rojane

15:12

Hat ragihandin ku hejmara kesên ji 2023’an ve heta niha di êrîşên Îsraîlê yên li dijî Zîvala Xeza de jiyana xwe ji dest dane gihîştiye 73 hezar û 333’an.

15:01

Hevseroka Giştî ya DEM Partiyê Tulay Hatîmogullari diyar kir ku divê di qanûnê de şert û mercên birêz Ocalan bên bicihanîn, bikaribe bi awayekî azad pêvajoyê bi rê ve bibe, bi hemû beşên civakê re hevdîtinan bike.

14:30

Li gorî rapora rêxistina mafên mirovan Rawadarî, di navbera Kanûna 2024 û Hezîrana 2026’an de di êrîşên leşkerî yên Pakistanê li ser Efganistanê de herî kêm hezar 187 sivîl hatine kuştin gelek kes jî birîndar bûne.

14:21

Li Îranê, di rojên dawî de girtin, cezayê girtîgehê û darvekirin zêde bûne, hunermendê Kurd Mehdî Tavakkolî, dayîk û xwişka xwe, di encama gulebaran Muhafizên Şoreşê de jiyana xwe ji dest dan.

13:50

Parlamentera DEM Partiyê Halîde Turkoglu bi pirseke parlemanî bal kişand ser "sineta jinan" û xwest Wezareta Malbat û Xizmetên Civakî derbarê vê îşkenceyê de helwesta xwe diyar bike.

12:19

Kampanyaya ‘Sêşema na ji darvekirinan re’ diyar kir ku di sala 2026’an de 303 kes hatine darvekirin û hat gotin ku hikûmeta Velayet-i Fakih a kapîtalîst her roj darvekirina welatiyan didomîne.

11:11

Komek çekdar êrîşî gundek li Nîjeryayê kir. Di êrîşê de 8 jê zarok, herî kêm 30 kes hatin qetilkirin. Heta niha kesî berpirsyariya êrîşê negirtiye ser xwe.

09:08

Jinên Tûnisê ji meşên destpêkê yên li kolanan ên ji bo mafê tevgerê heya qanûnên parastinê yên serdema nû, bi têkoşîneke rêxistinkirî rûpelên dîrokê nivîsandin. Wan nîşanî her kesî dan ku maf nayên dayîn, bi xwêdan û îradeyê tên stendin.

08:23

Dayîka Hewşan Mustefa yek ji stûn û hafîzeyên civaka resen a Kobanê ye. Hewşan dibêje ku ji serdema dayîk û dapîrên xwe ve bajarê wan bi navê Kobanê tê nasîn ku bi temamî warê Kurdan e.

08:00

Dayê Gewrê Emîr di Fermana Şengalê de kurê xwe, birayê xwe û dayîka xwe winda kiriye. Niha nizane ka ew sax in an mirî ne û daxwaza “Ger sax bin bila wan bighînin me, ger mirî bin bila hestiyên me bidin me”dike.

21:05

Hêzên îstîxbarata Îranê li ser rêya Merîwan-Banê êrîşî ser wesayîta wênekêş û çalakvan Mehdî Tewakkolî kirin. Di êrîşê de Tewakkolî ligel dayik û xwişka xwe jiyana xwe ji dest dan.

18:40

18 saziyên jinan ên Sûriyeyê, nameyeke hevbeş ku tê de behsa rewşa jinan, rewşa aborî, edalet û şert û mercên li welat tê kirin, pêşkêşî Sekreterê Giştî yê Neteweyên Yekbûyî (NY) kirin.

18:28

Li gorî daneyên fermî yên Brezîlyayê, di 6 mehên ewil ên sala 2026’an de 741 jin ji aliyê mêran ve hatine qetilkirin.

18:12

Li Komara Demokratîk a Kongoyê, hejmara kesên ku ji ber şewba Ebolayê jiyana xwe ji dest didin zêdetir dibe. Rêjeya mirinê derket ji sedî 43.9ê û rayedar ji ber bûyerên nehatine tespîtkirin û astengiyên li pêşiya kontrolkirina şewbê, bi fikar in.

15:58

Şerê di navbera artêşa Sûdanê û Hêzên Piştgiriya Lezgîn (RSF) de ku ji Nîsana 2023'an ve dewam dike, berê xwe da herêmên Kordofan û Darfûrê.

15:24

Di semînera ku ji aliyê TAJÊ ve hat lidarxistin de daxwaza azadkirina dîlgirtiyên Êzidî hat kirin û wiha hat gotin: “Ji bo ku ev dîlgirtî vegerin ser axa xwe, kes nabe alîkar. Ne hikûmet dibe alîkar, ne hêzên navnetewî.”

14:31

Parlamentera DEM Partiyê Gulistan Kiliç Koçyîgît diyar kir ku ew di merheleyeke dîrokî ya Pêvajoya Aştî û Civaka Demokratîk de ne û got: "Qanûna çarçoveyî ne encamek e, berevajî vê gava ewil a destpêkek nû ye."

13:16

Di çarçoveya lêpirsîna windabûn û kuştina Gulîstan Doku ya li Dêrsimê di sala 2020’an de, li 15 parêzgehan operasyonek berfireh hat lidarxistin û ji bo 19 gumanbaran fermana girtinê hat dayîn.

11:17

Li gorî SOHR’ê, ji destpêka salê ve li Sûriyeyê ji ber bermahiyên şer û mayînan 553 kes jiyana xwe ji destdane. Saziyê bal kişand ser wê yekê ku herî zêde zarok, cotkar û şivan zirarê dibînin û bang li rêxistinên navneteweyî kir ku qadan paqij bikin.

11:03

Li wargeha penaberan a Mexmûrê duh di bin pêşengiya Weqfa Jin û Meclîsa Jinên Ciwan û her wiha bi tevlîbûna sazî û şêniyên wargehê, komxebata sernavê ‘Li dijî zewaca di temenê biçûk de’ hate lidarxistin.