rojane

11:52

Hevpeymaniyên jinan ên li Mexrîbê di pêvajoya hilbijartinên parlemanî de balê dikişînin ser sînordarkirina derfetên namzetiyê yên jinan.

11:27

Di xwepêşandaneke ku ji aliyê tevgera "Nafs" ve hat organîzekirin de, xwepêşanderan xirabûna şert û mercên jiyanê û zêdebûna zextê şermezar kirin. Her wiha daxwaza gihîştina av û elektrîkê û eşkerekirina rastiya mirina girtiyan kirin.

11:12

Bi hezaran ji şagirt û xwendekarên bajarê Kobanê li dijî biryarên hikumetê yên li ser zimanê Kurdî, sala xwendinê ya 2026-2027 boykotkirin.

09:54

Kovara Jin di hejmara xwe ya nû de balê dikişîne ser bandorên kûr ên şîdeta dîrokî yên li ser roja îroyîn, newekheviyên civakî û têkoşînên azadiyê.

08:00

Şervana YPJ’ê Zîlan Avaşîn têkildarî pêvajoya nû ya entegrasyonê da zanîn ku mafê jinan bê hebûna YPJ’ê mîsoger nabe û got: “YPJ hêzeke bingehîn e, parastina mafê jinê dike.”

22:01

Serokê Dadweriya Urmiyê ragihand ku ew kesê ku gumanbarê doza mirina bi guman a Nîlûfer Mojawar e, dema dixwest ji welêt derkeve li sînorê Banehê hate girtin.

21:42

Komîteya “Ji Ocalan re Azadî” li Silêmaniyê daxuyaniyek da û banga bicihanîna biryara Dadgeha Mafên Mirovan a Ewropayê kir, da ku mafê hêviyê ji bo Abdullah Ocalan bê naskirin û ew bikaribe bi awayekî çalak tevlî pêvajoya aştiyê bibe.

21:11

Kombenda Newroz a Çandî û Civakî ji ber koça dawî ya lîstikvan û hunermenda Kurd Gulistan Tahir peyamek sersaxiyê weşand û anî ziman ku ew yek ji stêrkên geş ên dikê bû.

20:50

TAJÊ bi beşdariya jinên ji destê DAÎŞê hatine rizgarkirin û saziyên jinan re şêwerek li dar xist. Di şêwirê de hate gotin ku azadiya civaka êzidî bi azadiya dîlgirtiyan ve girêdayî ye û bang li her kesî hate kirin ku xwedî li têkoşînê derkevin.

20:26

Rêxistina REPAK di çalakiya salvegera xwe ya 16’emîn de banga xurtkirina hevkariyên jinên cîhanî kir û diyar kir ku ew ê têkoşîna ji bo azadiyê bê navber bidomînin.

16:10

Rêberê Gelê Kurd Abdullah Ocalan got: "Di nava civakeke ku lê jin azad nînin, bi rastî jî em nikarin qala civakeke demokratîk bikin. Her cure destwerdanên zorlêker ên li dijî jiyan û îradeya azad a jinan nayên qebûlkirin.”

15:58

Hunermend û lîstikvana şanoyê ya Kurd Gulistan Tahir a di cîhana hunerê de wekî Gulistan Subarî dihat naskirin, piştî dehan salên jiyana hunerî ya di qada stranbêjî, şano û lîstikvaniyê de, îro koça dawî kir.

15:56

32 sazî û rêxistinên zimanê Kurdî yên Bakurê Kurdistanê û Tirkiyeyê bi daxuyaniyek destek dan daxwaza perwerdeya Kurdî ya gelê Rojavayê Kurdistanê.

15:23

Navenda Nûçeyan- Xizmên Windayan û rêveberên Şaxên ÎHD’ê ya Amed, Êlihê û Colemêrgê çalakiya xwe ya “Bila winda bên dîtin kujer bên darizandin vê hefteyê jî domandin.

15:01

Hate diyarkirin ku li Taîzê li ser rêya Hîcet el-Ebdê wesayîtên sivîl bûne hedef û di encama êrîşê de 15 kes mirine û gelek kes birîndar bûne. Hûsiyan berpirsyariya êrîşê girt ser xwe û tê diyarkirin dibe ku hejmara miriyan zêde bibe.

14:57

Çalakiyên niştecihbûnê yên Îsraîlê ji herêma "C" ber bi herêmên "A" û "B" ve berfireh dibe û koçberiya bi darê zorê zêde dibe. Neteweyên Yekbûyî, hişyarî da ku ev pêkanînan dikarin bibin sûcên li dijî mirovahiyê.

14:45

Dayîkên Şemiyê, di çalakiya xwe ya heftane ya hezar û 119’an de kûjerên Fethî Ildir ê ku di sala 1993’an de hatibû binçavkirin û kuştin, pirsin û wiha gotin:“Di sûcên ku li dijî mirovahiyê pêk hatine de demborî tune ye. Kujerên Fethî Ildir li ku ne?”

12:51

Pêşangeha ‘Bîranîn’, ku ji sê mehan xebata li Bakurê Kurdistanê hatiye amadekirin, li Parîsê deriyên xwe vekir. Pêşangehê, li ser bîranîn, rojane û serpêhatiyên mirovên Kurdistanê, ji aliyê du rojnamevanên jin ve hatiye amadekirin.

12:47

Hejmara kesên ku ji ber lehiyên ji ber hilweşîna qeşayê ya li herêma Rasuwa ya Nepalê ya nêzî sînorê Çînê mirin, gihîşt hezar û 342’yan. Polîs, ragihand ku xebatên lêgerîn û rizgarkirinê yên ji bo hezar û 886 kesên winda, didome.

12:17

SOHR’ê, ragihand ku ji destpêka salê û vir ve li herêmên cuda yên welat 23 gorên komî hatine dîtin. Di goran de jin û zarok jî di nav de hestiyên 203 kesan hatin dîtin.