rojane

07:58

Şêniyên bajarê Qamişlo-Bakur û Rojhilatê Sûriyeyê, êrîşên cîhadîstên HTŞ’ê yên li dijî taxên Şêx Meqsûd û Eşrefiyê, bi xwepêşandanek şermezar kirin û piştgiriya xwe ya ji bo gelê Şêx Meqsûd û Eşrefiyê nîşan dan.

07:45

Jinên Ereb ên li kantona Firatê herêma Rêveberiya Xweser a Bakur Rojihilatê Sûriyeyê diyar kirin ku manîfestoya “Aştî û civaka demokratîk” bingeha avakirina jiyana azad û demokratîk û civaka exlaqî û polîtîk e.

07:20

Hevberdevka Platforma Şiyar Be ya Wanê Rûken Kiliç a balkişand ser şerê taybet ê li Kurdistanê tê meşandin, destnîşan kir ku tiryak, fihûş û çekdariya ferdî encamên şerê taybet in û got: “Em hemû kom bibin û vî şerê taybet ê li Kurdistanê rakin.”

20:26

Nûçegihana ajansa me ragihand ku di encama êrîşên cîhadîstên Heyet Tehrîr El Şam ên li ser taxên Eşrefiye û Şêx Meqsûd de, jineke 57 salî ya bi navê Fedwa Muhammed el-Kurdî li Helebê hatiye qetilkirin.

18:49

Li Şengalê bi merasîmekî Şehîd Berfîn Nûrhaq, Medya Egîd û Ala Hêvî bi merasîmek hatin bibîranîn.

18:36

Platforma Jinên Başûrê Kurdistanê, bi tundî êrişa û sivkatiya faşîstên Tirkiye ya li ser jina siyasetmedar ya Kurd Leyla Zana şermezar kir û got: “Divê jiyan û rûmeta jinên çalakvan û siyasetmedaran bên parastin.”

18:32

Hêzên Ewlekariya Hundirîn-Heleb, bi daxuyaniyekê diyar kir ku wan êrişeke çekdarî ya komên girêdayî hêzên Rêveriya demkî ya Sûriyeyê li bajarê Helebê têk bir.

18:28

Xwepêşandanên xwendekarên Zanîngeha Tehranê yên sendîkayî di roja duyemîn de didomin. Li gorî çavkaniyên Fakulteya Hiqûq û Zanistên Siyasî, Lijneya Dîsîplînê bi riya telefonê bangî xwendkarên çalakger kiriye.

16:36

Meclisa Olî ya Jinan û Rêxistina Sara ya Têkoşîna li Dijî Tundiya li Ser Jinan, li bajarê Helebê panelek li dar xist. Di panelê de rola jinê ya di pêveçûna civakî de û girîngiriya naskirina mafên jinan hate nîqaşkirin.

14:55

Komîsyona Jinan a OHD’ê têkildarî heqaretên li dijî Leyla Zanayê serlêdana sûc kir û diyar kir ku li TFF’ê serlêdana hiqûqî kirine.

14:45

Rojnamevana Tûnisî Marwa Jeddaouî jiyana xwe ji dest da. Marwa Jeddaouî ya mezûna Enstîtuya Rojnamegerî û Zanistên Nûçeyan bû, bi karakterê xwe yê baş û jêhatîbûna xwe ya profesyonel dihat naskirin.

13:45

Heyeta DEM Partiyê ya Îmraliyê û Ozgur Ozel piştî hevdîtinê daxuyanî dan. Ozgur Ozel diyar kir ku ew hem li Sûriyeyê û hem jî li Tirkiyeyê pêkhatina mafên hemû netewan hevî dikin. Pervîn Buldan jî got ku divê hemû kes vî barî hilde ser milê xwe.

13:16

Li bajarê Sine yê Rojhilatê Kurdistanê dayîk çûn serdana gorên zarokên xwe yên ku di serhildana ‘Jin, Jiyan, Azadî’ de nemir bûne û daxwaza edaletê kirin.

13:15

Xizmên çalakvanên li Îranê hatine binçavkirin, ragihandin ku Îstixbarata Îranê ji xizmên binçavkiriyan re gotiye ku agahî nedin medyayê.

13:14

Piştî li Mexrîbê derbarê Mamoste Nezhe Mecdî de ji ber beşdarî protestoyên qada perwerdeyê bû û derbarê aktivîst Saîda Alamî de cezayê girtîgehê hat erêkirin, li welat bangên piştevaniyê û protesto zêde bûn.

12:22

Tevgera Jinên Kurd a Ewropayê (TJK-E) ji bo çalakiyên bîranînê yên ku wê bi wesîleya salvegera komkujiyên 2013 û 2022’yan ên li Parîsê bên lidarxistin, banga tevlîbûnê kir.

12:14

Li bejahiya rojhilatê bajarê Derayê, ji ber bermahiyên şer, teqîn çêbû. Bombeya ku li gundê El-Buveyrayê li nêzî malekê teqiya, bû sedema mirina jineke ciwan.

11:50

Li gundewarê Rojhilatê Dêrazorê cenazeyê jinek derdora 30 salî ya nasnameya wê nediyar di nava çemê Firatê de hat dîtin. Ji bo ronîkirina bûyerê û tesbîtkirina cenaze û girtina kiryaran lêpirsîn didome.

11:46

Şeva Yelda yek ji pîroziyên li Rojhilatê Kurdistanê ye ku bi demê re ji ber bilindbûn û daketinên dîrokê hatiye jibîrkirin. Lê belê, pîrozkirina jidayîkbûna xwedawenda ronahiyê û şewqa yaqûtên sor ên hinarê, weke yekgirtina çalakiyên dimîne.

10:54

Parêzerê Ayda Neceflu ku 10 sal cezayê girtîgehê lê hatiye birîn û ji ber şikestina stûnê bi xetereya felcbûnê re rû bi rû ye, ragihand ku ew bi kefaletê demkî hatiye berdan.