rojane

09:01

Rêxistinên jinan, ji bo piştgiriya derûnî û civakî û binpêkirinan belge bikin, daxwaza edalet û hesabdayîna sûcdaran kirin û piştgiriya xurek, cil û berg û tenduristiyê pêşkêş kirin.

08:09

Endama Komîteya Navenda Eniya Filistînê Rasmiye el-Arca, diyar kir ku aştiya civakî li Filistînê ji dirûşmek wêdetir e, heta ku ji bo jin, zarok û extiyaran mercên bi ewle çênebin dê pêşî li pêşketina aborî venebe û aramî çênebe.

07:17

Jinên ji pêkhateyên Ereb, gotin ku binpêkirinên xwepêşandanên aştiyane binpêkirinek eşkere ya mafê jin û mêrên Sûrî ye û ev berdewama siyaseta înkarkirin û neqebûlkirinê ye. Jinan gotin ku hemû Sûrî dixwazin di bin sîwana rêveberiyên xweser de bijîn.

07:09

Nivîskar Hamîde Rencus bal kişand ser komkujî, revandin, destdirêjî û tecawizên çeteyên HTŞ'ê yên li ser Elewiyan û got, “Bes e, dema çalakiyê hatiye.”

20:48

Rêxistina Mafên Mirovan a Îranê (Iran Human Rights-IHR), ragihand ku li Îranê di tevahiya sala 2025’an de hezar û 500 kes hatine darvekirin.

20:46

Di sala 2025’an de Şerîaya Rojava, şahidiya zêdebûna operasyonên leşkerî yên Îsraîlê û êrîşên niştecihên bajêr kir. Ev rewş, bi şerê Xezayê re bû sedema zêdetir xirabûna şert û mercên mirovî, ewlehî û aborî.

20:40

Welatiyên Lur Razieh Khahesh û Mahshad Keshanî, di dema xwepêşandanên giştî de hatin girtin û der barê rewşa wan de tu agahî nehatin bidestxistin.

17:32

Saziyên alîkariya tibî yên li Xezayê, diyar kir ku bi hezaran kesên ji cihên xwe bûne, bi xetera belavbûna nexweşiya Leptospîroz re rûbirû ne ku di encama ava bi îdrara mişkan qirêj bûye çêbûye. Di nava kampan de rewş her diçe girantir dibe.

14:29

Mitînga “Hêvî û Azadiyê” ku dê bi daxwaza azadiya fîzîkî ya Rêberê Gelê Kurd Abdullah Ocalan di 4’ê Çileyê de li Amedê bihata lidarxistin, ji ber şertên nebaş ên hewayî taloqî dîrokeke pêş hate kirin.

13:50

Li gorî çavkaniyên mafê mirovan, li eyaleta Yezdê jin, zarok û pitik jî di nav de malbatên Baluc ên ku xwedî nasname bi hincetên ewlehiyê, ji kampan sewqî sînorê Efganistanê dikin.

13:45

UNICEF’ê hişyarî da ku li Eyaleta Bakurê Darfûrê asta kêmbûna xurekê her ku diçe kûr dibe û ev yek gefê li jiyana zarokan dixwe.

13:29

Piştî kêmbûna tûnd a qîmeta Riyalê xwepêşandan li seranserê welêt berdewam dikin, meş û grev li gelek bajaran pêk tên. Li gorî nûçeyên herêmî, bi dehan kes hatine girtin û tê gotin ku li Fasa û Kuhdeştê xwepêşander hatine kuştin.

10:47

Federasyona Navneteweyî ya Rojnamevanan (IFJ) ragihand ku di sala 2025’an de 128 rojnamevan li seranserê cîhanê hatine kuştin û 533 rojnamevan jî girtî ne.

10:24

Hat diyarkirin ku xwendekara zanîngeha Tehranê Sarîra Karîmî, ji aliyê Yekîneyên Îstîxbaratê ve hatiye girtin.

10:21

Li Tûnisê di warê mafên jinan û qada civaka sivîl de, di sala 2025’an de zext zêde bûn xebatên komeleyan hatin rawestandin lê aktivîstên jin tevî girtin û şîdetê jî têkoşîna ji bo parastina mafên jinan didomînin.

10:15

Rojnamevan Bêgerd Mihemed Heme anî ziman ku jinên Kurd bi biryardariya xwe dengê têkoşîna azadiyê bi dinyayê dane bihîstin.

09:38

Li Îranê jinên debara wan kêm, li nexweşxaneyên dewletê, ne tenê rastî kêmaniya xizmeta tibî tên, di heman demê de barê giran ê cudakarî û newekheviya civakî li ser milên wan e. Ev yek bi awayekî cidî tenduristî û rûmeta wan dixe xeterê.

08:33

Jinên li taxên Eşrefiyê û Şêx Meqsûd ên Helebê û herêma Dêrazorê ya Bakur û Rojhilatê Sûriyeyê dijîn, hêvî kirin ku sala 2026’an ewlehî û aştiyê bîne.

07:38

Rêvebera Komeleya Mafên Mirovan a Sûriyeyê Evîn Cumaa ragihand ku di sala 2025’an de bi sedan binpêkirinên sîstematîk ên li dijî jinan hatine belgekirin. Evîn Cumaa got, "Bêdengî hevkarî ye, medya duyemîn artêşa parastina mafên civakê ye."

07:15

Kesayeteke aram, xweşik û sade. Milîtana Apoyî Cahîde, gelek ji xwezayê hez dike. Pir baş dizane çawa bijî, lewra bersivên gelek rast dide çawa mirov bijî û bide jiyîn. Ji ber xwe gihandibû wateyê, dizanî jiyan, kesayet û hevaltiya xwe jî watedar bike.