Navenda Nûçeyan – Li bajarê Suweyda yê Sûriyeyê, kombûma El-Meraa Şû'lat El-Tanmiyah (Jin meşaleya pêşketinê ne) panelek bi sernavê “Na ji bêdengiyê re, Erê ji rûmeta jinan û mafê jiyanê re" li dar xist. Piştî panela ku gelek niştecihên bajêr beşdar bûn, bi dawî bû, ji bo balkişandina ser tundiya li dijî jinan û sûcên navmalî, xwepêşandanek bêdeng hat lidarxistin.

Peyama "Êdî bes e" û girîngiya perwerdeya malbatî

Panela ku bi navê "Êdî bes e" dest pê kir, bêdengiya li hemberî tundî û zordariya li ser jinan hat redkirin û hat diyarkirin ku pêwîst e ji qonaxa bêdengiyê derbasî qonaxa daxwaza maf û hesabpirsînê bibin. Jinan diyar kirin ku gava yekem a têkoşîna li dijî tundiyê divê li malê beriya civakê were avêtin û tekez kirin ku divê kesên jinan dikujin û şîdetê li jinan dikin werin darizandin û din ava civakê de helwestek tund li dijî wan were raberkirin.

Seroka civata Firyal El-Selîm, “Jin Meşaleya Pêşxistinê Ne", diyar kir ku xebata civakê piştî bûyer û komkujiyên li Suweydayê di Tîrmeha 2025’an de dest pê kiriye û destnîşan kir ku di vê heyamê de, jin rastî gelek awayên zext û binpêkirinan hatine û hatine revandin hat tekezkirin ku bûyerên zext û tundiyê berdewam dikin. Feryal da zanîn ku pirsgirêka herî mezin nebûna hesabpirsîna bi bandor e û got ku çareserî di temenê biçûk de û di nav malbatê de dest pê dike.

Tundiya li dijî jinan ne tenê pirsgirêka malbatî ye pirsgirêka civakê ye

Dr. Darîn El-Hekîm jî diyar kir ku jin ne tenê "nîvê civakê" ne, di heman deman demê de nîvê din ê civakê jî mezin dikin. Darîn rexne kir ku nabe tundî û kuştin tenê wekî "nakokiyên navmalî" bê binavkirin û got ku ev ji sînorên malbatê derbas dibe, pirsgirêkek wisa mezin e ku bandorê li civak û mirovahiyê bi tevahî dike. Her wiha bal kişand ku di navbera qanûn û ramanan û sepandina wan de valahiyek heye û divê ji bo parastina ewlehiya civakê gavên bi bandor bên avêtin.

Nivîskar Ehlem Ebû Esaf jî di panelê de behsa bûyera keçeke ciwan a ku vê dawiyê ji hêla bavê wê ve hat kuştin kir, daxwaza sepandina tund a qanûnê li dijî sûcdaran kir û destnîşan kir ku ji bo çareserkirina sedemên bingehîn divê çek li malan nemînin.