rojane

15:37

Hêzên Îstixbarata Îranê, li gundê Kesnezan ê ser bi bajarê Seqizê ve jinek Kurd binçav kir. Li Esfehanê jî li sê xwepêşanderên jin cezayên girtîgeh û darvekirinê hate birîn.

14:46

Zanîngeha Exeter a Îngilîstanê, dê ji bo kesên ku dixwazin Kurdî fêr bibin, qursek serhêl a 10 hefteyî pêşkêş bike.

14:35

Li gorî lêkolîna UNICEF’ê, di qada dîjîtal de tacîza zayendî li dijî zarok û ciwanan her diçe belavtir dibe û gelek caran kiryar kesên herî nêz in.

13:46

FEWS NET diyar kir ku şerê li Yemenê û êrîşên li ser benderan binesaziyê wêran dikin, bi hezaran karkeran bêpar dihêlin û bajarên wekî Hudeyde û Taîzê dixin nava krîzeke awarte ya birçîbûnê.

12:45

Komîsyona Karûbarên Penaberan a Talîbanê ragihand ku di demjimêrên dawî de hezar û 477 Efganî ji Îran û Pakistanê hatine dersînorkirin. Kesên ku vedigerin, bi şert û mercên jiyanê yên dijwar û nebûna xizmetên bingehîn ên li welêt re rûbirû ne.

12:29

Li Îranê parêzerên ku di dozên siyasî û xwepêşandanan de cih digrin, rastî zext, gef û êrîşan tên. Saziya Baroya Farsê ragihand ku li 20 parêzeran doz hatine vekirin.

12:19

Li gorî daneyên SOHR’ê, ji destpêka salê heya Îlonê li Sûriyeyê ji ber teqemenî û mayînên şer 249 kesan jiyana xwe ji dest dane û 388 kes jî birîndar bûne ku piraniya wan zarok û mêr in.

11:16

DFG rapora meha Tebaxê ya binpêkirina mafan a li dijî rojnamevanan weşand. DFG di raporê de diyar kir ku di meha Tebaxê de jî mafên rojnamevan û ragihandina azad hatiye binpêkirin.

11:09

Hejmarek xelatgirên Nobelê û kesayetên navneteweyî destnîşan kirin ku azadiya Rêberê Gelê Kurd Abdullah Ocalan ji bo pêvajoya aştiyê xaleke diyarker e û banga gavavêtinê li Tirkiyeyê kirin.

09:47

Li navçeya Heyfan a Taizê xortekî hevjîna xwe ya dayîka pitikek keçik a sê mehî kuşt. Piştî bûyerê zilam reviya û hat ragihandin ku têkildarî bûyerê hêzên ewlehiyê ji bo girtina kujer lêgerînê didomînin

09:32

Bi nêzîkbûna salvegera 4’emîn a serhildana “Jin Jiyan Azadî” re, gelek rêxistin û saziyên mafên jinan û mirovan bi daxuyaniyeke hevpar diyar kirin ku tevgerê tabûyên demdirêj şikandine û tekezî li ser girîngiya hevgirtina jinan kirin.

08:33

Herêma Federal a Kurdistanê, di nava krîza siyasî, aborî û civakî de ye. Çalakvana mafên jinan Bêgerd Mihemed got ku krîz bandorê li jinan dike ger çareser nebe dê ji bo perwerde û malbatan bibe sedema pirsgirêkan.

21:24

Li ser çalakiya nobetê ya ku li Wargeha Penaberan a Mexmûrê ji bo azadiya fîzîkî ya Rêberê Gelê Kurd Abdullah Ocalan hatibû destpêkirin, 1141 roj derbas bûn. Koma nû ya 219’an nobet dewr girt.

20:41

Di konferansa ku dê di 17-18’ê Cotmehê de li Stenbolê bê lidarxistin de, dê keda jinan a bê mûçe, karê malê û polîtîkayên nû yên tevgera femînîst ji aliyê pêkhateyên cûda ve bên nîqaşkirin.

19:30

Werzişvana kareteyê Şeyma El Haytî, di pêşbirka li Îtalyayê de ji Mexribê re madalyayek zêr da qezenç kirin. Ev serkeftinên li pey hev, bilindbûna werzîşên Mexribê nîşan dide û moralê dide tîma Mexribî.

18:31

Li Komara Demokratîk a Kongoyê hejmara kesên ku ji ber şewba Ebolayê mirin ji 3 hezarî derbas bû û hejmara bûyerên piştrastkirî gihişt 6 hezar û 186 kesan. Rêjeya mirinê jî derket ji sedî 48,6.

18:12

Tevî nîşanên başbûnê yên di rewşa çavkaniyên avê de jî, li hin herêmên Îranê qeyrana kêmbûna avê berdewam dike û zextên li ser çavkaniyên dabînkirina avê zêde dibin.

17:55

Hejmara kesên ku di şerê Xezayê de mirin, gihîşt 73 hezar û 470’yan. NY’ê hişyarî da ku ji ber nêzbûna demsala baranê, xirabûna pergala kanalîzasyonê û qedexeyên li ser gihandina kelûpelên bijîşkî û alîkariyên mirovî, xeteriyên tenduristiyê dê zêde bibin

17:43

Berdevkê Talîbanê, diyar kir organîzekirina xwepêşandanan “bi sîstema Îslamî re nelihevhatî ye” û ragihand ku li Efganistanê her cure xwepêşandan qedexe ne. Ev daxuyanî, piştî pejirandina qanûna nû ya "Şûrta" hat dayîn.

15:48

Li gorî raporek nû ya Bernameya Jîngehê ya NY’ê, cîhan dikare di çend salên pêşiya me de sînorê germbûna 1.5°C derbas bike. Rêxistinên avhewayê, tekez dikin ku ev ji bo Tirkiyeyê ku dê mazûvaniya COP31’ê bike, hişyariyek taybet e.