ناوەندی هەواڵ

 

چالاکوانان لە کامیرۆن داوا لە کاندیدی زیاتر دەکەن کە بچنە ناو پێشبڕکێکان بۆ کورسییەکانی ئەنجومەنی پیران، پێش دواوادەی ٢٨ی کانوونی دووەم، تەنها ٢٦ ئەندامی ئەنجومەنی پیرانی ١٠٠ ئەندامی کامیرۆن ژنن، ژمارەیەک لە پارێزەرەکان دەیانەوێت دوو ئەوەندە ببینن، بەڵام بیروباوەڕی باوکسالاری و نەبوونی پشتیوانی سیاسی ڕێگرن.

 

پۆڵ بیا، سەرۆکی کامیرۆن هەفتەی ڕابردوو ڕایگەیاند، هەڵبژاردنی ئەنجومەنی پیران لە ١٢ی ئازار بەڕێوەدەچێت و وادەی تۆمارکردنی کاندیدیش تا ٢٨ی کانوونی دووەم دەبێت، ڕاگەیەندراوەکە وای لە چالاکوانان کردووە کە هانی زیاتری کاندیدی ژن بدەن.

 

ئایسا دۆمارا ناگاتانسۆ لەگەڵ کۆمەڵەی تێکۆشانی دژی توندوتیژی سەر ژنان ئاماژەی بەوەکرد کە تەنها دوو لە ١٠ ئەندامی پێشووی ئەنجومەنی پیران لە هەرێمی کامیرۆن دوور لە باکووری کامیرۆن، کە ماراوا تێیدایە، ژنن، وتیشی: "سەردانی ئەو لایەنە سیاسیانە دەکەین کە بەربەرەکانی هەڵبژاردن دەکەن بۆ ئەوەی پێیان بڵێین چالاکوانان یەکسانی ڕەگەزیان دەوێت لە نێوان کاندیدەکانیان - نیوەی ژنان و نیوەی پیاوان، جێی دڵخۆشییە ئەو ژنانەی کە لە ڕابردوودا بێدەنگ بوون ئێستا دەیانەوێت بەشداری لە سیاسەتدا بکەن".

 

ژنانی کامیرۆنی لە مێژە سکاڵای کەمی بەشدارییان لە سیاسەتدا لە پێش هەڵبژاردندا بەرزکردووەتەوە، چالاکوانان ئەوەیانخستەڕوو کە هێشتا لە زۆربەی بەشەکانی کامیرۆن هەڵوێستی باوکسالاری زاڵە، کە چاوەڕوان دەکرێت ژنان پێش ئەوەی خۆیان کاندید بکەن، مۆڵەتی هاوژینەکەیان بەدەستبهێنن.

 

هەڵمەتەکانی پارەدان بەربەستێکی دیکەیە، چونکە زۆرێک لە کاندیدەکانی ژنان ناتوانن یەک هەزار و ٦٥٠ دۆلار دابین بکەن، کە پێویستە بۆ ئەنجومەنی پیران کاندید بکرێن.

 

جیوستین دیفۆ، ڕێکخەری گروپی ژنانی زیاترە لە سیاسەتدا وتی: "پێویستە ڕێکخراوەکانی ژنان، بەخشەرە دەوڵەمەندەکان و لایەنە سیاسییەکان بە کرێی ئەم جۆرە هەڵمەتە هاوکاری کاندیدەکانی ژنان بکەن".

 

پارتی بزووتنەوەی دیموکراتیی گەلی کامیرۆن "CPDM" لەڕاگەیەندراوێکی ڕۆژنامەوانیدا ئاماژەی بەوە کرد، ئەو کێشانەی لەلایەن چالاکوانانی ژنانەوە بەرزکراوەتەوە، لێکۆڵینەوەیان لێدەکات و هەموو کارێک دەکات کە ژنان زیاتر خۆیان کاندید بکەن بۆ ئەنجومەنی پیران.