rojane

21:57

Çalakiya Nobetê ya li wargeha penaberan a Mexmûrê ku ji bo mîsogerkirina azadiya fîzîkî ya Rêberê Gelê Kurd Abdullah Ocalan hatibû destpêkirin, bi dewirgirtina koma 155’emîn, di roja 795’an de didome.

19:45

Duyemîn foruma salane ya "Dengên ji bo aştiyê” bi nîqaşên li ser mijarên edaleta veguhêz, veguhêztina siyasî û ji nû ve avakirinê û bi pêşniyarên vîzyona têkildarî civakê ji bo pêşerojek adilane û berfirehtir nîşan didin, bi dawî bû.

17:50

Meral Daniş Beştaş, diyar kir ku dibe şandeyeke ji komîsyonê hefteya pêş bi Abdullah Ocalan re hevdîtinê bike û got: “Di mijara guhdarîkirina birêz Ocalan de nêrîneke hevpar heye.”

17:03

Înîsiyatîfa Azadiya Rêber Abdullah Ocalan a Sûriyeyê û Înîsiyatîfa Parêzeran a Sûriyeyê ya ji bo Parastina Rêber Abdullah Ocalan, bi daxuyaniyekî çapemeniyê encamên kampanyaya ‘Ez dixwazim bi Abdullah Ocalan re hevdîtin bikim’ ragihandin.

16:54

Li bajarê Laziqiyeyê ya di bin kontrola HTŞ’ê ya cîhadîst de ye, jinek hat qetilkirin.

16:10

Ji bo banga aştiyê, projeya kolektîf a vîdeo hat çêkirin. Metna ku di vîdeoyê de cih girtiye, bi dengê hunermend Julîde Kural hatiye xwendin.

16:06

Komeleya Piştgiriya Mexdûrên Darfûrê, bi hevkariya Komeleya Hêvî û Stargeha Ewle, bang li rêxistinên mirovî yên xwecihî, herêmî û navneteweyî kir ku bi awayekî lezgîn mudaxeleyê şewba kolerayê ya li Darfûrê bikin.

15:32

Girtiya siyasî Somaye Raşîdî ku bi hinceta nivîsandina dirûşmeyê ji taxa Joadiye hate girtin ji ber bêxemiya rayedarên girtîgehê ya têkildarî rewşa wê ya tenduristiyê, ket komayê.

15:06

Tora Başdariya Siyasî ya Jinên Efganistanê, qutbûna fîber optîk înternetê li gelek wîlayetên Efganistanê bi danezanekê şermezar kir û ragihand ku Talîban, li dijî jinan qedexeyên berfireh û binpêkirinên mafên bingehîn hê jî didomîne.

14:59

Koordînasyona Kongra Star komkujiya li gundê Um Tîna yê Dêr Hafirê yê kantona Tebqayê bi tundî şermezar kir û got: “Em ê teqez hesab bixwazin û em ê her deverê bikin cihê têkoşîn û hevgirtina jinên Sûriyeyî.”

14:36

Endamên Mala Jin û endamên Kongra Star li pêşiya avahiya Mala Jin a li taxa Xerbî ya bajarê Qamişloyê kom bûn û bi daxuyaniyekê daxwaza azadiya fîzîkî ya Rêberê Gelê Kurd Abdullah Ocalan kirin.

13:20

Êrîşên bênavber ên Îsraîlê li dijî Zîvala Xezayê, rê li ber mirina bi dehan mirovan û koçberiya girseyî vekir. Di êrîşên du salan de, hilweşîn û felaketa mirovî ku mînaka wê tune ye tê jiyîn.

11:54

Şandeya jinên Bakur û Rojhilatê Sûriyeyê bi Rêxistina Efûyê ya Navneteweyî re civiya da ku binpêkirinên berdewam ên li dijî Sûriyeyê, bi taybetî jinan û rêbazên belgekirina wan nîqaş kir.

11:40

Li Îranê di demên dawî de dersînorkirina Efganan, careke din ket rojevê. Efganiyên ku bi salan e li Îranê bûn û ji welat hatin derxistin, neçar man ji serî ve dest bi jiyana xwe bikin.

11:31

Rama Zein a Suweydayî ku ji komkujiya HTŞ’ê ya li Xaniyên Mêvanan ên Cebel El-Druz bi saxî filitiye, dibêje ku xortek li ber çavê wênhatiye gulebarankirin, xwîna wî bi lingê wê de rijiyaye.

10:36

Beşdarên Konferansa Hevgirtina Jinan a li bajarê Hesekê hatibû lidarxistin diyar kirin ku di pêvajoya Sûriye tê re derbas dibe de yekbûn, dengê jinan û hevgirtina wan pêdiviyeke lezgîn û girîng e.

10:04

Hejmara nû ya kovara Jin bi berga “Di pergala perwerdeyê de krîz û pêdiviya bi veguherînê” derket pêşberî xwendevanên xwe.

09:56

Li bajarê Silêmanî Rêxistina Çardoz, ji bo piştgirîkirina jinên xwedî pêdiviyên taybet yekem panela xwe lê dar xist. Armanca panelê başkirina rewşa jinên xwedî pêdiviyên taybet û guncandina wan a bi jîngeh û jiyana bi hevreye.

09:40

Nûçegihana ajansa me bi riya dîmenekê yek ji komkujiyên cîhadîstên Heyet Tehrîr El-Şam (HTŞ) li bajarê Suweydayê ya Sûriyeyê li dijî sivîlan belge kir.

09:10

Aştî ne peymanek e ku were îmzekirin, kêliyek hembêzkirinê ye, biryarek ji bo negerîna tolhildanê ye û îradeya berdewamiyê ye tevî her tiştî. Guhertin mimkun e û ew bi jinekê dest pê dike ku biryar dide ku nekeve.