rojane

20:49

Nivîskar û perwerdekara Kurd Nesrîn Tilo li Norvecê koça dawî kir. Tilo ku bi salan di warê perwerde û wêjeyê de xebitî, bi berhemên xwe yên helbest û çîrokên kurt ên wekî "Rotoskop"ê şopek kûr di jiyana çandî de hişt.

20:28

Çalakiya Nobetê ya li wargeha penaberan a Mexmûrê ku ji bo azadiya fîzîkî ya Rêberê Gelê Kurd Abdullah Ocalan hatibû destpê kirin, di roja xwe ya hezar û 165’an de bi biryardariyek xurt didome.

16:01

Li Qamişloyê, Yekîtiya Parêzeran a Cizîrê bi formeke hiqûqî bal kişand ser girîngiya bicihkirina zimanê Kurdî di Destûra Sûriyeyê de û tekez kir ku parastina mafên zimanî ji bo avakirina Sûriyeyeke demokratîk ku mafên gelan mîsoger dike, bingehek serekeye

15:13

Çavdêriya Mafên Mirovan a Sûriyeyê, ragihand ku piştî hilweşîna rejîmê 784 zarok ji ber tundiyê mirine. Çavdêriyê, bang li civaka navneteweyî kir ku sivîlan biparêze û binpêkirinan rawestîne.

14:12

Neviya Îbrahîm Çelîk, Berfin Çelîk ku di çalakiya Dayîkên Şemiyê de axivî, diyar kir ku ew sê nifş in li Qada Galatasarayê lêgerîna edaletê didomînin û got, "Meraqa li ser aqûbeta wan ji bo me bûye cureyekî îşkenceyê, em dixwazin rastiyê bizanin."

13:43

Kampên penaberan li rojhilatê Çadê ji ber zêdebûna hejmara penaberên ji Sûdanê bi kêmasiyeke zêde ya çavkaniyan re rû bi rû ne. Neteweyên Yekbûyî hişyar kir û diyar kir ku ger rewş berdewam bike, ev yek dê bibe sedema karesateke mirovî.

12:43

Dadgeha Bilind a Îranê cezayê darvekirinê yê Mozhde Haşimî erê kir. Hunermend Şeyda Saberî li Şîrazê hate binçavkirin. Her wiha cezayên qamçî û qedexe yên Paresto Ehmadî û 8 hunermendên din hatin erêkirin û ew şandin Girtîgeha Adelabadê.

11:39

KJAR’ê ragihand ku du sê meh berê endamên wan ên bi Zehra Pîrdêhqan (Dîcle Maku) û Pervîn Rasiq Qizilbaş (Adar Maku) li Urmiyeyê ji aliyê rejîma Îranê ve hatine girtin û birine cihekî nediyar.

11:25

Tevî ku mafên zayendî û kurtaja ewle li Tûnisê bi awayekî yasayî tên parastin jî, Koma Tawhida Ben Cheikh da xuyakirin ku hişmendiya baviksalarî, kêmbûna agahdariyê ya li cem ciwanan û astengiyên erdnîgarî rê li ber gihîştina van xizmetan digirin.

10:31

Wezareta Karên Hundir a Mexrîbê, encamên dawî yên hilbijartinên yasadanînê ragihand. Di hilbijartinê de 90 jin bûn parlamenter. Hejmara giştî ya kursiyên jinan, wê piştî encamên hilbijartinên herêmî bê zelalkirin.

08:42

Malbata ku bi salan li benda wê ma, piştî pênc salan xebera ‘Sakîne şehîd bû’ girt. Dayîka wê Durmiye Durmuş bi awayek serbilind qala bîranînên keça xwe kir û got: “Ez êdî naxwazim xwîna kesî bê rijandin.”

08:00

Endama Koordînasyona Kongra Star a Rojava Jiyan Hisên, li ser girîngiya hevbendiya jin û gelan a di avakirina civakeke demokratîk de axivî û tekez kir ku avakirina Sûriyeya demokratîk tenê bi hevkariya jin û gelan pêkan e.

14:58

Daîreya 2’yemîn a Dadgeha Şoreşê ya bajarê Reştê yê Îranê di dozeke hevbeş de bi giştî 14 sal, 7 meh û 15 roj cezayê girtîgehê da 9 parêzerên ku li parêzgeha Gîlanê dixebitin.

14:31

3’yemîn Mîhrîcana Berhemên Çandiniyê ya Raperîn bi beşdariya gelek jinan, li Parka Dergawaze ya bajarê Ranyayê dest pê kir. Di mîhrîcanê de, ji bo pêşkêşkirina berhemên cotkar, jin û xwediyên projeyan, zêdetirê 140 stand hatin danîn.

13:09

Bi sedan xwendekarên li New Delhiyê li dijî destdirêjiya çeteyan a li ser jinek ciwan a 17 salî, daketin kolanan û daxwaza ewlehiyê ji bo jinan kirin.

12:30

Nazenîn Husênpûra 34 salî ku dayîka du zarokan e, piştî 37 rojan, bi danîna kefaleta 2.5 milyar Tomenî bi demkî ji Zindana Navendî ya Urmiyeyê hat berdan lê rewşa wê ya yasayî hê nediyar e.

09:31

Ji dîrokê ve, jinên Kurd di jiyan û tevgera azadiyê ya Kurdistanê de roleke bi bandor û girîng lîstine. Jinan ne tenê di tevgeran de, di qonaxên dîrokî de, di warê rêveberî, berxwedan û parastina nasname û bîranînên neteweyî de jî cih girtine.

08:44

Li gorî raporên mafên mirovan, di mehên Tebax û Îlonê de li Îranê herî kêm 15 jin û zarok hatine kuştin û 4 jin hatine darvekirin. Pispor vê tundiyê bi valahiyên qanûnî û nebûna ewlehiyê ve girêdidin.

08:33

Hevseroka Komeleya Hiqûqnasên ji bo Azadiyê (OHD) Ekîn Yeter ku kampanyaya ‘1001 Îmze ji bo Komara Demokratîk û Aştiyê’ îmze kir, diyar kir ku divê bi pêvajoya aştî û civaka demokratîk civakî bibe di demek nêz de girtî bên berdan.

08:10

Sektora perwerdehiyê li parêzgeha Hesekê bi pirsgirêkên giran ên wekî koçberî, sînorkirina zimanê Kurdî û qeyrana aborî re rûbirû ye; ji bo parastina mafê perwerdehiya zarokan gavên lezgîn lazim in.