Navenda Nûçeyan – Perya Nesirî a 17 salî ku di 21’ê Cotmehê de li Nexedeyê di dema serdegirtina hêzên îstîxbaratê ya li ser dibistana navîn a ku lê dixwend de hatibû binçavkirin, bi kefalet serbest hat berdan.

Li gorî agahiyan, Perya Nesîrî ji aliyê rayedarên girêdayî Wezareta Îstîxbarata Îranê ve ji dibistanê hatibû binçavkirin û wê biribûn cihekî nediyar. Der barê cihê binçavkirina wê de tu agahî nehatin parvekirin.

Girtina xwendekara ciwan li dibistana ku lê dixwend bûbû sedema fikaran. Her çendî hatibe berdan jî der barê sedemên girtin, sûcdariyên ên li dijî wî û pêvajoya yasayî ya ku li dijî wî tê meşandin de hê jî nezelalî heye.