ئامینە کاکە باوە: کۆمەڵگای نێودەوڵەتی بێدەنگن لە ئاست کارەکانی تورکیا

ئامینە کاکەباوە، پەرلەمانتاری کورد لە پەرلەمانی سوید وەڵامی ئەو ڕاپۆرتانەی دایەوە کە گوایە هاکی ئیمری یۆنت، باڵیۆزی تورکیا ناوی لە نێو لیستێکی کەسایەتییە سیاسییەکانی سویددا باسکردووە، کە تورکیا داوای کردووەتەوە.

ناوەندی هەواڵ

 

ئامینە کاکەباوە، پەرلەمانتاری کورد لە سوید، وەڵامی ئەو ڕاپۆرتەی دایەوە کە ڕۆژی هەینی باڵیۆزی تورکیا لە سوید چەند پەرلەمانتارێکی بە هەبوونی پەیوەندی لەگەڵ پارتی کرێکارانی کوردستان تۆمەتبار کردووە و داوای دیپۆرتکردنەوەیانی کردووە.

 

ئامینە کاکەباوە ئاماژەی بەوە داوە کە ئەو لە نەتەوەی تورک نییە و کوردە و ئەوە باڵیۆزی تورکیایە کە پێویستە لاببرێت، وتیشی: ئەردۆغان ڕقی لە کورد و هەموو ئۆپۆزسیۆنێک بوو کاتێک سەدان کەسایەتی سیاسی کورد و بەرپرسانی حزب و ئەندامانی حیزب و سەرۆک شارەوانی و چالاکوانانی هەڵبژارد، ئەندامانی ناتۆ تەنانەت چاویان لێ نەتروکاند و کۆمەڵگای نێودەوڵەتی بێدەنگ بوو، وڵاتانی ئەوروپاش خیانەتیان لە دیموکراتەکانی تورکیا کرد، نەک تەنها کورد بەڵکو هەموو دیموکراتەکانی دیکەش".

 

ئامینە باسی لەوەش کردووە کە بڕیارەکەی بەریتانیا بۆ هەڵگرتنی گەمارۆی چەک لە دژی تورکیا ئابڕووچوونە و ئەگەر سوید ئابڵوقەی چەکەکانی بەرز بکاتەوە دەبێتە ئابڕووچوونێکی تر، پێویستە ڕۆژئاوا داوای ئازادکردنی زیندانیانی سیاسی لە تورکیا بکات، بۆ گێڕانەوەی دیموکراسی و یاسا.

 

بەپێی راپۆرتەکان هاکی ئیمری یۆنت، باڵیۆزی تورکیا لە سوید ڕایگەیاند کە ئامینە کاکەباوە لە لیستی "ڕادەستکردنەوەی تورکیا" نییە و دەبێت تێنەگەیشتنێک بووبێت کە ناوی لە راپۆرتەکانی میدیاکانی سویددا هاتووە، لەکاتێکدا بەم دواییانە ئیدارەی ئەردۆغان دژایەتی خۆی بۆ سوید و فینلاند بۆ چوونە پاڵ ناتۆوە ڕاگەیاند و ئەو دوو وڵاتەی بە "هێلانە"ی گروپە تیرۆریستییەکان و بەتایبەتی پەکەکە تۆمەتبار کرد.