rojane

09:00

Jineke ciwan bi kameraya xwe li nav bazar û kolanên kevin ên Silêmaniyê digere; wêneyên zarokan, extiyaran, cihên kevin ên bajêr dikşîne û hewl dide bîranînên bajêr ji bo nifşê pêşerojê biparêze.

08:33

8 endamên ku beşdarî civîna ewil a Desteya Çavdêrî û Nirxandinê ya ku ji bo şopandina çareserkirina pirsgirêka Kurd û pêvajoya bêçekkirinê hat damezrandin bûn, hemû mêr bûn. Tulay, diyar kir ku divê jin bi mekanîzmayên serbixwe beşdarî pêvajoyê bibin.

21:42

Çalakiya nobetê ya li wargeha penaberan a Mexmûrê ku ji bo azadiya fîzîkî ya Rêberê Gelê Kurd Abdullah Ocalan hatibû destpê kirin, bi dewirgirtina koma 218’an, di roja xwe ya hezar û 135’an de bi biryardariyek mezin didome.

19:40

Piştî şewatên ku bandor li hin parêzgehên bakur û rojhilatê Cezayîrê kirin, hate ragihandin ku 12 kes mirine û 54 kes jî birîndar bûne. Li Cezayîrê sê roj şîna neteweyî hat ragihandin.

17:01

Komîteyên Edaletê yên ji bo Rojîn Kabaiş raporek li ser têkoşîna du salan bi raya giştî re parve kirin. Peyama ji aliyê parêzerê dozê ve hatî şandin, destnîşan kir ku lêpirsîn li ser îhtîmala "xwekuştinê" hatiye kirin.

15:44

Rojnamevana Cezayîrî û edîtora sereke ya nûçeyan li televîzyona giştî, Wasîla Bû Şarib piştî şerekî bi nexweşiyê re, di 58 saliya xwe de koça dawî kir.

14:56

Leyla Ebolhusnî ya 43 salî û dayîka du zarokan, ji ber kişandina dîmenan li firoşgehek hat girtin û bi tohmeta "dijminatiya li dijî Xwedê" cezayê darvekirinê lê hat birîn.

12:27

Dema ku hikûmeta Îranê weşandina statîstîkên xizaniya kûr bi ‘qedexeya ewlehiyê’ vedişêre, daneyên fermî nîşan didin ku bi sed hezaran zarok rûbirûyî kêmxurekiyê ne û hêza kirîna malbatan bi awayekî xedar daketiye.

12:04

Li gorî daneyên Ofîsa Koordînasyona Karûbarên Mirovî ya Neteweyên Yekbûyî, di êrîşên milîsên Hûsî yên li ser herêmên niştecihbûnê yên li Marib, Taiz û Mochayê de, 60 sivîl hatin kuştin ev yek bû sedema pêla koçberiyê û zirarên mezin.

11:39

Fermandariya Giştî ya YPJ’ê ragihand ku di 26’ê Tebaxê de bi şandeke fermî ya Wezareta Hundirîn a hikûmeta veguhêz re civîneke erênî pêk aniye û li ser entegrasyona YPJ’ê ya di nava wezaretê de danûstandin berdewam dikin.

11:34

Rojnamevanên jin ên beşdarî lansmana rapora Çavdêriya Azadiya Medyayê ya li Yemenê bûn, diyar kirin ku dorpêça metirsiya li dijî mafên rojnamevanan berfireh dibe û rojnamevanên jin dibin hedefa tundiya dîjîtal û tacîzê.

11:26

Civîna di navbera Fermandariya YPJ’ê û Wezîrê Karên Navxwe ê hikûmeta demkî ya Sûriyeyê de bi dawî bû. Li gorî çavkaniyên taybet, YPJ’ê dê weke yekîneyek taybet di nav wezaretê de cih bigire û xweseriya wê bê parastin.

11:17

Kongra Star bal kişand ser keda cangoriyên azadiyê ya di têkoşîna azadiya gelê Kurd de û got “Her gavê ku wan avêt, her ked û xebata ku wan dan û her fedakariya ku wan kir, îro rêya azadiyê ya ku em li ser dimeşin ronî dike.”

09:34

Li rojhilatê Cezayîrê ji ber germahiya zêde û bayê zêde şewat derket û li daristanan belav bû. Di encama şewatan de herî kêm 12 kesan jiyana xwe ji dest da, 54 kes birîndar bûn û bi hezaran hektar erdên çandiniyê zirar dîtin.

08:35

Mamoste û Parêzvana Mafên Jinan Kelsûm Kerîm diyar kir ku ew bi jinên Rojava û jinên Bakur serbilind e û got: “Ew bûne sembola jinên her çar aliyên Kurdistanê. Di dîrokê de jin beşdarî hemû cureyên xebatên neteweyî bûne.”

08:03

Parêzer Jiyan Kaya êrîşên li dijî Kurdan nirxand û diyar kir ku girtina dest a bûyeran wek ‘şexsî’ pirsgirêka pergalî vedişêre û got: “Aştiya civakî tenê dema ku hemû nasname tê xwedî hesta aydiyet û ewlehiyê bin pêkan e.”

20:36

Baranên zêde û lehiyên ku zêdetirî du meh in li Yemenê didomin, bûne sedema mirina bi dehan kesan û zirardîtina bi hezaran malbatan. Berdewama şert û mercên hewayî yên nebaş fikara zêdebûna zirarên mirovî û madî li welêt zêde kiriye.

16:44

TJA’yê bal kişand ser madeyên çalak ên dermanan ku di laşê Rojîn Kabaîş de hatin dîtin û daxwaz kir ku hemû daneyên adlî û tibî bixin nav pêvajoya lêpirsînê û gumanên li ser mirina wê werin zelalkirin.

16:31

Hat diyarkirin ku Abdullah Ocalan dê bibe beşek ji Komîsyona Jêrîn a Bêçekkirin û Koordînasyona Stratejîk û dê Komîsyona Jêrîn bê damezrandin ku di bin çavdêriya wî de li Tirkiye, Ewropa û Herêma Başûrê Kurdistanê bixebite.

15:57

Rêxistina Tenduristiyê ya Cîhanê, der barê zêdebûna metirsiya felcê ya li Yemen û Qiloça Efrîkayê de hişyarî da. Kêmasiya aşîkirinê û astengiyên ewlehiyê, metirsiya belavbûnê zêde dikin.