ناسنامەمانە”

هوندیرین عیسا، خوێندکاری بەشی کشتوکاڵی زانکۆی ڕۆژئاوای کوردستان لەسەر قسەکانی مامۆستا حەنان بەکر ڕایگەیاند، کە پێویستە زمانی کوردی بە فەرمی لە دەستووری سووریادا بناسرێت. هوندیرین عیسا وتی: هیچ جیاوازییەک لە نێوان حکومەتی کاتی و ڕژێمی بەعسدا نییه، هەردوو سیستەم دانیان بە زمانی کوردیدا نەنا، پێویستمان بە پاراستنی زمانەکە مانە، چونکە زمان بوونی ئێمە و جەستەمان و ناسنامەمانه.