rojane

20:31

Hevşaredara Cizîrê ya berê û aktîvîsta TJA'yê Berîvan Kutlu, ji aliyê bi hezaran rêhevalên xwe û welatiyan ve hate definkirin.

18:28

Meclîsa Jinan DBP'ê, rapora xwe ya têkildarê atolyeya "Bîrdoziya Rizgariya Jinan" a ku li gelek bajaran li dar xist, aşkere kir û got: "Li 25 bajaran 130 atolye hatin lidarxistin û 3 hezar 55 jin tevlî atolyeyan bûn.”

18:24

Li gorî daneyên Komîsyona Bilind a Serbixwe ya Hilbijartinan a Iraqê, di hilbijartinên parlementoya Iraqê ya 11’ê Mijdarê de, 12 milyon deng hatine bi karanîn. Li herêma Federe ya Kurdistanê li sê bajaran rêjeya jinên deng dane giha ji sedî 45’an.

17:51

Di çarçoveya çalakiyên 25’ê Mijdarê li Meclisa Gel a Şengalê li ser girîngiya rojê ji hêla Akademiya Jineolojiyê ya Şengalê ve semînerek ji bo mêran hat dayîn.

14:12

Girtiyên li 54 girtîgehên Îranê, di çarçoveya kampanyaya ‘Sêşeman na ji darvekirinan re’ çalakiya xwe greva birçîbûnê didomîn in. Kampanyayê diyar kir ku darvekirin bi lez didomin û banga çalakiyê li hemû kesê kir.

13:40

Înîsiyatîfa Civakî ya Ji Bo Zimanê Kurdî, ji bo daxwazên Gelê Kurd ên derbarê zimanê Kurdî de bi beşdariya zêdetirî 750 saziyan deklarasyoneke parve kir û got: "Zimanê kurdî bila bi awayekî fermî bê nasîn û bibe xwedî statu."

13:25

Kongra Star li bajarê Kobanê semînerek li ser roja 25’ê Mijdarê birêxistin kir ku têkoşîna jinan ya li dijî tundiyê girt dest.

13:19

Hat ragihand ku ji sala 2019'an û vir ve ji 90 gorên komî 74 gor hatin vekirin.

13:14

TJK-E di daxuyaniya xwe de got: “Li hemberî her cure tundiyê em ê têkoşîna xwe mezin bikin. Di serî de jin em bang li civaka xwe dikin ku bi xurtî beşdarî çalakiyan bibin ku bernameya wan li jêrê hatiye diyarkirin."

12:02

Polîsan li Wanê bi ser pêşengeha wêneyan a “Jinên ku jiyan tevli dîrokê kirine” de girt û dest danîn ser wêneyan.

10:48

Zarokên li Rojhilat her ku diçe zêdetir berê xwe didin naveroka dîjîtal, ev yek jî metirsiya balkişandin, vekişîn û pirsgirêkên tenduristiya laşî zêde dike. Pispor dibêjin pir girîng e ku malbat dema zarokan a li ber ekranan sînordar bikin.

10:19

Li Îran û civakên ku mêr serwer de regl hê wek şerm tê dîtin. Jin neçarin pêwîstiyên bingehîn ên wek ped ê bi hijyen, veşartî bigrin. Ev ped di refên veşartî ên marketan de cih digrin û gelek jin pedan di poşetên reş û girtî de digrin.

09:25

Piştî ku El Faşêr ket bin destê Hêzên Piştgiriya Lezgîn, li herêma nêzî wê Tawîlayê, trajediya mirovî zêde bû. Bi hezaran kesên ji cihên xwe bûne bê cih û xwarin dijîn. Jin û zarok rastî binpêkirinan tên.

08:51

Li Yemenê ku salên dirêj e bi gelek qeyranan re têdikoşe, şîdta dîjîtal bi taybetî ji bo jin û zarokên keç mîna yek ji gefên herî xeternan e. Ev gef, ji ber binesaziya qanûnî ya qels, nebûna hişmendiya civakî û tirsa demxekirinaa mexdûran, zêdetir dibe.

08:17

TAJÊ bi dirûşma ‘Tundiya li ser jinan qirkirina civakê ye’ starta çalakiyên xwe yên 25’ê Mijdarê da û diyar kir ku ew ê bi felsefeya Jin Jiyan Azadî têkoşînê bilind bikin û nehêlin careke din bi tu awayî fermanên nû werin jiyîn.

07:17

Endama Konseya Serokatiyê ya Meclîsa Sûriyeya Demokratîk Şêra Osê, tekez kir ku temînata çareserkirina krîza Sûriyeyê ne navendîbûn, bihevrebûna cudahiyan e û got ku temsîla jinan ji sedî 50 di warên biryardayînê de girîng e.

21:04

Doza Saida El-Alamî, ku çend roj beriya rûniştina temyîzê li Girtîgeha Okasha dest bi greva birçîbûnê kir, nîqaşa li ser nebaşiya azadiya derbirînê û mekanîzmayên parastinê li Mexribê ji nû ve vejand.

19:46

Di çalakiyên bi boneya 25’ê Mijdarê de dîroka tundiya li ser jinan û rêbazên têkoşînê hatin vegotin.

19:21

Aktivîsta TJA'yê û Hevşaredara Cizîrê ya berê Bêrîvan Kutlu ya ku li nexweşxaneyeke Edeneyê ji ber nexweşiya penceşêrê dihat dermankirin, jiyana xwe ji dest da.

16:14

MED TUHAD-FED û TUAY-DER’ê di çarçoveya 25’ê Mijdarê de li gelek bajaran daxuyanî da û xwestin ku her kes bibe dengê girtiyên jin.