rojane

16:00

Saziyên ku di warê mafên zarokan de dixebitin, li ser encamên girtina dibistanan û nebûna planeke lezgîn a perwerdehiyê hişyarî dan. Wan bang li Wezareta Perwerdehiyê kir ku protokoleke neteweyî pêş bixe.

15:00

Yekemîn karwana koçberên Serêkaniyê ku piştî heft salên dûrketinê bi hêviya aramiyê vegeriyabûn warê xwe, ji aliyê komên çekdar ve hate hedefgirtin. Kongra Star li ser bûyerê daxuyaniyek da, destnîşan kir ku ev êrîş li dijî tevna civakî û jiyana hevbeş e.

14:00

Li gorî raporên nû yên li ser girtîgehên Îranê, rewşa girtiyan roj bi roj girantir dibe; girtiyên jin ji dermankirinê bêpar in, bi dehan kes di nezelaliya qanûnî de ne û pêla darvekirinê bi lez belav dibe.

13:13

Kampanyaya ‘Sêşema na ji darvekirinan re’ ragihand ku grevên birçîbûnê li 59 girtîgehan didomin her wiha bal hat kişandin ser cezayên darvekirinê yên ji bo tirsandina civakê tên bikaranîn.

11:55

Lijneya Giştî ya Parlamentoyê balê ajans û rojnameyên navneteweyî kişand ser xwe. Çapemeniya cîhanî ev gav wekî "xalek werçerxê ya krîtîk" û "pêngava qanûnî ya herî berfireh" binav kir ku dê bandorê li ser tevahiya herêmê jî bike.

11:34

Tevî hilweşîna rejîmê jî metirsiyên li ser zarokên li Sûriyeyê didomin. Li gorî daneyên Çavdêriya Mafên Mirovan a Sûriyeyê, ji 8'ê Kanûna 2024'an heta 10'ê Tebaxa 2026'an 784 zarok hatine kuştin.

10:56

Kuştina Raxad El-Enderî ya ciwan li gundê El-Teybe yê rojhilatê Suweydayê bû sedema hêrseke mezin. Bûyera ku ji ber nakokiyên malbatê qewimî bû sedema bertekan û hat xwstin ku berpirsiyar werin cezakirin.

10:46

Navenda Jineolojî bi hevkariya Edumedia hewl dide gavên pratîkî di hilberîn, lêkolîn, perwerde û ragihandinê de bavêje û ji bo veguherandinê gavên bi bandor di piştevaniya mirovahiyê, civakê û pêşketina domdar de davêje.

09:29

08:45

Aktîvîsta TJA’yê Sebahat Tuncel diyar kir ku qanûna çarçoveyî destpêkek girîng e, lê li derveyî çarçoveyê hiştina Rêberê Gelê Kurd Abdullah Ocalan kêmasiya herî mezin e û got ku divê pêvajo bi têkoşîna demokratîk re bê temamkirin.

08:09

Weke yekem seroka şaredariyê ya jin ku di nava pergala nû de li Sûriyeyê cih girtiye, Almaz Romî bal kişand ser rola pêşeng a jinan û anî ziman bi ezmûna salan a di qada rêxistinî û siyasî de, ew ê feraseta azadiya jinê li herêmê bidomînin û xurtir bikin.

23:21

Pêşnûmeya qanûna çarçoveyî ya ji bo Pêvajoya Aştî û Civaka Demokratîk, piştî nîqaşan di Lijneya Giştî ya Parlamentoyê de bi 468 dengên erê hate qebûlkirin. Wê qanûn ji aliyê Serokkomar ve bikeve meriyetê.

21:34

Îro dema ku yekem karwanê koçberên Serêkaniyê vegeriyan warê xwe ji hêla hen komên çekdar ve êriş ser wan pêkhat. Li seranserê Rojavayê Kurdistanê bertek li dijî vê rewşê derketin holê. Gelê Kobanê jî daketin qadê û êriş şermezar kirin.

17:30

Karwana ewil a malbatên ku ji bo vegerê gihîştin Serêkaniyê, ji aliyê komên çekdar ve hatin hedefgirtin. Tevî astengiyên lojîstîk û êrîşên li ser mal û wesayîtên wan, koçber tekez dikin ku ew ewlehî û vegerandina milkên xwe dixwazin.

16:00

Li gorî rapora nû ya Çavdêriya Mafên Mirovan a Sûriyeyê (SOHR), di navbera hilweşîna rejîma Baasê û heya Tebaxa 2026’an de bi dehan komkujî pêk hatine û zêdetirî çar hezar sivîl di êrîşên li ser bingeha nasnameyê de hatine kuştin.

15:48

Parlamenterê Partiya DEM'ê yê Rihayê Omer Ocalan, wêneyê serdana malbatê ya ku di Cotmeha 2025'an de li Girava Îmraliyê hatibû kirin, li ser medyaya dîjîtal weşand.

15:07

Zanîngeha Tehranê ragihand ku nêzîkî hezar xwendekarên ku dema xwendina wan dirêj bûye, dê ji Cotmehê pê ve nikaribin li wargehên zanîngehê bimînin. Ev biryar bû sedema bertekên tund ji aliyê sendîka û çalakvanên xwendekaran ve.

12:29

Pevçûnên li cîhanê nîşan didin ku laşê jinê wekî amûreke tirsandinê tê bikaranîn. Ev rastiya siyasî, di 10'ê Tebaxa 2015'an de bi nîşandana laşê tazî yê Ekîn Wan li Vartoyê hate eşkerekirin. Îro têkoşîna Ekîn bûye têkoşîna jinan li hember vê polîtîkayê.

11:15

Di rapora nû ya Rêxistina Rojnamevanên Bêsînor (RSF) de hate destnîşankirin ku Talîbanê bi dehan biryarname û qanûna nû ya cezayî xistiye meriyetê da ku herikîna agahiyan bisekine. Qanûna nû rojnamevanan bi cezayên qamçî û zîndankirinê re rû bi rû dihêle.

10:54

Li bajarê Sebtayê ji ber zêdebûna koçberan û kêmbûna stargehan krîzeke mezin derket holê. Di nava hefteyekê de herî kêm pênc keçên di bin temenê 14 salî de rastî êrîşên zayendî hatin û sîstema tenduristî û parastinê ya bajêr ketiye bin zexteke giran.