ڕاپۆرت

11:30

تاوانباران لەلایەنی دەسەڵاتداری و ئەو دۆخەشی کە هەیە پاڵپشتی دەکرێن، بکوژ لە دادگاکاندا پارێزگاری لە خۆیان دەکەن، سیاسەتەکانی ئاکەپە لە وڵاتدا چییە و چۆنە؟، پەرلەمانتاری هەدەپە لە ئامەد ڕەمزیە تۆسون، بارودۆخ و هۆکارەکانی کۆمەڵکوژکردنی ژنان باس دەکات.

13:40

لە ماردین، ئیلح، سێرت و ڕەحا ژنان ئەو کێشانە دەهێننە سەر زمان کە لەو شارانەدا ڕووبەڕوویان دەبێتەوە، ئاماژە بەوەش دەکەن، ئەقڵیەتی باوکسالاری نایەکسانی دەهێنێتە کایەوە، ژنانی شارە کوردییەکان هۆکارەکانی کۆمەڵکوژکردنی ژنان ڕوون دەکەنەوە.

13:00

لە ماوەی ١٨ ساڵدا لە تورکیادا ٦٧٥٩ ژن کوژراون، تەنها لە مانگی ئازاری ئەمساڵیشدا ٢٧ ژن کوژراون، لەلایەن دەسەڵات و دادگاکانەوە دۆسیەی کوشتنی ژنان بە خۆکوژی تۆماردەکەن، پارێزەرێکیش دەڵێت زیادبوونی کوشتنەکان دەگەڕێتەوە بۆ کشانەوە لە پەیماننامەی ئەستەنبوڵ و داخستنی ڕێکخراوەکانی ژنان.

08:38

لەگەڵ بڵاوبوونەوەی هەر هەواڵێکی کوشتن یاخود خۆکوشتن، بەبێ‌ هیچ گرنگیدان بە دەروونی تاک و کۆمەڵگا ڕاگەیاندنەکان لەپێناو زۆرترین بینەر ڕووداوەکان بڵاو دەکەنەوە، بەڵام ئەم کارەی بەشێک لە دەزگاکان بووەتە جێی ڕەخنەی ڕاهێنەرانی دەروونی و باس لە لێکەوتە خراپییەکانی دەکەن.

10:26

ئیلهام پاش بەشداریکردنی ٥ خولی ڕۆژنامەوانی و ئەنجامدانی چەندین کاری ڕۆژنامەوانی بەڵام بەنهێنی و دوور لە چاوی خێزانەکەی کارەکانی ئەنجام دەدات، ژنانی سەیدسادقیش باس لە ئارەزووەکانیان بۆ کاری ڕۆژنامەوانی دەکەن.

15:12

بەپێی بەدواداچوونەکانی ئاژانسی ژنها، تەنها ٪١٥.٢ ژنان بەرنامە گەرمەکان و لە ٪٨٤.٨ پێشکەشکاری بەرنامە لاوەکییەکانیان پێدەدرێت تا پێشکەشی بکەن، هەروەها سەرجەم سیاسەت و ئەجێندای ڕاگەیاندنەکانیش لەلایەن پیاوانەوە ئاڕاستە دەکرێن، ڕۆژنامەنووسانیش هۆکاری ئەمە بۆ نەبوونی پاڵپشتیی و دەرفەت نەدان بە ژنان دەگێڕنەوە.

13:36

مۆدێلکردن، لە سیستمی سەرمایەداری لە جیهانی ئەمڕۆدا فراوان بووە، میدیا و تۆڕە کۆمەڵایەتییەکان هۆکاری سەرەکی دەرکەوتن و بوون بە مۆدێلن، ئەمەش کاریگەری زۆری نەرێنی لەسەر چین و توێژە جیاوازەکانی کۆمەڵگا بەتایبەت کچانی گەنج و بوارە جیاوازەکانی ژیانیان دروست کردووە . سارا ارومیه

12:18

لە ساڵیادی ڕۆژنامەگەری کوردیدا ژنانی ڕۆژنامەنووس لە هەڵەبجە باس لە دۆخی ڕۆژنامەنووسان دەکەن، کە ئازادییەکی زیاتر فەراهەم کراوە و ژنان باشتر کارەکانیان ڕادەپەڕێنن. میهرەبان سەلام کاکەیی

12:00

بەرزبوونەوەی ڕێژەی کوشتنەکان دۆخێکی مەترسیداری هێناوەتە کایەوە، چالاکوانان پێیان وایە پێویستە چەندین ڕێوشوێنی تەندروست بگیرێتەبەر بۆچارەسەرکردنی ئەم دۆخە، ئەندامێکی ڕێکخراوی ژنانی ئازادی کوردستان دەڵێت باشترین چارەسەر بۆ دۆخی ئێستا بنیادنانی هاوژیانی ئازادە.

14:00

سەرەڕای هەوڵی ڕێکخراوە مەدەنییەکان و ڕێکخراوەکانی مافی ژنان و بەرەنگاربوونەوەی تووندوتیژی بەرامبەر ژنان، بەڵام نەیانتوانیوە حاڵەتەکانی ژن کوشتن بنەبڕ بکەن، تا ئێستاش ژمارەی ژن کوشتن لە هەڵکشاندایە، هەوڵەکانیش بۆ ڕێگریکردن لە کوشتنی ژن ئامانجیان نەپێکاوە و ژمارەکە ڕوو لە زیادبوونە.

