rojane

13:12

Li Amedê di dema kontrola GBT, polîsan ciwanan derb kir. Ji heman malbatê ku bertek nîşanî rewşê dan jin û zarok rastî tundiya polîsan hatin. Hate zanîn ku endamên malbatê yên ku rapora derbê girtin wê giliyê polîsan bikin.

12:49

Hunermenda Îranî Perestu Ahmedî, solîsta Konsera Xeyalî û muzîkjenên wê bi kefaletek bilind hatin berdan.

12:31

Komîsyona Bilind a Mafên Mirov a Neteweyên Yekbûyî derbarê binpêkirin û zextên rejîma Îranê yên li ser jinên Behayî de raporek belav kir. Di raporê de hat diyarkirin ji sêyan duyê girtiyên Behayî jin in û bêy ku sedemek yasayî hebe hatine girtin.

12:22

Şêniyên bajarê Hesekê yê Kantona Cizîrê bi hemû pêkhateyên xwe Kurd, Ereb, Suryan û Ermen re meşeke girseyî li dar xistin û berxwedana şervanên QSD’ê û YPJ’ê silav kirin.

12:07

Li Îranê şîdet û bûyerên qetilkirina jinan zêde dibin. Di mehên Mijdar û Kanûnê de 19 jin û 2 zarok hatin qetilkirin. 5 jin jî li girtîgehên ku lê diman hatin bidarvekirin.

11:54

SOHRˈê ragihand ku ji destpêka îsal ve li Sûriyeyê 227 jin hatine qetilkirin.

11:44

Mala Çavdêriya Mafên Mirovan a Sûriyê (SOHR) aşkera kir ku piştî çeteyên girêdayî dewleta Tirk li Minbicê destdirêjî li keça 7 salî kir, eşîrên Ereban serî rakirin. Pevçûnên ku piştî bûyerê di navbera eşîrên Ereb û çeteyan de destpê kirin, didomin.

10:46

Êrişên dagirkeriyê yên dewleta Tirk li ser Bakur û Rojhilatê Sûriyê didomin. Çalakvan Perêz Omer got: “Hebûna xwe di dijminatiya Kurdan de dibîne."

08:25

Çalakvanên Iraqî destnîşan kirin ku bêyî beşdariya jinan mirov nikare behsa guhertina li Sûriyê bike û wiha gotin: “Divê hikûmeta demkî rêzgirtinê ji hebûna jinan re bigre.”

08:21

Rojnamevanên herêma Bakur û Rojhilatê Sûriyeyê êrişa dewleta Tirk a dagirker li ser rojnamevan Cîhan Bîlgîn û Nazim Daştan şermezar kirin û gotin: “Em ê bi pênûs û kamerayên wan rêwîtiya xwe bidomînin.”

08:09

Parêzvana mafên mirovan Ehlam El-Celalî diyar kir ku li Tûnisê tevî zagon û peymanên navneteweyî jî gelek binpêkirin li dijî jinan tên kirin û diyar kir ku hevgirtina jinan li hemû cîhanê bûye ‘pêdiviyek lezgîn’.

08:00

Komîteya Dîplomasiya TAJÊ ji bo parlamentoya Swîsreyê ya ku jenosîda lis er Şengalê bi fermî nas kir, nameyek şand. TAJÊ di nameya xwe de got: “Ji bo pêşîgirtina li komkujî û fermanên nû divê rê li pêşiya dagirkeriya dewleta Tirk were girtin.”

07:49

Çalakvana siyasî Erîc El Eşqer balkişand ser azarên ku jinên li Rojhilata Navîn di nav şeran de dikşînin û da zanîn ku dinya li hember vê yekê bêdeng e.

05:25

Ji civaka Êzidî ya li Helebê Roşîn Mûsa, bal kişand ser polîtîkayên talanê yên dewleta Tirk û çeteyên girêdayî wê yên di bin navê yekrengiyê de û ji bo rêxistinkirina Sûriya azad bang li hemû gel û komên baweriyan kir.

05:20

Ji Makedonyayê Helen Gorik, ji bo jinên Rojava peyamek weşand û piştgiriya xwe anî ziman. Helen Şoreşa Rojava wek ronahiya hêviyê, ezmûneke şoreşgerî ya demokrasiyê, xweserî û azadiyê binav kir.

05:15

Cîgira Serokatiya Yekîtiya Jinên Suryan li Bakur û Rojhilatê Sûriyê Sebah Şabo, balkişand ser wêrankirina cîhên pîroz a li Sûriyê ku bi destê komên cîhadî yên HTŞ’ê tê kirin û ev kiryar şermezar kir.

05:00

Emel Qehreman ku yek ji koçberên Efrînê ye, destnîşan kir sûcên ku dewleta Tirk a dagirker li ser gelê Efrînê pêk tîne, bi destê xayînên dîrokê ye û got: “Me xeta berxwedaniyê bijart. Êdî bes e, şiyar bin. Eger em nebin yek, emê herin yek bi yek.”

21:45

Kombûna Jinan a Zenûbiya diyar kir ku dûrxistina jinan di her pêvajoyeke nîştimanî de dê bi xwe re binkeftinê bîne. Kombûnê bi daxuyaniyekê bang kir ku doza jinan û mafên wan bixin serê pêşîn ên dozan.

20:40

Li Wargeha Penaberan a Mexmûrê Cangorî Evîn Goyî ku di 23’ê Kanûna 2022’an de li Parîsê de bi du rêhevalên xwe re hatin qetilkirin, hat bibîranîn.

20:36

Girtiya siyasî ya Kurd Werîşe Muradî di peyama xwe ya bi boneya 22’ê Kanûnê Roja Jinan û Dayikan ya li Îranê pîroz kir de got, “Heta ku zilma li ser jinan bidome ez ê têkoşîna xwe bidomînim. Ji bo armancên ‘Jin Jiyan Azadî’ pêk were ez ê têbikoşim.”