rojane

21:58

Cezayê 2 salan ê girtîgehê li Perniyan Haşimpor hat birîn. Çalakvanên mafên mirovan vê biryarê wekî tepeserkirina xwepêşandanên sivîl digre dest û vê biryarê rexne dikin.

20:37

Mitînga Azadiyê ya bi armanca azadiya fîzîkî ya Rêber Gelê Kurd bi dirûşma “Bi Rêbertiyê Azad re ber bi Civaka Demokratîk” li Qada Newrozê ya li navçeya Rêya Armûşê ya Wanê hat lidarxistin.

16:05

Serdozgeriya Giştî ya Stenbolê li dijî biryara beraeta nûçegihanên MA’yê Mehmet Aslan û Esra Solîn Dal îtîraz kir û daxwaz kir ku cezayê rojnamevan Erdogan Alayumat jî were girankirin.

15:34

Li paytexta Iraqê Bexdayê, bi dehan jinan li dijî guhertina ‘Qanûna Rewşa Kesane’ ya hejmar 188’an ku mafê xwedîkirina zarokan ji dayîkan distîne, xwepêşandaneke girseyî lidar xistin.

15:25

Meclîsa Jinên Sûrî û Koma Projeyên Biçûk li Qamişloyê pêşangeheke du rojan a ji bo destkarî û pîşeyên jinan vekir. Jinan di vekirinê de peyama "Em şirîkên sereke yên avakirina civakê ne" dan.

14:56

Komek ji xwendekarên amadeyî û zanîngehê li Tehranê li dijî guhertinên di pergala azmûnan de xwepêşandanek li dar xistin û daxwaza paşvekişandina biryarên dawî kirin.

14:02

Dayîkên Şemiyê di çalakiya xwe ya heftane de aqûbeta li Îbrahîm Kartay, ê ku di sala 1994’an de piştî şewitandina gundê wî ji aliyê leşkeran ve hatibû binçavkirin û windakirin, pirsîn. Malbatê ragihand ku 32 sal in tu agahî ji wî nayê girtin.

13:34

Vîrûsa Ebolayê ji kontrolê derketiye. Li parzemîna Efrîkayê hejmara miriyan zêde dibe û fînanseya ji bo rûbirûbûna şewbê gihîşt 1.4 milyar dolarî. DYE ji bo rewşê ket nava liv û tevgerê de.

13:08

Piştî rakirina biryara veşartî ya li ser dosyaya Navenda Rehabîlîtasyona Şîfayê ya Êlihê, hovîtiya li hemberî astengdar, kal û pîran eşkere bû. TJA’yê bi daxuyaniyekê diyar kir ku ew ê li her taxê atolyeyan çêbikin û li meclisê jî hesab bipirsin.

12:04

Rêxistina Cîhanî ya dijî Îşkenceyê di rapora xwe ya dawî de diyar kir ku Îran di xetera herî bilind a îşkenceyê de ye. Rapor balê dikişîne ser berdewamiya îşkenceyê, îtîrafên bi zorê û nebûna hesabpirsîna li ser binpêkirinên mafên mirovan.

11:53

Di dosyaya lêpirsîna navenda lênerînê ya li Êlihê de ku zêdetirî 80 kes hatibûn binçavkirin, dîmenên nû yên îşkenceyê derketin holê. Xebatkaran nexweş di odeyan de mifte kirine û îşkenceya fîzîkî li wan kirine.

11:42

NY di 26’ê Hezîranê de hişyarî da dewletan û got, li girtîgeh, kamp û herêmên pevçûnê jin û keç bi îşkenceyên zayendî re rû bi rû ne; ji bo lêpirsîneke bi bandor divê mekanîzmayên lezgîn bên avakirin.

20:55

Li parêzgeha Navendî ya Îranê, girtiyên siyasî yên ku di xwepêşandanên meha Çileyê de hatibûn girtin, li dijî cezayên giran, îşkence û binpêkirina pîvanên darizandina adil, li girtîgeha Navendî ya Saweyê dest bi greva birçîbûnê ya komî kirin.

20:18

Çalakvana sivîl Sepîdeh Qalyan bal kişand ser rewşa giran a girtîgeha Sepîdarê ya Ahvazê û diyar kir ku girtiyên siyasî û zarokên keç di bin şert û mercên nemirovî de tên ragirtin û ev yek wekî “îşkenceya sîstematîk” tê meşandin.

15:55

Komeleya Dêûbavên Xwendekaran (VELÎ-DER) rapora xwe ya dawiya sala xwendinê ya 2025-2026’an weşand. Di raporê de hat destnîşankirin ku ji ber krîza aborî û polîtîkayên îdeolojîk perwerdehiya giştî ber bi hilweşînê ve diçe.

15:40

Rêxistina Mafên Mirovan a Îranê, bi boneya Roja Cîhanî ya Piştgiriya Qurbaniyên Îşkenceyê, derbarê rewşa girtiyan û diyardeya îşkenceyê de raporek weşand. Rêxistinê diyar kir ku Îran di nav 39 welatan de pergala îşkenceyê bikartîne.

14:57

Li Şîrabadê sedan malbat di germahiya havînê de bê av man. Çalakvan hişyariyê didin ku eger tedbîrên lezgîn neyên girtin, nebûna ava paqij dê bibe sedema karesateke mezin a tenduristiyê.

14:30

Dadgeha Bilind a Emerîkayê rê da hikûmetê ku koçberan li ser sînorê Meksîkayê bi fîzîkî asteng bike û mafê serlêdanê ji wan bistîne.

14:00

Li Efrîkayê belavbûna vîrûsa Ebolayê di asteke metirsîdar de zêde dibe. Di nav fikarên derbarê veguhastina nediyar û derketina nexweşiyê li derveyî herêmên belavbûnê de, rêxistinên navneteweyî hişyariyê didin parastinê didin.

13:44

Di çarçoveya kampanyaya “Ji îşkenceyê re na” de, Komeleya Dayîkên Revandiyan şahidiyên bi êş ên rizgarbûyên ji girtîgehan anîn ziman û daxwaza berdana bêşert û merc a hemû girtiyan kir.