ئیستەنبوڵ

 

بە مەبەستی بەڕێوەچوونی ٢٠ەمین ڕێپێوانی شەوانی فیمینیستی لە شەقامی تەقسیمی شاری ئیستەنبوڵ لە تورکیا، ژنان بە دروشمەکانی " ئەم  سەرهەڵدانە کۆتایی نایەت"، "ژن، ژیان، ئازادی" گردبوونەوە، سەرەڕای ئەوەی پۆلیس ڕێگری کرد لە بەڕێوەچوونی ڕێپێوانەکە ژنان بەرەو شەقامی کۆڵانی سراسەلڤیر لە تەقسیم بەڕێکەوتن و زۆرێک لە کۆڵانەکانی دەچێتەوە سەر ناوەندی گردبوونەوە لەلایەن پۆلیسەوە گیرابوون.

 

سەرەڕای ئاستەنگی و ڕێگریکردن هەزاران ژن لە چەندین ناوچە کۆبوونەوە و بەرەو شەقامی سراسەلڤیر بەڕێکەوتن.

 

ژنان کە لە کۆڵانەکاندا کۆببوونەوە، پانکارتەکانی "سەرهەڵدانی فێمینیست"یان بەرزکردەوە و دەستیان بە ڕێپێوان کرد و ناوی ئەو ژنانەیان بڵاوکردەوە کە کوژراون، هەروەها جلوبەرگی ڕەنگاڵەیان و بە جۆشەوە دروشمەکانی "ئێمە شەوانە شەقامەکان و مەیدانەکان جێناهێڵین"، "ژن، ژیان، ئازادی"، "یاخیبوون" و "بێدەنگ نابین، ناترسین، کڕنۆش نادەین"یان دەوتەوە.

 

ت.پ