rojane

11:46

Germahiya Deryaya Xezarê di bîst salên dawî de pileyek û nîv zêde bûye û ev yek dibe sedem ku asta avê salê bi qasî 20 santîmetreyan kêm bibe. Ev rewşa metirsîdar gefê li tevahiya jîngeh, aborî û binesaziya herêmên peravê dixwe.

11:35

Piştî ku li Cezayîrê li dijî rojnameya jinan û xebatkarên wê kampanyayeke tundiya dîjîtal û teşwîqkirinê dest pê kir, komeke rêxistin û kesayetên mafên mirovan daxuyaniyek da û gotin, “Ew ê nehêlin tirs û nefret civaka wan dîyar bike.”

11:23

Di panela herêmî ya li Tûnisê de rewşa jinên li Sûriye, Iraq, Filistîn, Sûdan, Lubnan û Mexribê hat nîqaşkirin. Di panelê tê gotin ku, destkeftiyên jinan ji ber tevgerên rastgir di bin gefê de ne û girîngiya parastina maf û wekheviyê hat tekezkirin.

10:04

Xewna pîlotiyê ya Şemsiya Safî ya 21 salî bi zewaca bi zorê û qedexeyên Talîbanê re bû kabûs. Çîroka wê bîranîna bi milyonan keçên Efgan e ku ji perwerde û mafên xwe bêpar mane.

08:25

Piştî ku rêveberiya av û ceyranê bi peymanekê hate guhertin, li Rojavayê Kurdistanê û bajarê Kobanê krîza ceyranê derket. Tevî ku asta ava Firatê bilind e jî, jinên herêmê diyar dikin ku ceyran bi "minet" tê dayîn.

08:00

Hevşaredara Mexmûrê Xurbet Îşlek diyar kir ku qanûna çarçoveyê tevî kêmasiyan ji bo destpêkê gaveke dîrokî ye û got ku di çarçoveya vê qanûnê de cihgirtin û vegera wan a welat dê bi banga Rêberê Gelê Kurd Abdullah Ocalan pêkan be.

22:36

Li bajarokê Ehmedawayê ya Helebceyê, yekem festîvala berhemên herêmî û çandî bi beşdariya zêdetirî 100 cotkar û karsazan dest pê kir. Festîvala ku dê sê rojan bidome, balê dikişîne ser girîngiya berhemên xwezayî û xurtkirina rola jinan a di warê aborî de.

20:36

Bi dirûşmeya “Festîvala Kobanê lêvegerandina li çanda dayîkê”, bi sedan jinên navçeya Qinê ya bajarê Kobanê bi riya festîvaleke gelêrî ya berhem û keda jinan, bi dehan xwarinên çanda bajarê xwe pêşkêş kirin.

19:16

Li Tûnisê Nifşê Z, helwesta desthilatdariyê rexne kir û diyar kir ku dewlet ji bo ravekirina qeyranan serî li teoriyên komployê dide, nîqaşên giştî digire û xebatên civaka sivîl û sendîkayan sînordar dike.

17:09

Federasyona Navneteweyî ya Rojnamevanan (IFJ), bertek nîşanî cezayê girtîgehê yê li wênekêşa Îranî Yelda Mûîrî hatiye birîn da û daxwaz kir ku sûcdariyên li dijî wê werin betalkirin û bikaranîna sûcdariyên ewlehiyê yên ji bo sînordarkirina çalakiyan.

16:09

Li Suweydayê li dijî tundiya li ser jinan panelek hat lidarxistin. Beşdaran di çalakiyê de bal kişandin ser zêdebûna sûcên navmalî û ji bo parastina maf, ewlehî û rûmeta jinan xwestın tedbîrên qanûnî û perwerdeyê werin xurtkirin.

15:53

Berdevka DEM Partiyê Ayşegul Dogan li navenda giştî ya partiya xwe daxuyaniyek da û qanûna çarçoveyî ya ku di Meclisê de hatiye erêkirin nirxand. Dogan diyar kir ku "Ev qanûn dê zemîneke hiqûqî ji bo çareseriyê ava bike û deriyekî nû veke.

15:08

Li bajarê Tirkiyê Îzmîtê keçeke Sûriyeyî ya 15 salî rastî êrîşa zayendî hat. Tevî ku temenê wê di îfadeyê de 19 salî hate nîşandan û malbata wê xistin navenda vegerandinê jî, bi îtîrazan rastî derket holê û gumanbar hatin girtin.

13:54

Rojnamevan û girtiya siyasî ya berê Wîda Rebbanî ragihand ku ew ji aliyê hevjînê xwe ve rastî lêdan û şîdetê hatiye û bi zorê ji mala xwe hatiye derxistin. Rebbanî bang li jinan kir ku li hemberî şîdetê bêdeng nemînin.

13:22

Beşdarên panêlê girîngiya danûstandina ezmûn û pisporiyê di xizmeta mafên jinan de li Bakurê Efrîkayê anîn ziman ku di warê wekhevî, derfetên wekhev û azadiyan de bi dijwarî û paşketinên eşkere re rûbirû ye.

12:45

Navenda Misrê ya Lêkolîn û Ramanên Jineolojiyê û Navenda Misrê ya Lêkolînên Ragihandinê ji bo xurtkirina têkiliyên di warê lêkolînên ciwanan, perwerde û danûstandina pisporiyê de li hev kirin.

12:04

Rapora nû ya UN Women diyar dike ku zêdetirî 100 fermanên li dijî jinan li Efganistanê bûne beşek ji jiyana rojane. Aboriya welat hilweşandine û bi mîlyonan jin rûbirûyê qeyranên mirovî hiştine.

11:47

Di salvegera 70'yan a Qanûna Rewşa Kesane de, Komeleya Jinên Demokrat a Tûnisê daxuyaniyek weşand û xwest 70 salên reformê werin nirxandin. Komeleyê tekez kir ku pêwîstî bi misogerkirina beşdariya jinan di jiyana giştî de heye.

11:11

Îranê ku di sala 2025'an de herî kêm 1.639 kes darve kirine, vê carê bû hedefa nerazîbûna tûj a 32 welat û Yekîtiya Ewropayê. Welatên rojavayî banga rawestandina tavilê ya darvekirin û serbestberdana girtiyan kirin.

10:10

Komeleya Dengê Jinan bi civîneke çapemeniyê ragihand ku wan yekem platforma ji bo çavdêrîkirin û belgekirina kuştinên jinan li Tûnisê avakirine.