سۆرگوڵ شێخۆ

 

حەسەکە- کەمپی هۆل، لە باکوور و ڕۆژهەڵاتی سوریا، بە مەترسیدارترین کەمپی جیهان ناسراوە جگە لەو ڕووداوە نامرۆڤانە زۆرانەی لە کەمپەکەدا ڕوودەدەن، ڕۆژانە ژنان ڕووبەڕووی توندوتیژی و ئەشکەنجە دەبنەوە، واتە لەلایەن ئەو پیاوانەی هاوسەرگیریان لەگەڵ كردووە هەڕەشەیان لێكراوە كە ئەگەر بەڵێنەكانیان جێبەجێ نەكەن ڕادەستی بەكرێگیراوانی داعشیان دەكەنەوە و یەكێك لەو ژنانە رەغد بەدر ئەحمەد تەمەن ٣١  ساڵە كە هەڕەشەی لێدەكرێت و ئەشكەنجە دەدرێت و لێی دەدرێت ڕۆژانە.

 

ڕەغەد ئەحمەد چوار ساڵ لەمەوبەر لە شاری موسڵی عێراقەوە لەگەڵ خێزانەکەیدا ڕوویان لە سوریا کردووە و لە تەمەنی بیست و نۆ ساڵیدا لە کەمپی هۆل لەگەڵ پیاوێکی تەمەن ١٨ ساڵ هاوسەرگیری کردووە، ماوەی دوو ساڵە تووشی ئەشکەنجەدان و هەڕەشەی رادەستکردنی بەکرێگیراوانی داعش دەکرێت.

 

'هەموو ڕۆژێک ئەشکەنجە دەکرێم'

ڕەغەد بەدر ئەحمەد، کە دوای مردنی باوکی هاوسەرگیری کردووە، دەڵێت:”لە ماڵەوە ٨ خوشکین بەهۆی دۆخی دارایی زۆر سەختەوە هاوسەرگیریم کرد و لە کەمپی هۆل بووین لەگەڵ گەنجێکی عێراقی، دوو ساڵ لەمەوبەر لەگەڵ هاوسەرەکەم ڕووبەڕووی چەندین کێشە بوومەوە، وە تووشی توندوتیژی بووم، وەک چۆن ئەشکەنجەم دەدات و بە بۆری ئاسن لێم دەدات، شەوان لێمدەدات و بەیانیان دووبارە دێتەوە ناوچادرەکە بۆی دووبارە لێمبداتەوە، بەجۆرێک کە کاتێک دەچمە چادرەکە دێت و سووکایەتی بە دایکم و خوشکەکەم دەکات، ئێمە تووشی توندوتیژی دەبین چونکە کەس نییە بمانپارێزێت و بەرگریمان لێ بکات”.

 

"کەس یارمەتیم نادات"

رەغد بەدر ئەحمەد رۆژانە رووبەڕووی هەڕەشەی كوشتن و رادەستکردنەوەی بەكرێگیراوانی داعش دەبێته‌وە، ئاماژە بەوە دەكات كە جەستەی پڕە لە پەڵەی ڕەش و شین بەهۆی ئەو لێدانەی کە تووشی دەبێت پشت، دەم و لووتی پڕ کردووە لە خوێن و بەردەوام ڕووبەرووی لێدان و توندوتیژی دەبێتەوە.

 

شایانی باسە لە قۆناغی دووەمی هەڵمەتی "مرۆیی و ئاسایش" کە لەلایەن هێزەکانی ئاسایشی ناوخۆوە بە پاڵپشتی یەکینەکانی پاراستنی ژنان و هێزەکانی سوریای دیموکرات لە ٢٥ ئاب دەستیپێکردووە بۆ هێنانی ئاسایش و ئارامی بۆ کەمپی هۆل لە شاری حەسەکە لە باکوور و ڕۆژهەڵاتی سوریا و بۆ ڕێگریکردن لە بڵاوبوونەوەی توندوتیژی و کوشتن، لە نۆیەمین ڕۆژی خۆیدا بەردەوامە.