rojane

12:17

Şewba Ebolayê li Kongoyê leztir dibe; heta niha 2 hezar û 300 kes mirine. Daneyên fermî nîşan didin ku şewb li şeş parêzgehan belav bûye û tirsa vedirîna berfirehtir zêde bûye.

11:56

Li Dadgeha Şoreşê ya Mehabadê, 16 welatiyên Kurd ku di nava wan de jin jî hene, di dozeke hevbeş de bi bihaneya "çalakiya siyasî û medyayî" bi giştî bi 77 sal cezayê girtîgehê hatin cezakirin.

10:58

Çavdêriya Mafên Mirovan a Sûriyeyê (SOHR) 26 sûcên di nîvê yekem a Tebaxê de li hinek bajarên Sûriyeyê belge kir, belge nîşan didin ku tundî li Sûriyeyê bûye diyardeyek dubarekirî û zagon rolên xwe pêk naynin.

09:18

Rojnamevan û pêşkêşvana xwedîezmûn Sûzan Heme Seîd ku ji sala 1995’an ve di nava cîhana rengîn a televîzyon, radyo û şanoyê de ye, vegotina serpêhatiya xwe ya 30 salî dike. Balê dikişîne li ser, pêwîstiya wêrekiya jinan li hember astengiyan.

08:20

Parêzer OHD’ê Ozum Vurgun diyar kir ku divê Meclîs, piştî çarçoveya qanûnê sazûmaniyên mafê hêviyê û înfazê bike rojev, Qanûna têkoşîna dij-terorê betal bike, rejîma qeyûm bi dawî bike û mafên çandî, zimanî û olî mîsoger bike.

22:21

Çalakiya nobetê ya li wargeha penaberan a Mexmûrê ku ji bo azadiya fîzîkî ya Rêberê Gelê Kurd Abdullah Ocalan hatibû destpêkirin, bi dewirgirtina koma 216’an ve didome.

19:37

Parêzvana mafên mirovan a Mexribî Sureyya Bouabîd a ku zêdetirî 25 salên jiyana xwe ji bo pêşxistina çanda mafên mirovan terxan kir, koça dawî kir.

17:00

Parêzvana mafên jinan Şede Beşîr li ser zêdebûna qetlîamên jinan ên li Başûrê Kurdistanê axivî, bal kişand ser bêdengiya saziyên têkildar û banga têkoşînek hevpar û xurtir kir.

15:40

Malbatên nexweşên fîbroza kîstîk (CF) li ber Wezareta Tenduristiyê ya Îranê, li dijî zêdebûna bilez a lêçûnan û kêmbûna dermanên ku nexweş hewce ne, xwepêşandan li dar xistin.

15:21

Konfederasyona Futbolê ya Efrîkayê (CAF) hekema Misrî Şahbanda Saad Elî erkdar kiriye ku maça fînalê ya Kûpaya Neteweyên Efrîkayê ya Jinan a 2026'an a di navbera Kamerûn û Malawiyê de li Rabatê birêve bibe.

11:54

Yekem hakema jin a navneteweyî ya Îranê Gelareh Nazemî, piştî 25 salên di warê futbol û hakemtiya futbolê de, bi peyamekê li ser hesabê xwe yê Instagramê teqawidbûna xwe ragihand û diyar kir ku hakemî ji bo wê bûye "derseke jiyanê.”

11:20

Li Endonezyayê erdhejeke wêranker a bi pileyî 7.7 li parêzgeha Nusa Tenggara ya Rojhilat xist; di encamê de 51 kesan can anîn dan, bi hezaran kes ji ber hilweşîna xaniyan neçar man ku biçin kon û salonên werzîşê

10:46

Hejmara 181’an a Kovara Jinê bi berga ‘Civaka Demokratîk, Aştiya Mayînde’ derket pêşberî xwendevanên xwe.

09:42

09:07

Di navbera 25’ê Tîrmehê û 15’ê Tebaxê de li Başûrê Kurdistanê 12 jin hatin qetilkirin an jî bi rengekî gumanjî jiyana xwe ji dest dan. Parêzer Geşa Dara destnîşan kir ku ev cînayet bi awayekî pergalî tên kirin.

19:33

Bi boneya sedsaliya damezirandina bajarê Qamişloya Rojavayê Kurdistanê, Komîna Şêwekarî ya Kantona Cizîrê komxebateke hunerî bi diruşmeya "Ji bo Qamişlo… Sed sal jiyan û em berdewam dikin bi afirandin û berxwedanê" li dar xist.

18:05

Rapora Malpera Dengê Girtiyên Kurd û Îranê, şert û mercên xirab ên li Girtîgeha Evînê eşkere kir. Li gorî raporê, girtiyên siyasî ji mafên bingehîn bêpar in û xizmet û lênerîna tenduristiyê jî her ku diçe xirabtir dibin.

17:43

Hêzên Piştgiriya Lezgîn (RSF), êrîşî herêma Um Arada ya li eyaleta Kordofana Bakur kir. Li gorî raporên destpêkê, di êrîşê de zêdetirî 14 sivîl hatin kuştin û bi dehan kes jî birîndar bûne.

15:33

Komek jinên çalakvan ên Îranî bi armanca xurtkirina hêza siyasî ya jinan û misogerkirina tevlîbûna wan di biryargirtinê de, “Şewra Şoreşa Jinan” a demokratîk, pirreng û fêmînîst ava kirin.

15:21

Li gundê Koço yê Şengalê, ji bo şehîdên komkujiya 15'ê Tebaxa 2014'an merasîmeke bîranînê hat lidarxistin. Tevî ku 12 sal di ser komkujiya DAIŞ'ê re derbas bûne jî, beşdaran bal kişandin ser wê yekê ku hîna hestûyên piranîya qurbaniyan nehatine vegerandin