rojane

11:40

SOHR’ê ragihand ku Ji destpêka meha Adarê ve heta niha li Sûriyeyê 74 mirovên sivîl di bûyerên cuda de hatine kuştin.

10:52

Di êrîşa hewayî ya li dijî navenda tedawiya madeyên hişbir a li Kabulê de herî kêm 400 kes hatin qetilkirin. Rêveberiya Efganistanê êrîş wek ‘der mirovî’ bi nav kir, Pakistan diyar kir ku hedef ‘endamên leşkerî’ ne.

10:20

Aktivîsta siyasî û girtiya berê ya siyasî Leyla Mirghafarî, li mala xwe hate binçavkirin. Muhsînî Ejeî carek din gefa darvekirina muxalîfan xwar û fikarên derbarê rewşa kesên dibin çavan de zêde dibin.

10:15

Neteweyên Yekbûyî li ser xirabûna mercên jiyanê û ewlehiyê li Xezayê û Şerîaya Rojava hişyarî da û da zanîn ku tundî jî bi zêdebûna êrîşan zêde bûye.

10:02

Jinên ji Rojavayê Kurdistanê bi dirûşma ‘Werin em bi hev re ji bo misogeriya mafên jinan di destûra Sûriyeyê de têbikoşin’ li bajarê Qamişloyê dest dest bi konferansê kirin.

09:57

Li gel domandina êrîşên hewayî li dijî Îranê û li pey hev li bajarên cûda dengê teqînan, windahiyên canî giha hezar û 351’an. Tenê duh herî kêm 21 sivîlan jiyana xwe ji dest dan, 31 sivîl birîndar bûn.

07:43

Hunermendên jin ên Qamişloyî ku balkişandin ser girîngiya Newrozê, gotin ku “Em di wê hêviyêde ne ku ev Newroz bibe Newroza wekhevî û azadiyê.”

07:41

Cîgira Meclisa bajarê Til Temir a Kantona Cizîrê Madlên El-Ibêd destnîşan kir ku rêya M4 mifteyek stratejîk, aborî, siyasî û mirovî ye ji bo Bakur û Rojhilatê Sûriyeyê.

14:54

Hêzên Muhafizên Şoreşa Îslamî gefê li welatiyên ku li ser xeta sînorî ya Herêma Kurdistanê dijîn dixwe, diyar kirin ku mafê wan yên çûyîna xeta sînor nîne. Şertên şer wek hincet nîşan didin.

14:18

Li gelek bajarên Tirkiye û Bakurê Kurdistanê bi çalakiyên cûda kesên di kîmyabarana Helebce ya 16’ê Adarê 1988’an ku rejîma Sedam pêkanî de jiyana xwe ji dest dane hatin bîranîn û ji Tirkiyeyê hate xwestin ku vê komkujiyê wek ‘Qirkirin’ nas bike.

12:47

Platforma Yekîtiya Jinên Kurd li ser salvegera Komkujiya Helebceyê daxuyaniyek da û got: “Ji bo parastina hebûna gelê Kurd, rûmet û azadiya wî, bîra Halepçeyê divê bibe hêza herî mezin a têkoşîna me û yekîtiya me.”

11:35

SOHR diyar kir ku ji destpêka îsal ve bi kêmanî 51 jin û 80 zarok li herêmên cûda yên Sûriyeyê hatine qetilkirin.

11:22

Xelkê Til Temir ji bo bîranîna enfala Helebceyê, 5 deqe rêz hate girtin. Jinên beşdarî rêz girtinê bûne gotin: “Wê li dijî dîktatorên Kurdistanê û qatilê gelê me, serhildan û şoreşên me heta bidestxistina statuyê, bidome.”

11:04

38 sal bi ser kîmyabarana Helebce re derbas bû, îro ji ber nebûna çalakiyek fermî, welatî naxwazin ev bîranîn were ji bîrkirin. Bi beşdariya kampanyaya çandina daran, rexne li desthilatê dikin ku Enfal wek tê xwestin nayê bîranîn.

10:01

Wezareta Tenduristiyê ya Îranê, ragihand ku di êrîşên ji 28’ê Sibatê heta niha de 223 jin û 202 zarokan jiyana xwe ji dest dane. Hate diyarkirin ku di êrîşan de 153 navendên tenduristiyê ziyan dîtine.

09:45

Di şertên şer û qutbûna înternetê de, bi sedan welatî ji ber sûcên sîxuriyê hatine girtin. Hate diyarkirin ku zext zêde bûye, li gelemperî bajaran xalên kontrolê hatine danîn. Amûrên Starlink têne şopandin û kesên ku wan bikar tînin tên girtin.

08:45

Fîlmçêker û çalakvana mafê jinan Mujgan Îlanlo, ligel hevjîn û keça xwe hatin binçav kirin. Hêzên ewlehiyê li ser mala wan de digrin û wan desteser dikin.

08:08

Bi êrîşên nû yên li ser başûrê Lubnanê re, heman dîmen dubare dibin. Karwanên dirêj ên koçberiyê, wesayîdên li pey hev û kesên ku bi westandina li ser çav û rûyê xwe li cihekî bi ewle digerin.

07:49

Cîhan niha dikeve serdemeke nû ya dîrokî. Nîzama siyasî ya ku piştî Şerê Sar (Cold War) hatibû çêkirin, hêdî hêdî tê qelskirin û dîsa hêzên mezin ên cîhanê de jî ji nû ve vedgerin ser sehneya siyaseta navneteweyî.

07:40

Rêveberiya kargeha dirûtinê a jinan ya li bajarê Qamişlo, Arya Mele Xelîl da zanîn ku armanca wan ji vekirina kargehê zindîkirina cil û bergên Kurdî ye.