rojane

15:53

Fona Zarokan a Neteweyên Yekbûyî (UNICEF) diyar kir ku şer û pevçûn rasterast bandorê li ser zarok û perwerdehiyê dikin, gelek dibistan hatine wêrankirin an jî wekî stargeh hatine bikaranîn û banga parastina mafê perwerdehiyê kir.

14:43

Navenda Filistînî ya Lêkolînên Girtiyan ragihand ku hêzên Îsraîlê ji destpêka salê ve 130 jin û jinên ciwan li Zîvala Rojava û Orşelîmê girtine.

14:29

Hevseroka Giştî ya DEM Partiyê Tulay Hatîmogûllari di serdana şîna Tevgera Azadiyê ya li bajarê Wanê de destnîşan kir ku ger îro li Îmraliyê maseyek hatibe danîn, ev yek bi saya bedêlên sed salî, têkoşîna Dayîkên Aştiyê û berxwedana gel pêk hatiye.

13:57

Tevî ku 7 meh di ser girtina Sara Reşîdî Keçlanlo ya di xwepêşandanên seranserî Îranê yên meha Çileyê de li Kirmanşanê hatî girtin de derbas bû jî, heta niha malbata wê derbarê cih û aqûbeta wê de tu agahî negirtiye.

13:43

Kêmasiya budçeyê li Efganistanê gihîştina xizmetên tenduristiyê yên bingehîn ji bo 1.6 milyon jin û jinên ciwan asteng kiriye. Krîzek ku ji ber girtina navendên tenduristiyê û kêmkirina alîkariya mirovî zêdetir bûye.

13:38

Daneyên li Îranê raxist ber çavan ku zexta enflasyonê ya di qada hilberînê de leztir bûye. Endeksa bihayê berheman salekê ji sedî 98,9, enflasyona hilberîneran a demsalî ji sedî 28,3 û ya salane jî ji sedî 66,7 zêde bû.

11:47

Li Komara Demokratîk a Kongoyê hejmara kesên ji ber şewba Ebolayê 2 hezar û 642 mirin jî di nav de , gihîştiye 5 hezar û 514’an. Ji ber ku belavbûna wê ya li welat, ev hejmar asta zoriyên ku qada tenduristiyê dijî nîşan dide.

11:08

Di demekê de ku şerê li Sûdanê dewam dike, lehiyên li Kordofana Başûr û Darfûra Bakur bûn sedema koçberiya 63 malbatan û wêrankirina 130 xaniyan; Rêxistina Navneteweyî ya Koçberiyê hişyariya alîkariya lezgîn da.

10:15

Jina ciwan a afrîner Negîn Husênî ya ji bajarê Seqiza Rojhilatê Kurdistanê ye, di 6’emîn pêşbirka navneteweyî ya afrînerî û nûbûnê ‘IFIA INV’ a li Swîsreyê de, bi çêkirina ‘dîwarê jîr’ ku germahiya hundir kêm dike, madalyaya zêr a cîhanî bi dest xist.

09:31

Li gorî daneyên ku ji aliyê navenda me ya nûçeyan ve hatine tomarkirin, li Îranê di meha Tebaxa îsal de herî kêm 15 jin û 4 zarok hatine kuştin. Li girtîgehên Îranê 2 jin hatin darvekirin.

08:41

Rojnamevan Jîvara Taha da zanîn ku ji ber nebûna ewlehî û aramiyê, axaftina li ser hilbijartinên li Xezayê zû ye. Jîvara tekez dike ku jinan bedel dane lê hebûna wan di cihên biryardayînê de hê jî sînordar e.

08:13

Jinên li Wanê, li dijî zêdebûna bikaranîna madeyên hişbir, banga xurtkirina têkoşîna civakî kirin. Jinan, ji bo ciwanan banga zêdekirina çalakiyên civakî, çandî û ji bo têkoşîna li dijî tiryakê avakirina navendên rehabîlîtasyonê kirin.

08:00

Li Rojavayê Kurdistanê xwendina akademîk di qada kompîtirê de piranî di asta teorîk de dimîne, lê Sozvîn Îbrahîm a 32 salî bi hewldan û lêgerîna li ser înternetê ev bêderfetî guhert. Wê tirsê şikand û bû jineke pêşeng di warê teknolojiyê de.

14:12

Di duyemîn salvegera şehadeta rojnamevanên azad Gulistan Tara û Hêro Behadîn de, xebatkarên ragihandinê li Silêmaniyê daxuyaniyek dan û diyar kirin ku teror tu carî nikare rastiyê veşêre û bang li saziyên hiqûqî kirin ku kujerên rojnamevanan bên cezakirin

13:39

Komek ji xwendekarên zanîngeha Teknolojiyê ya Şerîf, performansa Cîgirê Rektorê Xwendekaran û desteya dîsîplînê ya sereke ya zanîngehê rexne kirin, biryara derxistin û dûrxistina çar salan a ji bo xwendekaran weke ‘tiştê nedîtî’ bi nav kirin.

13:01

Di navbera kon û kavilên mal û dibistanan de, jinên ciwan ên Filistînî xwe bi perwerde û xewnên xwe ve girê dan. Serkeftina xwe ji serketina akademîk bêtir kirin; şahidiyek ji bo berxwedan û biryardariya derxistina pêşerojekê ji dilê şer.

12:39

Lêkolînera Yemenî Salwa Damaç, binçavkirina çalakvan Sahar el-Hawlanî û bi sedan jinên din şermezar kir û bang kir ku binpêkirinên li dijî jinên Yemenê yên di girtîgeh û navendên binçavkirinê yên di bin kontrola Hûsiyan de dijîn bi dawî bibin.

12:25

Li bajarê Amûdê ya bi ser Qamişloya Rojavayê Kurdistanê ve bi merasîmekê Gulistan Tara, Hêro Bahaddîn û Necmeddîn Feysel Hec Sînan, li Goristana Şehîd Îsmaîl hatin bibîranîn.

09:22

Kovara Jinê, di hejmara 182’an de bi gotarên pisporan sîstema MESEM’ê, xizanî û polîtîkayên ewlehiyê yên li ser zarokan bi perspektîfa mafên zarokan dinirxîne.

09:12

Derûnînas Haje Taha, diyar kir ku divê dayîk, bav û mamoste bi ciwanan re bibin heval, bi wan re biaxivin û got: “Fêmkirina derûniya ciwanan girîng e. Ji ber ku ciwan li nasnameyên xwe digerin.