rojane

20:01

Çavdêriya Mafên Mirovan a Sûriyeyê (SOHR), ragihand ku di 72 saetên dawî de li seranserê welat jin û zarok jî di nav de 13 kes mirine. Ev mirinan, ji ber kuştinên bêserûber, bermayiyên şer û pirsgirêkên ewlehiyê hatin jiyîn.

15:58

Bikaranîna gelek rêbazên lêkolînê yên nû rê li ber têgihîştineke kûrtir a gora Tutankhamun vekiriye. Zanyar destnîşan dikin ku li pişt dîwarên vê gorê odeyên veşartî hene û ev yek îhtîmala ku gora windabûyî ya Şahbanû Nefertîtî li wir e, gelekî xurt dike.

15:32

Di roja sêyem a Lîstikên Asyayê yên Aichi-Nagoya ya 2026’an de, werzişvanên jin ên Îranê di branşa qereteyê de di kategoriyên kata tîmî û kumiteya kesî de du madalyayên zîv qezenc kirin.

15:20

Berdevka DEM Partiyê Ayşegul Dogan da xuyakirin ku desteyên li qadan ji bo bêçekkirinê dixebitin, got ^Em li bendê ne ku di rojên pêş de pêşketinên girîng çêbin” û bal kişand ser başkirina şert û mercên Rêberê Gelê Kurd Abdullah Ocalan.

14:29

Li bajarê Qamişloyê gelê Rojavayê Kurdistanê di mitînga li dijî biryara hikûmeta demkî ya sînorkirina zimanê Kurdî de peyama “Ev biryareke desthilatdar e û dixwaze vî gelî bi yek reng û yek zimanî bi rêve bibe. Lê em dê destûr nedin vê yekê” hat dayîn.

13:26

30 Rêxistinên Mafên Mirovan li ser 63’emîn civîna Konseya Mafên Mirovan a NY banga tevgereke lezgîn kirin û diyar kirin ku Îran darvekirinê weke amûrekî terorê li dijî muxalif û xwepêşanderan bi kar tîne.

12:56

Meclîsa Tenduristiya Karkeran û Ewlehiya Kar a Tirkiyeyê (ÎSÎG) ragihand ku di navbera Îlona 2025 û Tebaxa 2026’an de 95 zarokan di dema xebatê de jiyana xwe ji dest dane.

12:42

Di demekê de ku li Îranê hejmara darvekirinan gihiştiye herî kêm 448’an û cezayên giran li çalakvan û xwendekaran tên birîn, kampanyaya girtiyan a ‘Sêşema na ji darvekirinê re’ gihişt hefteya 139’an û li 64 girtîgeham belav bû.

11:10

Di 63'yemîn runiştina Encûmena Mafên Mirovan a NY de hat eşkerekirin ku hêzên Îranê li Îranê gule li xwepêşander û zarokan reşandine. Li ser qirkirin û binpêkirina mafên jinan, bangên lezgîn ên hesabpirsînê hatin kirin.

10:49

Tora Yemenî ya Maf û Azadiyan, ji sala 2014'an vir ve zêdetirî 278 hezar binpêkirinên ku ji aliyê Hûsiyan ve li dijî sivîlan hatine kirin, belge kirine. Di nav de kuştina zêdetirî 1600 jin bûn û birîndarbûna bi hezaran jinan.

21:34

Çalakiya Nobetê ya li wargeha penaberan a Mexmûrê ku ji bo mîsogerkirina azadiya fîzîkî ya Rêberê Gelê Kurd Abdullah Ocalan hatibû destpê kirin, bi dewirgirtina koma 221’an, di roja xwe ya hezar û 160’an de didome.

16:13

Aktivîstên jin ên Xezayê, di demek ku Komîteya Neteweyî ya Parastina Mafên Girtiyên Filistînî dest bi kar kir de, banga çalakiyên navneteweyî yên ji bo parastina jinên girtî kirin.

14:27

Jinên ku banga bi sernavê ‘Em Bi Hev Re Li Ser Pêşerojê Diaxivin’ îmze kirine, ragihandin ku dê di navbera 31’ê Cotmehê û 1’ê Mijdarê de li Enqerê konferansa aştî û demokrasiyê li dar bixin.

13:50

Li Taizê, di salvegera kuştina akademîsyen û rêveber Îftehan el-Meşherî de bîrdariyek hate vekirin; hate destnîşankirin ku ew bi têkoşîn û wêrekiya xwe bûye mîrateyeke zindî ji bo jinên Yemenî.

13:34

Cîgira karûbarên rêvebirinê û mamosteya zimannasiyê Hîva Mihemed Elî bal kişand ser biryarên hikûmeta demkî yên li ser ziman û diyar kir ku divê zimanê Kurdî di hemû qadên jiyan û zanistê de bibe zimanê perwerdê.

11:49

Buroya Hiqûqê ya Asrinê aşkera kir ku gotinên provokatîf û polîtîkayên nijadperest ên li ser Îmraliyê, rasterast aştiyê û rûmeta gelê Kurd hedef digirin.

11:16

Li bajarê Qamişlo yê, Akademiya Lêkolînên Zanistî têkildarî girîngiya parastina zimanê dayîkê daxuyaniyek da. Di daxuyaniyê de tê diyar kirin ku zimanê Kurdî bingehê sereke yê nasnameya çandî û hebûna neteweyî ya gelê Kurd li Sûriyeyê ye.

10:01

Daîreya Îstîxbaratê ya Şîrazê di çarçoveya zextên li ser bawermendên Baheyî de bi ser malên çend kesan de girt, gelek tiştên ferdî desteserkirin û pênc kes birin navenda binçavkirinê ya Pelaak 100.

08:53

Ji bilî fêrbûna li dibistanê, zarokên bi Sendroma Downê hewceyê lîstik û hawirdoreke taybet in. Arîna Soran ku bi xwişka xwe Arya re jiyanek hevpar dimeşîne, daxwaz dike ku ji bo van zarokan navendeke pispor a çar demsalî bê avakirin.

20:52

Yekîtiya Jinên Sûdanê bi daxuyaniyekê bal kişand ser binpêkirinên li dijî jinên di nava xebatên sivîl û çapemeniyê de cih digirin û daxwaza berdana jinên girtî kir. Yekîtiyê got, "Rûmeta jinên Sûdanê ne mijara nîqaşê ye.”