rojane

13:16

Rêveberiya Tevgerê derbarê nîqaşên qanûna nû de daxuyaniyek da. Daxuyanî bal dikşîne ser giringiya zimanê aştiyê, nîşandana Abdullah Ocalan wekî muzakerevanê sereke û diyarkirina qanûnek bingehîn ku bibe zemîna çareseriyê.

10:37

Di Sempozyûma Neteweyî ya Mafên Mirovan a li Ummanê de diyar bû ku pirsên li ser sûc û tundiyê bi tenduristiya derûnî û astengiyên civakî ve girêdayî ne; pispor daxwaza hişyariyê û pêşxistina qanûnên nû dikin.

10:14

Li gorî nûçeya ku ajansa JINNEWS’ê weşandiye tê diyarkirin ku beriya Gulistan Doku winda bibe ji aliyê POL-NET ve gelek lêpirsînên derqanûnî der barê wê de pêk hatine.

09:58

Hêzên Emerîkî piştî êrîşên mûşekî yên Îranê yên li ser Urdunê, bi ser çend parêzgehên Îranê de girtin; di encama bombebaranê de li girava Qeşimê dê, bav û zarokekî 2 salî jiyana xwe ji dest dan.

08:58

Li navçeya Pênciwênê ya ku qada medyayê bi salan ji bo jinan qedexe xuya dikir, Raz Aram ev sînor şikand û bû yekemîn nûçegihana jin a herêmê; ew bi xebatên xwe ne tenê pirsgirêkên gel tîne ziman, her wiha dibe çavkaniya ilhamê ji bo hemû jinên herêmê.

08:00

Di berbangê de wan dibin hewşek li ber dîwarekî rêz dikin û dibêjin, em ê we hemûyan bikujin. Dayê Kamo destê xwe radike û dibêje: “Tawisî Melek bila min bikujin ger me rojek xêrek kiribe me afû bike.”

22:20

Rayedarên Girtîgeha Evînê tevî reçeteya bijîşkan jî destûr nadin ku Warîşe Muradî bigihîje navendên tenduristiyê yên derve û alavên bijîşkî yên ku malbatê ji bo wê peyda kiriye jî radestî wê nakin.

22:05

Li gorî raporan, hêzên Talîbanê li bajarê herêma Rengine û li navendên kirînê yên Zeytun Mall û Elmas Sharq bi îdiaya ku "çarşeva nimêjê" li xwe nekirine, çar jin binçav kirin û çarenûsa wan hîn jî nayê zanîn.

20:06

Kûpaya Neteweyên Jinên Efrîqayê ya 2026’an a li Mexribê de şampiyon bi awayekî surprîz têk çûn, tîmên nû hevsengiya hêzê guhertin; maçên ewil ên li Mexribê nîşan dan ku tûrnûva wê tije pêşbaziyeke bêhempa be.

18:11

Li Îranê, greva birçîbûnê ya ji aliyê zêdetirî hezar û 500 girtiyan ve 16 rojan dewam kir, piştî soza rawestandina demkî ya darvekirinan, bi dawî bû. Girtiyan ragihandin ku ger sozên hatine dayîn neyên bicîhanîn, ew ê ji nû ve dest bi çalakiyê bikin.

16:35

Bi pêla şewatê ya berdewam a li daristanên Zagrosê re, beşên mezin ên daristanên Patak ên li navçeya Serpol Zehab ji şewatê bandor bûne.

16:02

Ugandayê ragihand ku şewba vîrusa Ebolayê xistiye bin kontrolê û rewşa awarte ya tenduristiyê bi dawî bûye. Lê belê, li Komara Demokratîk a Kongoyê belavbûna şewbê berfirehtir dibe û hejmara bûyer û mirinan zêde dibe.

15:11

Piştî ku di meha Hezîranê de di dema xwepêşandanên Kana Zêrê Taftanê de rastî tundiyê hatibû, rewşa tenduristiya Bîbî Nur Rîgî xirab bû. Bijîşkan diyar kirin ku ji ber zexta derûnî û stresa giran şekirê xwîna wê bilind bûye û nexweşiya diyabetê girtiye.

12:42

Di bin siya kêmbûna nûnertiya jinan a li meclîsê de, Dr. Xalîde Bufdişê bi girtina 302 dengan astengên siyasî şikandin û bû yekem jina ku erka serokatiya Meclîsa Gel a Neteweyî ya Cezayîrê girt.

12:09

Rêxistina Kongra Star a bajarê Kobanê da zanîn ku Ramî Yusif e ku keziya şervaneke Kurd birî û bi vîdeoyek nîşan da û bû sedema bertekên jinan, niha jî pêşengiya komên Ereb ên ku li dijî Kurdan xwepêşandan li dar dixin, dike.

10:51

Rêxistina Efûyê ya Navneteweyî bi raporeke nû bal kişand ser zêdebûna darvekirinên xwepêşanderên Îranê di sala 2026’an de û hişyarî da ku herî kêm 60 kes bi xetera darvekirinê re rûbirû ne.

10:29

Ji ber şer û pevçûnên li Sûdanê zarok bi berdewamî dibin armanc. UNICEF’ê ragihand ku tenê di nava çend mehan de bi sedan zarok hatine kuştin an jî birîndar bûne û bang li aliyan kir ku parastina zarokan, bikin erkê xwe yê bingehîn.

10:06

Tevî ku navçeya Yakawlangê ya Bamyanê di sala 2018’an de şahidiya komkujiyeke hovane ya Talîbanê kir jî; jinên herêmê piştî xebatên bi salan û tevî vegera Talîbanê careke din bi avakirina Bazara Jinan karê xwe didomînin.

08:00

Nesrîna 15 salî, bi malbata xwe ve Saet 3’yê şeva 3’ê Tebaxê dema DAIŞ bi ser Sîbayê ve digre derfet nabînin birevin. Xwişk, bira, dayîk û bavê wê, metên wê tên girtin. Çavê xwişka wê derdixin, birayê wê bi lêdanê dîn dikin.

17:32

Li morga Xan Yûnisê, trajediya 18 pitikan rûyê rastîn ê krîza mirovî diyar kir. Wezareta Tenduristiyê ragihand ku ji ber birçîbûn û şer, di 6 mehan de nêzîkî 4 hezar bûyerên jiberçûnê çêbûne û ev yek gefê li paşeroja nifûsê dixwe.