جەزائیر

 

عەبدولمەجید تەبون، سەرۆکی جەزائیر،لە مانگی ئاداری ساڵی ڕابردوودا کۆبوونەوەیەکی لەگەڵ سەرۆکی ئیدارەی نیشتمانیی هەڵبژاردنەکان "ANIE" و بەرپرسانی باڵای وڵاتەکەی ئەنجامدا و ڕایگەیاند، ئەو هەڵبژاردنانەی کە پلانیان بۆ دانراوە بۆ مانگی کانوونی دووەم لە ٧ی ئەیلوولی ٢٠٢٤بەڕێوەدەچێت، کۆمەڵەی حوریە بۆ ژنانی جەزائیر، لە پرۆسەیەکدا کە ژنان لە ڕووی بەشداری سیاسییەوە لاوازن، بەرنامەیەکی بۆ زیادکردنی هۆشیاری سیاسی ژنان دەستپێکرد.

 

ژنان لە جەزائیر دەستیان بە کارکردن کرد بۆ هەڵبژاردن

عەتیقە حەریشان، سەرۆکی کۆمەڵەی نیشتمانی ژنانی جەزائیر، دووپاتیکردەوە گرنگە هۆشیاری سیاسی لای ژنان بەرزبکرێتەوە و شتی سەرەکیش زیادکردنی ڕۆڵی ژنانە بەتایبەتی لە بواری سیاسیدا، لە جەزائیر جارێکی تر ناکۆکی لەسەر گرنگی بەشداری ژنان لە سیاسەتدا سەریهەڵدا. بە تایبەت لەگەڵ نزیکبوونەوەی هەڵبژاردنەکان و دوای ڕەتکردنەوەی دۆسیەی ژنانی وەک زوبەیدە عوسول و سەید نەخزە، سەرۆکی پارتی کرێکاران لیویزە حەنون لە کۆتایی مانگی تەمموزدا کشایەوە، لە کاتێکدا کە ژنان لە جەزائیر بەشداری چالاکییە سیاسییەکان دەکەن، کۆمەڵەی حوریەی ژنانی جەزائیر بەرنامەیەکی بۆ بەرزکردنەوەی ئاستی هۆشیاری ژنان لە بواری سیاسی و گرنگی بەشداریکردنیان لە هەڵبژاردنەکاندا دەستپێکرد.

 

کۆمەڵەی فێمینیست کار بۆ هۆشیارکردنەوەی ژنان دەکات

عەتیقە حەریشان وتیشی: لە کۆمەڵەکەدا کار لەسەر بەرزکردنەوەی ئاستی زانستی ژنان دەکەین و ئەو ڕۆڵەیان پیشان دەدەین کە پێویستە بیگێڕن، هەروەها بەشداری لەو حاڵەتانەشدا دەکەین کە بۆیان گرنگە، بەشداری سیاسی ژنان بەقەد بەشداریکردنی ئابوری و کۆمەڵایەتی و فیکری و زانستییان گرنگە و ژنانی جەزائیر لە چوارچێوەی یاسا یاساییەکاندا پارێزراون.

 

ژنان ڕۆڵی زانستی خۆیان بینی

عەتیقە حەریشان لە درێژەی قسەکانیدا وتی: ژنان لە هەموو بوارەکاندا جێگەی خۆیان گرتووە، یەکێک لەوانە بواری زانستییە، بەهۆی ئەوەوە ژمارەی توێژەر و مامۆستا و بەڕێوەبەر و وەزیر و بەرپرسە دیبلۆماسییەکانیش زیادی کردووە، هەر بۆیە ئەمڕۆ گرنگە کەباسی گرنگی گواستنەوە لە مافەوە بۆ ئەرک بکەن، ئەگەر ژنان لە هەڵبژاردن لەگەڵ پیاوان ئەرکی خۆیان جێبەجێ نەکەن، یەکسانی مومکین نییە.

 

"دایکانمان ڕۆڵێکی گرنگیان هەبوو"

وتیشی: یەکسانی پەیوەست نییه بە لایەنێک، نابێت ڕۆڵی ژنان ته نها دەنگدان بێت، چونکه ڕۆڵی ئەوان لەوە زیاتره . ژنان دەزانن چەند گۆڕانکاری ڕوودەدات، بەشداری ژنان لە بڕیاردان و هەڵبژاردن بۆ بەڕێوەبردن و نوێنەرایەتیکردنی وڵات لە کاروباری نێودەوڵەتیدا گرنگە، مێژووی بەشداریکردنی ژنان لە سیاسەتدا هەیە، دایکانمان ڕۆڵێکی گرنگیان هەبوو لە گەڕانەوەی ئیدارەکان و بەهێزبوونی ژنان دوای سەربەخۆیی هەر بۆیە گرنگە بۆ نەوەکان بە یارمەتی دایکان بەشداری بکەن.

 

هەنگاوی "دەنگی من دەرفەتی منە" بە دروشمی "دەنگم متمانەی منە" بەردەوامە

جیهاد سەیاد، بەرپرسی پەیوەندییە نیشتمانییەکانی کۆمەڵەکە و بەڕێوەبەری کەمپینی "دەنگی من دەرفەتی منە" وتی: ئامانجی سەرەکی هەڵمەتەکە زیادکردنی زانیاری ژنانە بۆ ئەوەی بەرپرسیارێتی خۆیان بزانن وڕۆڵی خۆیان لە هەڵبژاردنەکاندا بگێڕن لە هەڵبژاردنی سەرۆکایەتیدا و هۆشداری دەدەن بە ژنان تا بزانن کێ هەڵدەبژێرن.

 

سەبارەت بەو چالاکییانەی کە کۆمەڵەکە ڕێکیان خستووە، وتی: لە شێوەی دوو بەش دەستمان بە چالاکییەکان کرد، بەشی ئامادەکاری و بەشی دیجیتاڵی، بەشی دیجیتاڵی پانێڵ و دیالۆگی دیجیتاڵی لەگەڵ کەسایەتییە سیاسییە چالاکەکان لە هەموو لایەکەوە ڕێکدەخات، دووەمیان خەریکی ڕێکخستنی چالاکیی مەیدانی و هۆشیارییە بۆ ژنان، هەروەها پەیوەندیکردن و ڕێکخستنی پانێڵی ئامادەکارییە، لەوانەش پانێڵی ژنان لە بەرنامەی سیاسی جیاوازدا بۆ سێ کاندیدەکە.