rojane

15:16

Komeleya Maf û Edaletê ya li Mexrîbê bal kişand ser kêmasiyên Qanûna 103.13 û banga reformên saziyî û yasayî yên ji bo parastina jinan kir.

15:05

Li Yemenê aloziya leşkerî bû sedema koçberkirina zêdetirî 197 hezar kesan. Rayedar hişyariyê didin ku li gel valahiya alîkariyê, belavbûna nexweşiyên şewbê nava kampan rîska karesateke mezin zêde dike.

14:34

Di navbera salên xebatê û li benda karên daîmî de, rojnamevanên jin ên Tûnisî yên li "Dar Labras" xwe bi tirsên nû yên bê aramiya pîşeyî re rûbirû dibînin. Ev yek bû sedem ku dest bi çalakiya rûniştinê bikin.

13:40

Kovara Nîsan bi hejmara xwe ya nû gihişt ber destê xwendevanan. Di hejmara nû de destkeftiyên ku bi rizgarkirina Şengalê re hatine afirandin û pîrozbahiyên li dora quban, girîngiya xwerêxistinkirin û xweparastina jinên Êzidî hatine destgirtin.

11:15

Yasaya nû ya Kalîforniyayê sazûmaniya berê ku rê dida kesên di bin 18 salî de bi razîbûna dê û bavan bizewicin rakir û temenê herî kêm ji bo zewacê û qeydkirina yekîtiya sivîl li eyaletê weke 18 salî hat diyarkirin.

10:56

Di êrîşên hewayî yên Pakistanê de ku deverên niştecîbûnê yên li parêzgehên Kunar û Helmandê kiribûn armanc, 9 kes hatin kuştin û 11 kesên din jî birîndar bûn.

10:48

Bi amadebûna jinên destrengîn, mîhrîcana behemên destan û xwarinên kurdewarî li Parka Azadî ya bajarê Silêmaniyê dest pê kir û dê dahata mîhrîcanê ji bo Nexweşxaneya Hiwa ya li Silêmaniyê were bexşkirin.

08:35

Komeleya Dema Jinan ku li Stenbolê xebat dimeşîne, xebatên xwe yên ji bo jinên Kurd ên li bajêr bikaribin di têkoşîna li dijî tundiyê de bi zimanê Kurdî xizmetê bigrin, didomînin. Komele amadekarî dike ku rapora amade kiriye pêşkêşî Meclîsê bike.

08:25

Jinên Êzidî dibêjin “divê Şengal û civaka Êzidî ji aliyê hêzên xwe yên parastinê ve bên parastin” û ji bo naskirina nasnameya Êzidiyan û Şengalê biryardariya xwe ya tekoşînê tînîn ziman.

08:00

Berdevka Navenda Lêkolînan a Zimanê Kurdî ya Zanîngeha Rojava Mizgîn Hesen da zanîn ku ji Wezareta Xwendina Bilind a Sûriyeyê re daxuyaniya amadebûna xwe ya bo wergerandina materyalan a ji bo Kurdî ragihandine, lê heta niha ti bersiv negirtine.

18:18

Li Şengalê bi beşdariya civaka Êzidî civînek hate lidarxistin. Tê de peyama Abdullah Ocalan a li ser YBŞ'ê û nîqaşên li ser pêvajoya entegrasyona bi Iraqê re hatin nirxandin, her wiha hate tekezkirin ku ew ê tu caran daxwaza teslîmkirina çekan qebûl nekin

17:26

Helbestvan û çîroknivîsa Ozbek Şehzade Semerkandî, ji bo Xelata "Baştirîn Nivîskara Jin a Nifşekê" ya weşanxaneya Brîtanî Hertfordshire Pressê ve weke namzet hate nîşandan. Merasîma xelatdayînê dê di Kanûna 2026’an de li Brîtanyayê were lidarxistin.

15:55

Konsera ku biryar bû koma muzîkê ya Lianê li Ehvazê bide, ji ber daxwaza dûrxistina muzîkjenên jin ji ser dikê hat betalkirin. Serokê komê Mohsen Şerîfiyan bi gotina "Ez derxistina hunermendên jin qebûl nakim" helwesta xwe nîşan da.

15:40

UNICEF’ê bi rapora xwe ya nû rewşa xirab a zarokên li Lubnanê eşkere kir. Li gorî raporê, ji bilî mirin û birîndarbûna bi sedan zarokan, ji sedî 80’ê malbatan di nava qeyraneke giran de ne û bi xetereya birçîbûn û bêparbûna ji perwerdeyê re rûbirû ne.

15:25

Li Îranê sala akademîk bi aloziyê dest pê kir. Xwendekarên Zanîngeha Xwaja Nasir Tûsî dema serdana zanîngehê kirin, dîtin ku ketina wan a kampûsê hatine qedexekirin.

14:48

Weqfa Aştiyê di beriya vekirina Meclîsê de xwest ku îradeya siyasî veguhere rêziknameyeke yasayî û Komîsyona Şopandinê bê avakirin.

13:14

Li Yemenê, ji ber têkçûna pergala tenduristiyê û nebûna paqijiyê, li kampên koçberan xetera belavbûna kolerayê zêde dibe. Rêxistina Tenduristiyê ya Cîhanê (WHO) hişyariyeke lezgîn dide.

11:30

Fatimê Zehra Mansûrî piştî kariyerek ku ji hiqûq û karên herêmî ji Markeşê bigre heta parlemento û wezaretê, wek yekem jina ku erka serokatiya hikûmetê girtiye, ket dîroka Mexrîbê.

11:27

Seyên avî yên Xezerê tekane seyên li Deryaya Xezerê tên dîtin in û di Lîsteya Sor a IUCN’ê de wekî ajalên di bin xeterê de cih digrin. Hejmara seyên avî yên Xezarê li peravên Mazandaranê mirin bû 32.

09:29

Di ser mirina Rojîn Kabaîşa ku cenazeyê wê 18 roj piştî windabûna wê hate dîtin re du sal derbas bû. Jinên Wanî, bertek nîşanî nedîtina kiryaran dan û pirsîn, "Gelo çima kiryarên Rojîn tên parastin?"