ناوەندی هەواڵ

 

هەڵمەتی "دەمەوێت عەبدوڵا ئۆجالان ببینم" لە ٢٠ی ئاب لەلایەن "دەستپێشخەری ئازادی بۆ ڕێبەر عەبدوڵا ئۆجالان لە سووریا" و "پارێزەرانی بەرگری لە عەبدوڵا ئۆجالان لە سووریا" دەستیپێکرد، کە لە مانگی حوزەیرانی ڕابردوودا لەلایەن پلاتفۆرمی ئاشتی و ئازادی ئەوروپاوە لە ئاستی نێودەوڵەتیدا دەستیپێکرد و زیاتر سەرنجی مافەکانی مرۆڤ و ڕێکخراوە کۆمەڵایەتیەکانی جیهانی بەلای خۆیدا ڕاکێشا.

 

هەڵمەتی "دەمەوێت عەبدوڵا ئۆجالان ببینم" بەشدارییەکی بەربڵاوی لەلایەن چین و توێژە جیاوازەکانی کۆمەڵگەی سووریاوە وەرگرتووە، کە ڕەنگدانەوەی فرەچەشنییەکی بەرچاوی کۆمەڵایەتی و هاودەنگی مرۆییە.

 

لە چوارچێوەی هەڵمەتە جیهانییەکەدا، کە دروشمی "دەمەوێت عەبدوڵا ئۆجالان ببینم"دا هەڵگرتبوو، دوو هەزار و ٥٤١ واژۆ لە سەرانسەری سووریاوە کۆکرانەوە و ڕەوانەی دەزگا دیارەکانی نێودەوڵەتی کران، لەوانە سکرتێری گشتی نەتەوە یەکگرتووەکان، لیژنەی بەرەنگاربوونەوەی ئەشکەنجە "CPT"، ئەنجومەنی یەکێتی ئەوروپا، ئەنجومەنی مافی مرۆڤ و وەزارەتی دادی تورکیا.

 

هەردوو دەستپێشخەری "دەستپێشخەری ئازادی بۆ ڕێبەر عەبدوڵا ئۆجالان لە سووریا" و "پارێزەرانی بەرگری لە عەبدوڵا ئۆجالان لە سووریا" ڕایانگەیاند، کە هەڵمەتەکە شاهیدی بەشداری بەرفراوانی پێکهاتە جیاوازەکانی کۆمەڵگەی سووریا بووە، لەوانە ناوچەکانی باکوور و ڕۆژهەڵاتی سووریا و شارەکانی وەک دیمەشق، حەلەب، لازقیە، تارتووس، دەرعا، قنەیترە، سوەیدا ، و ئیدلب.

 

ئەم هەڵمەتە کەسایەتییە جیاوازەکانی نەتەوە و ئایینی کۆکردەوە، لەوانە کورد، عەرەب، سریانی، ئەرمەنی، ئێزدی، تورکمان، و چەرکەسییەکان، هەروەها نوێنەرانی مەزهەبە ئیسلامییە جیاوازەکان، وەک سوننە، عەلەوی، ئیسماعیلی و دروز.

 

لیستی واژۆکاران بریتی بوون لە چالاکوانانی مافی مرۆڤ، ئەکادیمیستەکان، سیاسەتمەداران، ڕۆشنبیران، شێخەکانی خێڵەکان، زانایانی ئایینی، پزیشکان، ئەندازیاران، نوێنەری چین و توێژە جیاوازەکانی کۆمەڵگە، کە هەموویان خواستی خۆیان دەربڕی بۆ شکاندنی ئەو گۆشەگیرییەی سەپێنراوە بەسەر ڕێبەری گەلی کورد عەبدوڵا ئۆجالان و کردنەوەی دەرگای دیدار لەگەڵیدا، هەنگاوێکە کە ڕەنگدانەوەی هاودەنگی بەربڵاوی مرۆڤایەتییە و بانگەوازێکە بۆ دادپەروەری و ئازادی.