rojane

14:22

Ji pêşengên Tevgera Kesk Zehra Rahnavard, ji bo malbatên kesên di xwepêşandanên dawî de jiyana xwe ji dest dane sersaxî xwest û got: “Em hemû bi hev re ne û em ê bi hev re ji zilmê derbasî demokrasiyê bibin.”

14:09

Piştî çewsandina xwepêşandanan, hejmara binçavkirina jinan, xwendekarên zanîngehê û xwendekarên Dibistana Amedeyî zêde dibe. Çavkaniyên mafên mirovan, ragihandin ku li dijî Mehsa Basir Tevana tundî hatiye bikaranîn û piştre hatiye binçavkirin.

14:04

Li Efganistanê, şîdeta nava malbatê ya li dijî jinan, bi faktorên çandî û aborî her diçe kûrtir dibe. Zordariya li ser Golsar Mohammadû, nîşan dide ku bi hatina Talîbanê re jin bê parastin mane.

13:37

Îro li Bajarê Mehabadê, li ser banga partiyên Kurd û li dijî tepeserkirina berfireh a Komara Îslamî, greva giştî hat ragihandin û bazar girtî man. Tevî hemû gefên hêzên dewletê û hebûna giran a leşkerî û leşkerên bi cilên sivîl jî, grev didome.

13:20

Berdevka DEM Partiyê Ayşegul Dogan diyar kir ku divê Rêberê Gelê Kurd Abdullah Ocalan rasterast tevlî pêvajoyê bibe û got: “Divê êdî pêvajo bighîje encamek.”

12:59

Yekîtiya Jinên Kurd û Yekîtiya Jinên Herêma Kurdistanê, bal kişandin ser rola pêşeng a jinan a di xwepêşandanên li Îranê de, diyar kirin ku tevî tedbîrên ewlehiyê yên zêde bûne û bikaranîna hêzê, berxwedana gel didome.

12:26

KJK'ê têkildarî êrîşên li ser taxên Şêxmeqsûd û Eşrefiyê yên Helebê û berxwedana li Îranê daxuyanî da û banga piştvenaya bi gelê Rojava û gelên Îranê re kir.

12:05

Şêniyên bajarê Qamişlo, ji bo piştgriya gelê Şêxmeqsûd, Eşrefiyê û Benî Zêd meşek girseyî li darxistin. Şêniyan gotin: “Çawa ku di Kobanê de şikestin wê di Şêx Meqsûd û Eşrefiyê de jî bişkin.”

11:40

Çalakiyên protestoyî yên li Îranê, li taxa xizan Dizelabada Kirmaşanê rastî êrîşan hat. Li bajarê ku xizaniya pergalî û polîtîkayên zextê bi salan e didomin, kesên ku li dijî vê yekê derketibûn derve rastî gulebaranê hatin.

11:36

TJA û Meclîsa Jinan a DEM Partî, têkildarî êrîşên li dijî gelên sê taxên Helebê daxuyanî dan û banga xwedîderketina li Şoreşa Jinan a Rojava li hemû gelan kirin.

09:34

Hejmara kesên di êrîşên çeteyên HTŞ’ê û komên milîs ên ku ji aliyê dewleta Tirk ve tên destekkirin de hatine qetilkirin, gihîştiye 8 kesan. Di êrîşan de 55 kes jî birîndar bûn.

09:20

Şerê li Sûdanê bi taybetî bandorê li jin û zarokan dike. Bi hezaran kesên ku ji El Faşerê hatine derxistin neçar in ku rêwîtiyek dijwar û xeternak bikin da ku bigihîjin kampa El Afadê.

08:53

Rêvebera Akademiya Lîdertiya Jinan a Iraqê Besme Mihemed got: “Divê jin ji bo xwe bixebitin û asta xwe ya hişyariyê bighînin asta zanebûna mafê xwe. Li her cihekê be divê zagon û mafê jinan bizane.”

08:43

Di ser qetilkirina Sakîne Cansiz a mîna “efsaneya porsor” a jinên Kurd tê zanîn, Fîdan Dogan û Leyla Şaylemez de 13 sal derbas bûn. Jinan, soza jiyanîkirina mîrateya hersê jinên Kurd dan û 13 sal in ji faîlan hesab dipirsîn.

07:41

Jinên Koçberên Efrîn yên ku li bajarê Qamişloyê dijîn, êrîşên cîhadîstên HTŞ’ê li ser taxên Şêxmeqsûd, Eşrefiyê û Benî Zêd yên Helebê dikin, şermezar kirin û gotin miletek ku di bin tank û topan de dîlana xwe dike, têk naçe.

07:29

Tam salek beriya niha, gelên ji çar aliyê Bakur û Rojhilatê Sûriyê hatin û xwe li ber êrîşên li hember Bendava Tişrînê kirin mertal, gotin “Em ji mirinê mezintir in” û nehiştin ku dewleta tirk û çeteyên xwe qadên xwe yên dagirkeriyê berfireh bikin.

21:34

Şêniyên bajarê Qamişlo-Bakur û Rojhilatê Sûriyeyê, êrişên cetyên cîhadîstên HTŞ’ê li dijî taxên Şêx Meqsûd, Eşrefiyê Benî Zêd bi xwepêşandanekê piştgiriya xwe ya ji bo gelê Şêx Meqsûd û Eşrefiyê nîşan dan.

21:28

Li gorî raporek Tora Mafên Mirovan a Kurdistanê, Werîşe Mûradî û Zeyneb Celaliyan jî di nav de girtiyên siyasî yên ku li girtîgehên cuda yên Îranê ne, dê bi greva giştî ya li Kurdistanê re dest bi greva birçîbûnê bikin.

21:05

Dayika Aştiyê Gulîstan Adibellî li Îzmîrê jiyana xwe ji dest da.

21:00

Cîhadîstên Heyet Tehrîr el-Şam, êrîşên xwe di çarçoveya hewldanên xwe yên ji bo ketina nav taxên Şêx Meqsûd û Eşrefiyê de didomînin û Hêzên Ewlekariya Hundirîn-Helebê jî Heleb di çarçoveya mafê parastina rewa de bersivê didin çavkaniyên êrîşan.