rojane

17:44

Bi boneya 12'emîn salvegera Jenosîda Şengalê, Hevgirtina Jinên Demokratîk li Rojhilata Navîn û Bakurê Efrîqayê (NADA) daxuyaniyek da û banga naskirina jenosîdê, darizandina sûcdaran û parastina mafên gelê Şengalê hate kirin.

17:19

Dayîkên Şemiyê di hefteya 1114’emîn de doza Mehmet Ertak ê ku di sala 1992’an de li Şirnexê di binçav de hatibû windakirin anîn rojevê. Tevî hemû şahid, belge û biryara DMME’yê jî bal kişandin ser domandina bêcezatiyê û daxwaza edaletê kirin.

15:53

Gefên darvekirinê li Îranê ku jin, zarok, ciwan û mele her kes pê re rûbirû dimînin ji aliyê Pasdarên Şoreşê ve fikarên li ser binpêkirinên mafên mirovan ên berdewam li Îranê, zêde kirine.

15:46

Ji ber guherîna avhewayê qadên şewatên daristanan berfireh dibin; WHO hişyar dike ku dûmana jehrîn a van şewatan li seranserê bajaran û welatan belav dibe, kalîteya hewayê xera dike û gefeke cidî li ser tenduristiya bi mîlyonan kesan çêdike.

15:33

RÊPAK’ê, bultena xwe ya meha Tîrmehê ya li ser rewşa hiqûqî ya jinan weşand. Di bultenê de wiha hat gotin: “Têkoşîna jinan li seranserê cîhanê xurttir bûye. Daxwazên ji bo maf û azadiya civakî, zêdetir bûn. Jin daxwaza edaletê dikin.”

15:27

Li gorî rapora Navenda Çavdêriya Mafên Mirovan a Sûriyeyê (SOHR), di meha Tîrmehê de li herêmên cuda yên welat herî kêm 231 kes ku piraniya wan sivîl bûn, hatine kuştin. Rêxistinê bal kişand ser lawaziya rewşa ewlehiyê û banga parastina sivîlan kir.

14:37

Demsala baranê li Yemenê bû sedema karesatê. Li wîlayeta Amranê di encama lêdana birûskê de dema ku çalakiyeke civakî hebû, 4 jinan jiyana xwe ji dest da û 12 kes jî birîndar bûn. Ev yek jî metirsiya mezin a xisûsên hewayê li herêmê careke din nîşan dan.

13:49

Li parêzgeha Gulistanê ya Îranê, ji ber bilindbûna germahiyê, kêmbûna baranê û kevinbûna binesaziyê krîzeke giran a ava vexwarinê derketiye holê. Rayedar diyar dikin ku parêzgeh niha bi kêmasiya hezar û 200 lître av di saniyeyê de dijî.

13:26

Komîsyona Jinan a KNK’ê bi boneya salvegera Jenosîda Şengalê daxuyaniyek da, bal kişand ser qirkirina çandî û fîzîkî ya li ser jinên Êzidî û li ser girîngiya xweseriyê ji bo ewlehiya pêşeroja herêmê.

13:15

Bi nêzhatina 12’emîn salvegera fermana 3’ê Tebaxa 2014’an bi pêşengiya TAJÊ li Şengalê gelek çalakî tên lidarxistin. Ji koordînasyona TAJÊ Ferîda Şengalî behsa çalakiyan kir û tekez kir ku dê jinên Êzidî nehêlin ferman were jibîrkirin.

12:49

Bajarê Ceutayê bi pêleke koçberiyê ya herî mezin a dîroka xwe re rûbirû ma; di nava pevçûn û zextên ewlehî de 61 koçberan jiyana xwe ji dest da, bi hezaran kes di bin şert û mercên dijwar de sînor derbas kirin.

12:36

Hejmara nû ya rojnameya “Newaya Jin” a meha Tebaxê, bi dosyaya xwe ya li ser çareseriya demokratîk, dîroka têkoşînê û xweparastinê hat weşandin.Rojname di vê hejmarê de balê dikişîne ser girîngiya rûbirûbûna pirsgirêkên 100 salî û têkoşîna rizgariya jinan

11:30

10:43

Bi zêdebûna êrîş û tundiya li ser jinan, Meclîsa Îştar li Wargeha Penaberan a Mexmûrê daxuyaniyek da û hat destnîşankirin ku bêyî azadiya jinan civak azad nabe, bang li jinan hat kirin ku li dijî tundî û bêmafiyê bibin yek.

09:14

Analîsta siyasî Lara El-Haşim da zanîn ku aloziya ku Lubnan tê re derbas dibe pirsan li ser mekanîzmaya "Herêmên ceribandinê" li başûr derdixe holê, ku di navbera hêviyên kêmkirina aloziyê û tirsa ji aloziyê de asê mane.

08:25

Parêzer Cansu Şekercî ya ku pêşniyara guhertina Qanûna Parastina Zarokan nirxand, diyar kir ku rêzikname li şûna mafên zarokan, polîtîkayên cezayê dide pêş û got ku ev pêşniyar dê pergala edaletê ya zarokan hêj cezakartir bike.

08:00

Çalakvana mafên mirovan Parêz Omer û Hevseroka KNK’ê Zeyneb Murad di salvegera jenosîda 3’yê Tebaxê de destnîşan kirin ku divê li şûna xeyala koçberiyê, xeyala berxwedan û xweseriyê were xurtkirin.

17:48

Berdevka DEM Partiyê Ayşegul Dogan destnîşan kir ku pêvajo ne yek alî ye. Divê mutabakateke hevpar pêk were. Ji bo wê jî divê helwesteke yek alî nebe. Pêvajo divê li gor ruhê pêvajoyê bibe. Ji bo wê jî divê li gor muzakereyê be.

16:07

Li parêzgeha Bomerdes a rojhilatê Cezayîrê, di encama qelibandina otobusek de 25 kes mirin û 44 kes jî birîndar bûn. Xebatên rizgarkirinê û lêkolîna sedema qezayê berdewam dike.

15:53

TJK-E bi boneya salvegera Komkujiya Şengalê ya 3’ê Tebaxê bi bîr xist ku çarenûsa nêzîkî 2hezar û 700 jin û zarokên Êzidî nayê zanîn û bernameya çalakiyên ku dê li Ewropayê di salvegera komkujiyê de werin lidarxistin eşkere kir.