rojane

15:45

Rêxistina Mafên Mirovan a Îranê ragihand ku piştî xwepêşandanên Çileyê herî kêm 60 mamoste û aktîvîst hatine girtin û ceza lê hatine birîn.

15:43

Fikarên mafên mirovan û navneteweyî li ser pêkanîna cezayê darvekirinê li Îranê zêde dibin, taybetî piştî darvekirina 58 girtiyan di nav 16 rojan de.

15:10

Fîlozof û teorîsyena siyasî ya navdar a Îtalî Donatella Di Cesare, piştgiriya xwe ji bo Pêvajoya Aştî û Civaka Demokratîk anî ziman û destnîşan kir ku banga Abdullah Ocalan û biryara PKK’ê ya xwe fesih kirinê gaveke dîrokî û nîşandana wêrekiya siyasî ye.

13:16

Li gorî rapora dawî ya, Çavdêriya Mafên Mirovan meha borî li Rojhilatê Kurdistanê û Îranê herî kêm 26 jin hatine qetilkirin û gelek jin jî ji ber tundiya malbatî teşwîqê xwekuştinê hatine kirin.

13:04

Rêxistinên navnetewî diyar kirin ku ji ber krîzên aborî û zextên Talîbanê, vegera penaberên Efgan dibe sedema xizaniyeke kûr.

11:16

Ji hezaran koçberên ku hewl didan ji Mexrîbê bighîjin Ceuta ya di rêveberiya Îspanyayê de, herî kêm 18 kes di behrê de mirin. Neteweyên Yekbûyî, banga parastina maf û rûmeta mirovan a hemû kesên ku dighîjin Ceutayê kir.

10:45

Tîma neteweyî ya jinan a Mexrîbê di Kûpaya Neteweyên Efrîkayê ya 2026’an de piştî ku li hember Cezayîrê bi serket, di Koma A de di rêza yekem de cih girt. Tîmê pozîsyona xwe xurt kir û ji performansek hevseng sûd girt.

09:47

Yekîtiya Mafên Mirovan, ragihand ku jin li Heratê ji ber cureyê cilên ku li xwe dikin, ji aliyê Talîbanê ve tên girtin û ev yek mîna binpêkirina rûmeta mirovan, azadiyên takekesî û mafên bingehîn ên jinan nirxand.

09:24

09:15

Di serdema pêşketina medyayê û medyaya dîjîtal de, qada civakî bûye yek ji sedemên girîng ê avakirina fikir û tevgerên ciwanan. Ev qad bi riya malbat, heval, perwerde û medyayê bandorê li nirx, bawerî û jiyana ciwanan dike.

08:00

Dema ji fermanê ber bi Rojava ve direvin kêm dimîne bikevin destên DAIŞ’ê. Li Rojava heval wan pêşwazî û derman dikin. Dayê Şîrîna ku di fermanê de kurê wê şehîd bûye ji hikûmeta Iraqê xwest jenosîdê nas bike.

21:42

Li Wargeha Penaberan a Mexmûrê, çalakiyên ku sê salên xwe temam kirine, bi dewirgirtina koma 213’an û di roja xwe ya 1107’an de didome. Gelê Wargehê tekez dike ku heta Rêberê Gelê Kurd Abdullah Ocalan bi fîzîkî azad nebe, ew ê dawî li çalakiyên xwe neynin

19:01

Ji ber operasyonên leşkerî û şerê li Xezayê ku zarok pê re rastî trawmeyeke giran a derûnî û şert û mercên pir dijwar tên, UNICEF ji bo parastina wan, berfirehkirina xebatên alîkariyê û pêkanîna piştgiriya derûnî-civakî banga dawîanîna şer dike.

17:29

Dadgeha Îranê li Zeyneb Îzanluya 16 salî û bavê wê Behruz Îzanlu ku di xwepêşandanên Çileyê de hatibûn binçavkirin de, cezayê girtîgehê, qamçî û pere birî.

16:56

Parlamentera Dêrsimê Ayten Kordu ya di 24’emîn Festîvala Çand û Xwezayê ya Munzurê de axivî, banga rûbirûbûna bi heqîqetê re û avakirina aştîyê ya bi têkoşîna demokratîk kir.

15:49

Ekspertên Neteweyên Yekbûyî, bi serokatiya Maî Sato, der barê zext û awayê pêkanîna li ser xirîstiyan û behaiyan de du daxuyaniyên cuda dan û banga parastina mafên wan kirin.

15:28

Sendîkaya Rojnamevanên Sûdanî der barê tenduristiya sê rojnamevanên jin ên ku bi mehan e ji aliyê RSF’ê ve li Nyala hatine girtin, hişyarî da û daxwaza berdan, dermankirin û temînata mafên wan ên bingehîn kir.

14:00

Li Sûdanê ji ber şerê di navbera artêşê û Hêzên Piştgiriya Lezgîn (RSF) de, di êrîşa dawî ya li ser gundê El-Cemamê de 9 sivîl hatin kuştin, bi milyonan kes ji ber pêlên koçberiyê û birçîbûnê bi krîzeke mirovî ya mezin re rû bi rû ne.

13:46

Îlham Zeraatpîşeya ku ji ber çalakiyên xwe yên pîşeyî bi 6 sal cezayê girtîgehê û qedexeya derveyî welat lê hatibû birîn, ji Girtîgeha Adilabadê bi kefalet hate berdan.

13:37

Li gorî daneyên Çavdêriya Mafên Mirovan a Sûriyeyê, ji destpêka salê ve 334 sivîl bi sedema teqîna bermahiyên şer bûne qurbanî. Pispor bang li rêxistinên navdewletî dikin ku ji bo parastina jiyana mirovan, gavên lezgîn bavêjin.