ژنێکی سووری و سێ منداڵی بەهۆی هەڵمژینی دوکەڵی خەڵوزەوە لە ماڵەکەیان لە گوندێکی باشووری لوبنان گیانیان لەدەستدا.

ناوەندی هەواڵ

 
ئەو خێزانە لە گوندی خەرائیبی باشووری لوبنان ژیاون و بۆ گەرمکردنەوەی ژوورەکەیان خەڵوزیان بەکارهێناوە، بەڵام شەو کاتێک خەوتوون دوکەڵێکی زۆریان هەڵمژیووە و ئەوەش بووەتە هۆی گیانلەدەستدانیان.

 

 
بەرپرسێکی تەندروستیی لوبنانیش ئاماژەی بەوەکردووە کە ژنەکە تەمەنی ٣١ ساڵ بووە و منداڵەکانیشی تەمەنیان هه‌شت، حه‌وت و چوار ساڵ بووە.

 

 
شەڕی ناوخۆی سوریا لە ساڵی ٢٠١١ دەستیپێکرد و ملیۆنان کەسی کردوەتە ئاوارە و کۆچبەر، زیاتر لە یەک ملیۆن خەڵکی سوریا لە ئێستادا لە لوبنان دەژین.