rojane

14:08

Raporekî hevpar a hate weşandin, asta binpêkirinên Îsraîlê yên li dijî girtiyên Filistînî radixe berçavan; girtin, îşkence û bûyerên bêpar hiştina ji xizmetên tenduristiyê, bi şerê domdar a li Xezayê û windahiyên mirovî yên giran re hevdem zêde dibe.

13:39

Tevgera Belûcistana Azad, revandin û girtina kêfî ya jinên Belûc bi çalakiyek şermezar kir.

13:38

Dadgeha Îstinafê ya Tûnisê, cezayê du sal ê girtîgehê yê li lîdera Partiya Azad a Destûra Bingehîn a Muxalîf Ebîr Musa ku Lijneya Bilind a Hilbijartinê doz lê vekirbû, erê kir.

12:53

Tevgera Azadiya Jinên Êzidî (TAJÊ) bi daxuyaniyekê daxwaza xwe ya dîtina Rêberê Gelê Kurd Abdullah Ocalan û azadiya wî ya fîzîkî anî ziman.

12:46

Li dibistaneke li Sistan û Belûcistanê xwendekar di konek de bi daran agir vêdixin û ders dibînin. Dîmenê xwendekaran, newekheviya di warê perwerdeyê ya li herêmên sînor careke din anî rojevê.

09:45

Dîrektora Rêxistina Azadbûn Geşe Dara, bal kişand ser girîngiya beşdariya jinan di her warê jiyan û siyasetê de û got: “Di pêvajoyên biryaran de tecrube û hebûna jinan, ji bo pêşketina civakî pir girîng e.”

09:33

Çalakiya nobetê ya li wargeha penaberan a Mexmûrê ku ji bo azadiya fîzîkî ya Rêberê Gelê Kurd Abdullah Ocalan hatibû destpêkirin, di roja xwe ya 896’an de didome.

08:06

Piştî bombebaran, komkojî, koçberî û hilweşîna pêdiviyên bingehîn ên jiyanê yên du salan, jinên Xezayê ji bo vegerandina ewlehî, rûmet û mafên mirovan ên herî bingehîn, bi hêviyek hişyar li sala 2026’an dinêrin.

07:27

Jinên Êzidî ku di dîrokê de gelek caran bi fermanan hedef hatine girtin, di sala 2025’an de bi dehan çalakî û perwerdan, nîşan dan ku ev sala vejînê bûye.

21:53

OCHA, ragihand ku ji Tebaxa 2021’an heta niha Talîban herî kêm 470 fermanên ku bandorê li xebatên alîkariya mirovî dikin weşandine û ji vana 79 jê raste rast jin û zarokên keç dike hedef.

20:16

Li Îranê xwepêşandanên ku ji ber kêmbûna nirxa rîal û zêdebûna lêçûnên jiyanê yên li Tehranê û gelek bajarên din didome.

17:29

Ezîze Muradiyan a li bajarê Merîwan a Rojhilatê Kurdistanê ji aliyê hêzên Îranê ve hate bivçavkirin, 9 roj in li dijî nezelaliya di binçavkirina xwe de û astengkirina lênihêrîna bijîşkî, di greva birçîbûnê de ye.

14:39

Hejmara taybet a rojnameya Newaya Jin derket. Di hejmara taybet a 250’an de, sernavên komkujiyên Parîs, Silopya, azadiya jin, xweparastin û têkoşîna bîr û hiqûqî hate destgirtin.

14:38

Piştî êrîşa li ser mizgefta li Humsê, bi hezaran kes li perava Sûriyeyê daketin kolanan da ku zilm û zordariya li ser Elewiyan protesto bikin. Rojnamevan Hêvîdar Xalid li ser xwepêşandanên ‘Tofana Rûmetê’ ku ji hêla jinan ve têne rêvebirin, nivîsand.

14:36

UNICEF, di raporek nû de hişyarî da ku li Komara Demokratîk a Kongo tundiya zayendî ya li dijî zarokan veguheriye diyardeyek kûr û bipergalî. Li gorî raporê, di 9 mehên ewil ên salê de zêdetirî 35 hezar bûyer hatine tomar kirin.

14:21

Eyaletên Bakurê Darfûrê û Başûrê Kordofanê yên Sûdanê, di 3 rojên dawî de şahidî ji pêla koçberiyê ya girseyî re kir. NY, ragihand ku ji ber zêdebûna bûyerên tundî û xirabûna rewşa mirovî zêdetirê 10 hezar kes neçar mane malên xwe biterikînin.

13:59

Kampanyaya ‘Şêşema na ji darvekirinê re’ bi grev û xwepêşandanên li Bazara Tehranê re, di hefteya 101’emîn de li 55 girtîgehên li seranserê Îranê didome. ji destpêka meha Kanûnê û vir ve herî kêm 96 girtî hatin darvekirin.

13:35

Mala Jin li Hesekê bi daxuyaniyekê daxwaza azadiya fîzîkî ya Rêberê Gelê Kurd Abdullah Ocalan kir.

13:34

Kombûna Jinan a Zenûbiya, binpêkirinên li dijî xwepêşandêrên li perav û bajarên Sûriyeyê şermezar kir û diyar kir ku ev pêkanînan binpêkirineke eşkere ya mafên sûriyeyiyan ên derbirînê û daxwazên xwe yên rewa ye.

10:07

Rêberê Gelê Kurd Abdullah Ocalan di peyama xwe ya sersalê de got: “Dê ev dem bi azadiya jinê ve xurt bibe, di nav aştiyê de gel dê bi demokratîkbûnê ve bibin yek.”