rojane

11:39

Bi nêzbûna 10’ê Cotmehê, roja cîhanî ya li dijî cezayê darvekirinê, 87 rêxistinên mafên mirovan û saziyên civaka sivîl banga rawestandina hemû cureyên darvekirinên li Îranê kir.

10:06

Çavdêriya Mafên Mirovan a El Cezîre înfazên girseyî yên bêdarizandin ku li herêma Umm Bedir a Eyaleta Kordofan a Bakur bûne sedema mirina 23 sivîlan, kir rapor û diyar kir ku ev kiryar binpêkirinek giran a hiqûqa mirovî ya navneteweyî ye.

09:03

Li Efganistanê bi vegera Talîbanê re tundî û bûyerên kuştina jinan gihîştin asta herî jor. Ev rapora ku bûyerên dawî radixe ber çavan, nîşan dide jin ji mafên xwe yên bingehîn bêpar in û bi metirsiya kuştin, xwekujî û zextên sîstematîk re rûbirû ne.

15:34

Sager Muradî, di kategoriya jinan a di bin 67 kg de li hemberê Ozoda ya ji Ozbekistanê biser ket û bû yekem jina Îranî ku di dîroka Lîstikên Asyayê de madalyaya zêr bi dest xist.

15:06

Ji ber xirabûna rewşa ewlehî û mirovî ya li herêma Nîla Şîn a başûrê rojhilatê Sûdanê, nêzî 7 hezar kes ji nû ve ji cih û warên xwe bûn. Hate diyarkirin ku bi deh hezaran kes bi xetereya birçîbûn û mirinê re rûbirû ne.

14:40

Tora Têkoşîna li dijî Tundiyê ya Amedê, ji bo protestokirina kuştinên jinan û mirinên gumanbar ên jinan, ji 6'ê Cotmehê û pê ve li ber Edliyeya Amedê dest bi "Nobeta Jin, Edalet û Bîrê” dike.

13:51

Neteweyên Yekbûyî, ji ber zêdebûna pevçûnên sînor û teqînên ji ber bermahiyên şer, hişyariya zêdebûna xetereyên li ser sivîlên li Efganistanê da.

13:41

Aktora Sûrî Sulaf Fewaxircî bi serkeftina fîlmê ‘Land of Angels’, ji Xezayê ber bi qada herî mezin a cîhanê (Oscar) ve rêwîtiyeke bêhempa pêk tîne.

12:47

Dadgeha Îranê cezayê qamçî û qedexeya hunerî li stranbêj Parestoo Ahmadî û 8 muzîkjenan birî. Rêxistina Efûyê ev cezayê hovane şermezar kir û bang kir ku demildest bê rawestandin.

11:27

Şerê bêdawî û hişkesaliya ku çandiniyê sekinandiye, Sûdanê ber bi karesateke mezin ve dikişîne. Li herêma Cebel Marra zarok ji ber kêmbûna xurekê û hilweşîna pergala tenduristiyê jiyana xwe ji dest didin. Heya niha 31 zaroj jiyana xwe ji dest daye.

11:15

Di semînera ku ji aliyê "Foruma Dayîk û Zarok" û Yekîtiya Jinên Iraqê ve hate lidarxistin de, bandorên Yasaya Sivîl a Caferî ya li ser mafên welayet, nefeqe û mafê hevdîtina zarok û bandorên wê ya li ser malbatên Iraqî hatin nîqaşkirin.

10:42

Di civîna 63’yemîn a Konseya Mafên Mirovan a Neteweyên Yekbûyî de navê 46 welatan hate dayîn ku ev 46 welat ji bo rawestandina darvekirinên ji hêla rejîma Îranê ve tê kirin daxuyaniyek hevbeş dan.

09:47

08:57

Huner û parastina jîngehê di yek kesî de: Çalakvana Helebçeyî Hosna Mehmûd, bi berhemên xwe yên ku ji bermahiyan diafirîne, hêjayî Xelata Ozonê hatiye dîtin.

08:00

Amed Dilpak yekem jin e ku li Rojava ofîsek taybet a fêrkirina ajotinê ji bo jinan vekir. Bi vê projeyê ew astengiyên civakî û tirsê ji holê radike. Heta niha nêzî 600 jin fêrî ajotinê kirine û dibêje: “Bi xwe bawer bin.”

20:11

Çalakiya Nobetê ya li wargeha penaberan a Mexmûrê ku ji bo azadiya fîzîkî ya Rêberê Gelê Kurd Abdullah Ocalan hatibû destpê kirin, di roja xwe ya hezar û 170’an de bi dewirgirtina koma 223’an didome.

18:19

Li Helebceyê di çarçoveya kampanyaya hişyariyê ya Cotmeha Pembe ya têkildarî teşhîskirina zû ya penceşêra pêsîrê de, sempozyûmek hate li dar xistin.

17:55

Aktîvîsta civaka sivîl Seher Memîzade ya ji bajarê Erdebîlê ya Îranê, bi sûcdariyên "propagandaya li dijî rejîmê", "heqaretkirina li Ruhollah Xomeynî û Elî Xamineyî" û "têkbirîna nîzama giştî", mehkûmê 25 meh û 15 roj cezayê girtîgehê û 50 qamçiyan kirin.

17:01

Li Şengalê ji bo bîranîna 25 cangoriyên fermana 2014’an ku 7 ji wan jin in, merasîm hat li darxistin. Malbatên şehîdan, ji rayedaran daxwaz kirin ku hemû cenazeyên cangoriyên wan bê dîtin da ku bikaribin li gorî baweriya xwe wan bispêrin axê.

15:58

Tevî qedexeyên li ser tevlêkirina zarokan a di nava çalakiyên leşkerî de, Îranê herî kêm 200 xwendekarên Makûyê şand herêmên operasyonê yên berê. Ev pratîka ku zarokan dixe nava atmosferên îdeolojîk û şer, wekî binpêkirineke mafên zarokan tê qebûlkirin.