rojane

19:34

Hevdîtina Şandeya DEM Partiyê ya ku danê sibehê li Îmraliyê dest pê kiribû bi dawî bû. Şande dê derbarê naveroka hevdîtinê de daxuyaniyekê bide.

19:07

Çalakiya Nobetê ya li Wargeha Penaberan a Mexmûr ya bi armanca mîsogerkirina azadiya fîzîkî ya Rêberê Gelê Kurd Abdullah Ocalan hatî destpêkirin bi dewirgirtina koma 104’emîn didome.

15:35

Di bîranîna ku di 13'yemîn salvegera Komkujiya Roboskê de hat lidarxistin de, hat diyarkirin ku têkoşîna hesabpirsînê dê bidome.

15:25

Li gora daneyên Komeleya Parastina Mafê Rojnamevanan a Iraqê, di sala 2024’an de 457 binpêkirin li hemberî rojnamevanên li Iraqê hatiye kirin.

14:47

Li gorî daneyên saziyên mafên mirovan; di sala 2024’an de nêzî 883 kes li Îranê hatin darvekirin. Di nava kesên ku hatien darvekirin de 26 jin û 5 zarok hene.

14:08

Şêniyên Kantona Firatê yên Bajarê Kobanê ji bo piştgiriya bi QSD û YPJ’ê re meşeke girseyî li dar xistin û berxwedana QSD’ê û YPJ’ê silav kirin.

14:03

Endamên Komeleya Mafên Mirovan (ÎHD) û xizmên windayan li Amedê di çalakiya xwe de li aqûbeta kesên ji aliyê dewleta Tirk ve hatin qetilkirin pirsîn û bal kişandin ser Komkujiya Roboskê.

13:54

Bi armanca tekezkirina rol û hebûna jinê ya di avakirina Sûriya nû de, bi pêşengtiya hemû rêxistin û tevgerên jinan ên Bakûr û Rojhilatê Sûriyê, li Hesekê meşek girseyî hat li darxistin.

13:43

SMJÊ bal kişand ser metirsiya li Sûriyeyê ya li ser bawerî û metirsiyên cuda û got: "Divê her kes bi lezgînî, li hember mejiyê jinkuj û mirovkuj rabe ser piyan û li kêleka berxwedana sedsalê cihê xwe bigire û erka xwe ya dîrokî pêk bîne."

13:33

Qasran Muhammedî Alîwî ya ku xwedî pêwîstiya taybet e li ser pêşniyara jina ku nas kiriye dest bi jiyana werzîşê kir, bi serkeftinên ku bi dest xistine, ji bo gelek jinan bûye çavkaniya îlhamê.

13:10

Di çalakiya Dayikên Şemiyê ya hefteya 1031'emîn de aqûbeta Mahmut Kaya hat pirsîn û wiha hat gotin: “Em daxwaza pêkanîna edaletê dubare dikin."

12:26

Bi armanca piştgiriya YPJ û QSD’ê bi sedan kesên ji xelk û pêkhateyên bajarê Til Temir û Zirganê yên Kantona Cizîrê, meşiyan.

12:23

Siyasetmedara Xezayî Areej Al-Ashqar, diyar kir ku polîtîkayên şer ên li Rojhilata Navîn tên meşandin bi taybetî li ser jinan bandorên xirab çêdikin û ji jinan, rêxistinên mafên mirovan û civakên cîhanê xwes dest bi çalakiyan bikin.

11:29

Parlamenterên DEM Partiyê Sirri Sureyya Onder û Pervîn Bûldan, ji bo hevdîtinê bi Rêberê Gelê Kurd Abdullah Ocalan re bikin çûn Îmraliyê.

11:17

Li gorî rapora dawî ya Navenda Îstatîstîkên Îranê, li tevahî welat nêzî milyonek xwendekaran ji ber sedemên cuda neçar mane dest ji perwerdeyê berdin.

10:42

Komkujiya Roboskê li Tirkiyeyê yek ji qetliamên ku di dîrokê de li ser gelê Kurd çêbûye ye. Ji bo ronîkirina komkujiya ku ji her alî ve kodên dewletê tê de veşartîbûn û ji bo pêkhatina edaletê 13 sal in têkoşîn didome.

05:20

Sala 2024’an ji bo jinên Êzidî û tevahî jinên ji bo azadiyê li ser piyan bûn, bûye saleke têkoşîn û berxwedanê. Hevgirtina jinên Êzidî û Ereb ji bo jinên Iraqî jî bû ezmûneke girîng û çavkaniya îlhamê ji bo têkoşîna sala 2025’an.

05:15

Rêvebera Hêza Parastina Civakê ya Kantona Cizîrê Mizgîn li dijÎ êrişan bal kişand ser ruhê seferberiyê ya li herêmê xurt e û got: “Parastina civakê erka me hemûyan e, divê em bi seferberiyê xwedî li axa xwe derkevin.”

05:00

Hevrêya rojnamevan Cîhan Bîlgîn a li gel rojnameger Nazim Daştan di êrişa dewleta Tirk de hat qetilkirin, behsa rêwîtiya wê kir. Dîlan Dîlok got: “Cîhan ji bo doza jinan û aşkerekirina rastiyê têkoşîn da. Em ê rêya wê dewam bikin.”

20:04

Hat ragihandin ku rojnameger Cecilia Sala 19’ê Kanûnê ji bo nûçegîhanê çûbû Tehranê hat binçavkirin, paşê hatiye girtin û wê şandine Girtîgeha Evînê.