rojane

15:04

Li Xezayê hejmara kesên ku di encama êrîşên Îsraîlê de mirin roj bi roj zêdetir dibe. Wezareta Tenduristiyê piştrast kir ku hê cenazeyên di bin kavilan de ne û tîmên rizgarkirinê di gihîştina deverên hilweşiyayî de zehmetiyan dikşînin.

13:42

Meclîsa Jinan a DEM Partiyê derbarê mirina gumanbar a Rojîn Kabaiş de daxuyaniyek da. Daxuyaniyê destnîşan kir ku saziyên dewletê hewl didin kuştina jinan veşêrin û daxwaz kirin ku bersiva pirsên di rapora Saziya Tiba Edlî de bên dayîn.

12:30

Tora Bijîşkên Sûdanê hişyarî li ser zêdebûna pevçûnan kir û bang kir ku sivîl nebin hedef. Di êrîşên hêzên Tevgera Rizgariya Gelê Sûdanê, li Kordofana Başûr de 27 kesên ku di navbera wan de zarok jî hebûn mirin.

12:17

Komek ji navdarên cîhana zanistî û rojnamegeriyê ya Îranî diyar kir ku kontrolkirina çalakiyên akademîk ji aliyê Wezareta Îstîxbaratê ve dê saziyên zanistî zêdetir bike bin zext û kontrola siyasî.

10:48

Çavdêriya Mafên Mirovan a Sûriyeyê di heşt mehên pêşîn ên vê salê de 334 sûc û kuştinê belge kir ku di encamê de 362 kes mirin. Ev nîşaneyek e ku berfirehbûna sûc û zêdebûna pirsgirêkên ewlehiyê li gorî sala borî nîşan dide.

10:33

09:27

Li nexweşxaneyeke bajarê Îslamabadê ji ber teqîna klîmayê şewat derket. Di encama şewatê de herî kêm 14 pitikên di yekîneya lênêrîna giran de mirin.

08:01

Nora Omer diyar kir ku saziya Xizmetên Civakî û Pêşxistina Jinan dê ji bo jinan xizmetên civakî, derûnî û hiqûqî pêşkêş bike û ji bo bidestxistina serxwebûna aborî piştgiriyê bide wan.

21:20

TAJÊ di çarçoveya pêngava ‘Ji bo edalet û azadî tu jî bibe dengê dîlgirtiyên fermanê’ li Şengalê bi kesên ku ji destê DAÎŞ’ê hatine rizgar kirin civiya. TAJÊ bal kişand ser pêwîstiya xurtkirina rêxistinbûn û îradeya wan ji bo hesabpirsîna ji jenosîdê.

17:09

Rêberê Gelê Kurd Abdullah Ocalan der barê îdia û tawanbariyên derheqê xwe de peyamek belav kir û got: “Gotin û îdiayên ku derbarê min de li ser çapemenî û medya dîjîtal tên belavkirin ne rast in. Ev parvekirin tevgerên provokatîf ên dijberên pêvajoyê ne.

15:54

UNICEF’ê, hişyarî da ku li Efganistanê milyonek zarok ji ber kêmxwariniya giran a akût bi xetera mirinê re rûbirû ne. Kêmkirina fonên alîkariyê û qeyrana xurekê ya kûrtir, gihandina alîkariya ji bo zarokan dijwar dike.

13:48

Di nav bûyerên ku di demên dawî de li Îranê hatine ragihandin de; cezayê qamçiyê yê li du jinên Kurd hatiye birîn, girtina bi dehan welatiyan, nezelaliya rewşa wan, bêparhiştina ji xizmetên tenduristiyê û cezayên darvekirinê cih digrin.

12:33

Pevçûna li Sûdanê ku zêde dibe, krîza mirovî girantir dike. Bi milyonan kes koç dikin û êrîşên bi dronan berdewam dikin. Neteweyên Yekbûyî piştrast dike ku du ji sêya nifûsê, hewceyî piştgiriyek lezgîn in û hewlên navneteweyî hê jî têr nakin.

12:10

Kampanyaya Sêşema ji darvekirinan re na bal kişand ser dirûşma kampanyayê di xwepêşandanên teqawîbûyiyan de û wiha hat gotin: “Banga mamosteyan a ‘Ji darvekirinê re na’ divê ji hêla hêzên din ên civakê ve destek bibîne.”

11:33

Li Îranê kêmkirina sînorê mehrê yê ku bi girtinê ve girêdayî ye, fikarên li ser ewlehiya aborî û yasayî ya jinan derxistiye holê. Pispor hişyar dikin ku ev guhertin, bê afirandina tedbîrên alternatîf a ji bo parastina jinan hatiye kirin.

10:05

Jinên ku beşdarî mîhrîcanên li Başûrê Kurdistanê dibin, jêhatiyên xwe yên di çand û hunerê de nîşan didin, di heman demê de bêtir beşdarî jiyana civakî dibin. Ew girîngiya mîhrîcanan di parastina mîrata çandî de tekez dikin.

09:46

Şaxa Yekem a Dadgeha Şoreşê ya Sarî ya Îranê, 12 welatiyên Baheyî bi 26 sal û 165 roj cezayê girtîgehê û 76 sal bêparkirina ji mafên civakî ceza kir.

09:37

UNICEF û OCHA’yê ragihand ku ji ber şer û kêmbûna alîkariyan, li Xezayê kêmxuriya kronîk û nîşaneyên birçîbûnê di nava zarokan de giran dibe û ji bo gihandina alîkariyan banga lezgîn hat kirin.

21:04

Civîna ewil a Lijneya Çavdêrî û Nirxandinê ya di çarçoveya "qanûna çarçove" de li Koşka Serokkomariyê pêk hat, 3 saet û nîvan dom kir. Di civînê de ji bo xurtkirina pêvajoyê biryara damezrandina 4 komîsyonên jêrîn hatin dayîn.

16:10

Hêzên ewlehiyê yên Îranê li gundekî Dîwandereyê dayik, bav û zaroka wan a 16 salî bêyî biryara dadgehê desteser kirin; zarok piştî çend rojan hat berdan, lê dayik û bav hê jî di hucreya yekkesî de têne ragirtin.