rojane

10:08

Sosyolog Sûzan Raxş têkildarî xwepêşandanên li Rojhilat û Îranê axivî, destnîşan kir ku rejîm hewl dide ku yekparebûna tevgerê têk bibe û got: “Ger em manîfestoya Jin Jiyan Azadî wek bernameyek pêşkêşî civakê bikin, em dikarin guhertinê biafirînin.”

09:50

TJA’yê daxwaz li civaka navneteweyî kir ku li hemberî tundiya hêzên rejîmê li Îran û rojhilatê Kurdistanê dike bêdeng nemînin. Bang li jin, raya giştî û aktorên navneteweyî kir ku ji bo mafê jin û azadiyê xwedî helwest bin û li ber xwe bidin.

09:40

Komên çete yên dewleta Tirk ên di nava hêzên hikumeta demkî de rasterast Nexweşxaneya Osman a li taxa Eşrefiyê ya Helebê topbaran kir, di encamê de nexweşxane ji xizmetê derket.

09:27

Li Îranê zêdebûna bihayê xurekê, rewşa malbatên ku jixwe ji aliyê aborî ve xirab bû anî asteke wisa ku tenê bi nan û birincê xwe têr bikin û birçî bimînin. Dane nîşan didin ku ev qeyran ne demkî ye, encama polîtîkayên pergalî û têkçûyî ye.

08:50

Zeyneb El-Şernî diyar kir ku rêxistinên jinan li Tunisê di misogerkirina mafên jinan û bicîhanîna qanûnên parastina jinan ji tundiyê de roleke girîng dilîzin û destnîşan kir ku ev maf bi têkoşînên dirêj hatine bidestxistin.

07:54

Konên peritandî, weke sarincokan in, kesên ku xwe spartine wan bi şev û roj nikarin ji sermaye di cihê xwe de bisekinin. Kampên penaberên ku ji ber êrişên dagirkeriyê neçar man koçber bibin vediguhere stargehên berxwedanê.

07:41

Bîlançoya birîndarên êrişên cîhadîsên HTŞ’ê yên li dijî taxên Şêxmeqsûd, Eşrefiyê û Benî Zêd derket 38 kesan.

07:20

Eyşe Efendî ku 3 caran şahîdiya berxwedana bendava Tişrînê kiriye, da zanîn ku li Tişrînê soz bûn rastî, berxwedanê bi serket û çarenûsa welatekî hat guhertin.

21:34

Kongra Star li dijî êrişên li ser taxên Helebê daxuyanî da û got: "Pirsgirekên di nava Sûriyeyê de bi şer nayên çareserkirin, lê rêya yekane ya çareseriyê diyalog e. Bêdengmayîna li hember van êrişan wê bi xwe re rê li ber êrişên mezintir veke."

20:29

5 tevgerên jinên Kurd, daxuyaniyek hevpar weşandin û êrîşa Muhafizên Şoreşa Îranê ya li dijî xwepêşanderên gel a li Îran û Rojhilatê Kurdistanê şermezar kirin û bang kirin ku piştgirî bidin xwepêşanderan û bertek nîşanî êrîşan bidin.

20:21

Li herêmên cuda yên Sûriyeyê 5 jin hatin qetilkirin. Êrîş û qetlîamên ku ji aliyê kesên çekdar ên nenas ve tên kirin, nîşan dide ku tundiya li herêmên di bin kontrola Heyet Tehrîr el-Şam a cîhadîst de didome.

17:51

Di encama bombebaranên bêserûber ên cîhadîstên Heyet Tehrîr El-Şam ên li dijî taxên Şêxmeqsûd, Eşrefiyê û Benî Zêd de 2 jê jin 3 kes jiyana xwe ji dest da û 17 kes jî birîndar bûn.

17:36

Çavkaniyên mafên mirovan, ragihandin ku Rahîle Zerdkuhî ya ji Meşhedê, Rîzvan Reyhanî ya ji navçeya Amleş, Zehra Emînî ya ji bajarê Parand a li Tehranê û Faîze Shemayîlî ya ji Senqor a Kirmaşanê jî di nav de gelek kes hatin binçavkirin.

17:33

Lîstikvanên jin ên futbol û futsalê yên Îranê, bi peyama ku li ser medyaya dîjîtal parvekirin re qeyranên aborî û siyasî yên li Îranê şermezar kirin û piştgirî dan xwepêşandanan.

15:30

Hevseroka Giştî ya DEM Partiyê Tulay Hatîmogûllari, destnîşan kir xurtkirina aştiya navxweyî ya Sûriyeyê ya li ser bingehek demokratîk, him ji bo Tirkiyeyê û him jî ji bo herêmê xwedî girîngiyek jiyanî ye.

15:13

Di topbarana HTŞ’ê ya cîhadîst a li ser taxa Şêxmeqsûd a Helebê de jinek hat qetilkirin 2 jê zarok bi dehan kes birîndar bûn.

14:34

Kapanyaya ‘Sêşema na ji darvekirinan re’ desteka xwe ya ji bo xwepêşandanên gel aşkera kir û got: “Encama vê têkoşînê dê ji bo tevahiya Îranê, pêkanîna wekhevî û demokrasiyê be.”

12:50

Hêzên ewlehiyê ketin wargeha zanîngeha Birjad û du xwendekarên jin ên bi navê Şeyda Namcû û Zeyneb Îvanî binçav kirin. Li bajarokê Songur ê girêdayî Kirmaşanê Bahar Refîî, Asel Begvend û Yasîn Hametiyan hatin binçavkirin.

11:44

Li gorî rapora HRANA’yê, di 10 rojên xwepêşandanên gel ên li bajarên Îran û Rojhilatê Kurdistanê de 29 xwepêşaderan jiyana xwe ji dest dan û hejmara binçavkiriyan hezar û 203 kesan derbas kir.

11:26

Li gorî çavkaniyek tendirustiyê, li bajarê El-Obeyd ê paytexta eyaleta Kordofana Bakur a Sûdana Başûr, di bombebaranê de 7 jê zarok 10 kes mirin.