11:15

توێژەرێکی کۆمەڵایەتی ئاماژە بەوە دەکات سەروەر نەبوونی یاسا و بەخشینەوەی چەک لەلایەن حزبەکانەوە ڕێژەی توندوتیژی زیادکردووە، میدیاش ڕۆڵی سەرەکی دەبینیت لە هەڵکشانی ئاماری کوشتن و خۆکوشتنی ژنان.

09:00

بەردەوام ڕەخنە لە ڕێکخراوەکانی داکۆکیکار لە مافی ژنان دەگیرێت، کە هەرچەندە زۆرن بەڵام تا ئێستاش توندوتیژیەکان بەرامبەر ژنان هەر هەیە، لەنجە عەبدوڵا چالاکوان باس لە ڕێکخراوەکانی بواری ژنان و بێ پلانی حکومەت بۆ ڕێگریکردن لە توندوتیژییەکان دەکات.

14:02

بۆ یه‌كه‌مجار له‌ مێژووی دامه‌زراندنی ئاژانسی رۆیتەرزدا ژنێك بە سەرۆکی پەخشی ئاژانسەکە ده‌ستنیشان ده‌كرێت، لە جیهانیشدا سەرباری ڕێژەی بەرزی ژنانی ڕۆژنامەوان بەڵام کەمترین پۆستی باڵایان پێدەدرێت لە دەزگاکاندا.

15:07

ژنانی گەرمیان ‌هێشتا زامەکانیان وەک پێش ٣٣ ساڵ تازەیە، هێستا پۆشاکە ڕەشەکانیان لانەبردووە، لە خێزان دەیان کەسەکیانیان بە تەنها ماونەتەوە، چرچەکانی ڕوخسار و کزبوونی چاوەکانیان بە بێدەنگی ئازارەکانی ئەنفال نیشان دەدەن. نیگار ڕەشید

12:00

سەبری ئەحمەد کەریم، لەگەڵ دوو منداڵیدا لەناو ئەو قافڵەیەدا بوو کە بۆ مەرگ دەبران، وتی" هاوژینەکەم و ٩ خزمان بران و جارێکی تر هەواڵمان نەبیستەوە لەسەریان، هەموو کەسێکیان دەبرد، تەنها ئێمە ژنانی خاوەن منداڵ مابوینەوە، ئێمەش خۆمان بەسەر منداڵەکانماندا دەدا بۆ ئەوەی بیانپاریزین".

09:36

تابان گەرمیانی، ژنێک ٧ کەس لە خێزانەکەی ئەنفالکرا، باس لە ڕۆژانی پێش ئەنفال، کاتی ئەنفال و دۆخی ژنان دوای تاوانی ئەنفال دەکات، کە ژنان پشکی شێری ئازارەکانی تاوانی ئەنفالیان بەرکەوتووە، بەڵام حکومەتی هەرێمی کوردستان نە قەرەبووی کەسوکاری ئەنفالی کردووەتەوە، نا تاوانەکەی دۆکۆمێنت کردووە، نە تاوانەتەکەشی کردووەتە دەستکەوێت لە بەرژەوەندی گەلی کورد.

16:17

ئەنفال یەکێکە لە دڕندەترین هەڵمەتی لەناوبردنی کوردان، تا ئێستاش کاریگەری ئەنفال بەسەر ناوچە و خەڵکەکەیەوە ماوە، بەڵام هەمیشە کورد لەسەر پێی خۆیەتی و هیچ شتێک نابێتە هۆی لەناوچوونی.

15:30

شازادە حسێن محەمەد، لەکاتی ئەنفالدا ژنێکی گەنجی دووگیان بووە، لە ئەنفالدا هاوژینەکەی لەدەستدەدات. بەتەنها ڕووبەڕووی ڕۆژە سەخت و دژوارەکانی دەبێتەوە بۆ ماوەی ٢ ساڵ لە زیندانەکانی ئەنفال زیندانی دەبێت.

13:55

سەبریە ئەحمەد سەلین دانیشتووی گوندی داوایان، لەسەروبەندی ئەنفالدا لەگەڵ منداڵەکانیدا بەرەو کامپەکانی ڕژێمی بەعس لە ناوچەی دبس لە کەرکوک ڕاگوێزران، باسی لەوەکرد: "ڕۆژێک سەربازەکان هەڵیانکوتایەسەر گوندەکەمان، دوای کارەساتێک وەک فیلم بەبەرچاومانەوە ڕۆشتن، دواتر خۆمان لە دبس بینییەوە، نەمانتوانی خۆمان ڕزگار بکەین، چونکە بە سەرباز گەمارۆ درابووین".

10:10

توندوتیژی له‌ به‌رامبه‌ر ژنان دیارده‌یه‌كی نوێ نییه،‌ به‌ڵكو یه‌كێكە له‌ كێشه‌ گه‌وره‌ و هه‌میشه‌ییە جیهانییەکان، بەپێی ڕاپۆرته‌ نێوده‌وڵه‌تیه‌كان زیاتر له‌ ٪٣٠ ژنان له‌ سه‌ر ڕووی زه‌و‌ی له‌ ژیانیاندا ڕووبه‌ڕووی توندوتیژی ده‌بنه‌وه‌.