rojane

18:44

Dadgeha Amedê di çarçoveya lêpirsîna Narîn Gûran de, bi hinceta ku parvekirinên li ser medyaya civakî dibin sedema "hêrsa gel" û bandorê li ser zarokan dikin, biryara astengkirina 99 hesaban da.

15:50

Lijneya Disîplînê ya Zanîngeha Hunerê ya Îranê bi biryarekê herî kêm 35 xwendekar ji 2 heta 4 heyaman ji mafê perwerdehiyê bêpar hişt, lê belê sedemên van cezayan û navên xwendekaran hîn nehatine eşkerekirin.

15:34

Li gorî texmînên UNICEF'ê di du hefteyan de, ji ber pêleke nû ya zêdebûna aloziyê zêdetirî 60 hezar zarokên Yemenî neçar mane malên xwe bihêlin. Rêxistinê piştrast kir ku nûbûna şer û pevçûnan bûye sedem, bi hezaran malbat birevin.

15:25

Dozgeriya Manhattanê 36 berhemên dîrokî yên bihayê wan ji 5 mîlyon dolarî zêdetir e, radestî Sûriyeyê kirin. Di nav de nepixandineke 450 kîloyi ya Palmîrayê jî heye.

14:26

Hat ragihandin ku Dadgeha Bilind a Îranê daxwaza ji nû de darizandina girtiya siyasî Arhavan Felahî ku li Girtîgeha Evînê ye, qebûl kiriye, lewma bicihanîna cezayê darvekirinê hatiye rawestandin.

11:38

Komîsyona Taybet a Meclîsa Neteweyî ya Fransayê pêşnûme yasaya têkildarî têkoşîna li hemberî tundiya zayendî ya li dijî jinan û zarokan erê kir. Pêşnûme dê 1’ê Cotmehê li Civata Giştî bê nirxandin.

11:16

Li gorî daneyên Çavdêriya Mafên Mirovan a Sûriyeyê, ji destpêka salê ve di 379 tawanên kuştinê de 325 mêr, 56 jin û 32 zarok hatine kuştin. Heleb di rêza yekem de ye û malbatên qurbaniyan daxwaza pêkanîna dadmendiyê dikin.

10:59

Dadgeha Şoreşê ya Ehwazê bi îdiaya "çalakiyên sîberî", bi giştî 45 sal ceza da 9 jinên Ereb. Dadgehê ragihand ku ceza bi şerta tevlîbûna "dewreyên mecbûrî yên îdeolojîk" dikare dakeve salekê.

10:53

Jinên qeyîkvan ên Îranî di Lîstikên Asyayê yên Nagoyayê de madalyayên zêr û zîv girtin. Zeyneb Norouzî û Kîmya Zareî di pêşbirka rakirina sivik a jinan a duqatî de medalyaya zêr, Fatemeh Mocellal di pêşbirka rakirina sivik de medalyaya zêr girt.

09:56

Xwediya Goberokê ku cihê çêkirina xişrên Kurdewar e, Botan Omer têkildarî berhemên ku çêdike got ku bi riya Goberokê, çand û nasnameya xwe ya neteweyî bi jinan û nifşê nû dide nasîn û da zanîn ku armanca wê ew e çanda Kurd her dem zindî bimîne.

21:17

Ji bo cangorî Bêrîtan Çelê ya ku di 29’ê Sibata 2024’an de li Şengalê şehîd bûbû, ji aliyê Saziya Malbatên Şehîdan a Şengalê ve merasîmeke hat lidarxistin.

16:00

Endama Heyeta Îmraliyê û parlamentera DEM Partiyê Pervîn Buldan, di serdana xwe ya ji bo Dayîkên Aştiyê de anî ziman ku pêşengiya herî mezin a têkoşînê jin û dayîk dikin û got, "Silavên Birêz Ocalan ji hemû dayîkan re hene.”

15:44

Hemwelatiya Bahaî Romîna Golî, 5 sal 7 meh û 16 roj cezayê girtigehê xwar û cezayê bêparmayîna 10 salan a ji mafên xwe yên civakî hate dayîn.

15:41

Di navbera vekirina deriyê namzediyê û gihandina pozîsyonên biryardanê de, jinên xwedî pêdiviyên taybet hê jî bi pirsên wek: Tevlêbûna hilbijartinê çawa dikare veguhere hebûnek siyasî ya berdewam? Beşdarbûna rastîn hewce dike ku astengiyên ku pêşî lê digi

15:12

Li Îranê tevî vebûna dibistanan, xwendekar û malbat bi nîgeraniyên ewlehiyê yên ji ber şer, qeyrana aborî û astengiyên perwerdeya serhêl re rû bi rû ne; ev rewş dibe sedema zêdebûna devjêberdana dibistanê û nezelaliya li pêşeroja zarokan.

13:21

Welatiyên li Mexribê ji bo hilbijartina hikûmeta nû diçin ser sindoqan. Hilbijartin di demekê de pêk tên ku krîza koçberiyê û nerazîbûnên ciwanan derketine pêş, her wiha tê şopandin ku tenê 15,8 milyon kes li ser lîsteya dengdêran hatine tomarkirin.

12:38

Li paytext Bexda ya Iraqê, çalakiya Înîsyatîfa ‘Ji fikirê ber bi projeyê’ ku armanc dike destek bide karsazên jin, ramanên wan veguherîne projeyên domdar, beşdariya wan a aborî zêde bike û derfetên kar biafirîne, bi merasîmekê bi dawî bû.

12:13

Kampanyaya "Dadwerî-Jin" li Sûdanê bang kir ku mijarên têkildarî jinên xwedî pêdiviyên taybet di siyasetên jinan de cih bigrin û beşdariya a li biryardanê bê mîsogerkirin. Kampanyayê tekez kir ku aştiya dadperwer hewceyî dadweriya berfireh e.

10:25

Kordofana Bakur şahidiya zêdebûna aloziyên ewlehiyê dike. Rewşeke ku bûye sedema koçberiya girseyî ya ji bajarokê Um Badirê. Di nava sê rojan de 3 hezar û 650 kesan berê xwe dane riya koçberiyê.

09:27

Ji parêzerên Buroya Hiqûqê ya Asrinê Raziye Ozturk, diyar kir ku pirsgirêka Kurd tenê bi bêçekkirinê çareser nabe û got ku divê statuya Rêberê Gelê Kurd Abdullah Ocalan bigihîje bingeheke hiqûqî û derfetên siyaseta demokratîk werin avakirin.