rojane

15:56

Hejmara kesên ji 7’ê Cotmeha 2023’an ve heta niha di êrîşên Îsraîlê yên li dijî Zîvala Xezayê de jiyana xwe ji dest dane di 24 saetan de bi 83 kesan gihîşt 65 hezar û 502’an.

15:37

TJA’yê ji bo meşa ku 1’ê Cotmehê li dar bixe daxuyaniyek da û got: “Em ê ji bo azadiya Abdullah Ocalan û rakirina astengiyên li pêşiya xwe bimeşin.”

15:31

Hêza Ewlekariya Hundirîn a Jinê ya herêma Bakur û Rojhilatê Sûriyeyê bi tevlîbûna 600 delegeyan konferansa xwe ya 4’emîn li bajarê Hesekê li dar xist.

13:34

Girtiya siyasî Somaye Raşidî ku ji ber rewşa wê ya tendrustiyê xirab bû şandibûn nexweşxaneya Mofatteh Buramîn, piştî 11 rojên tedawiyê ji ber xemsariya rayedaran mir.

13:28

Fîlozofa Emerîkayî Rebecca Goldstein, di peyama xwe ya ku ji DEM Partiyê re şand de li ser biryara feshkirina PKK’ê got: “Ev gaveke bi cesaret û îlham e, ji bo vê îhtîmala dîrokî veguhere rastiyê, gaveke bi hêvî ye.”

13:14

Jinên ku beşdarî 2’yemîn konferansa bi dirûşma ‘Jin hevkarên bingehîn ên pêşketinê ne’ ya li paytext Bexdaya Iraqê bûn, destnîşan kirin ku jin êdî di pêvajoyên biryargirtinê de jî cih digirin.

12:31

Hat ragihandin ku ji aliyê 2’yemîn Şaxa Lêpirsînê ya Dozgeriya Komara Şoreşê ve der barê mamosteya dibistana seretayî Furûx Husrewî ya Bahbahanê de biryara girtinê hatiye girtin.

11:35

Rojnamevan Haval Arslan, li qereqola li qereqola ku jê bangî wê hatibû kirin, hat binçavkirin û wê şandin navenda paşvevegerandinê.

11:14

Rêxistina Efûya Navneteweyî krîzeke girantir a derbarê cezayê darvekirinê li Îranê de eşkere kir û îdia kir ku bi hezaran kes ji ber tohmet û darizandinên neheq bi cezayê darvekirinê re rûbirû ne.

10:22

Li gorî raporeke ku ji aliyê Yekîneya Jinan a NY’ê ve hatiye weşandin, ji çaran 3 jinên Sûdanî yên vegeriyane Xartûm, Kordofana Başûr û Cezîreyê, ji xizmetên bingehîn bêpar in.

08:43

Beşdarên Konferansa Hevgirtina Jinan dan zanîn ku ji bo yekbûna têkoşîna jinan ji bo avakirina civakek demokratîk û exlaqî li ser bingeha prensîba ku azadiya jinan azadiya civakê ye pêdivî bi xebat û têkoşîneke xurtir heye.

08:37

Endama Koordînasyona Kongra Star Fahîme Hamo, diyar kir ku hilbijartinên parlamentoyê hemû pêkhateyên civakê nagire nava xwe û ji ber vê yekê demokratîk nîn e.

08:16

Xwendekarên refa amadehî yên bajarê Kobanê bi coşeke mezin dest bi sala nû kirin. Xwendekarên ku ev 12 sal in bi zimanê xwe yê dayîkê dixwînin dibêjin ku “Xwendina bi ziman, çand û dîroka xwe şansekî pîroz û bi wate ye.”

18:30

Civîna 12’an a Komîsyona Piştevaniya Neteweyî, Xwişk-Biratî û Demokrasiyê ya li Meclisa Tirkiyeyê bi dawî bû. Tê payin ku komîsyon hefteya bê li saziyên jin û ciwanan guhdarî bike, lê nehat diyarkirin dê kengî û kîjan saetê be.

18:25

Wezareta Tenduristiyê ya Xezayê, ragihand ku di 24 saetên dawî de 37 mirî û 175 birîndar gihîştine nexweşxaneyên li Zîvala Xezayê.

16:44

Şandeya jinan a herêma Bakur û Rojhilatê Sûriyeyê bi partiyên siyasî yên Almanyayê re civiyan û rewşa Sûriyeyê, Bakur û Rojhilatê Sûriyeyê, herêmên dagirkirî, peymana 10'ê Adarê û xurtkirina beşdariya jinên Sûrî ya di qada siyasî de hate nîqaş kirin.

16:36

MKG'ê, derbarê gefên li dijî rojnamevanan daxuyanî da û got: “Ne gef û ne jî doz nikarin vê îradeyê bişkînin."

15:19

Berdevka DEM Partiyê Ayşegul Doganê diyar kir ku dewlet û desthilat gavên şênber navêje û got: “Hem siyaset hem jî civak li benda gavên şênber e.”

14:34

Di panela bi sernavê ‘Dadweriya Veguhêz di Rewşa Sûriyeyê de’, rola jinan û edaleta vaguhêz hat nîqaşkirin. Di panelê de bal li ser rola jinan a di avakirina pêşeroja Sûriyeyê de hat kişandin.

14:06

Binpêkirinên ewlehiyê li deverên di bin kontrola Hûsiyan de berdewam dikin. Bi van binpêkirinan re, tundiya ku sivîlan hedef digire û di nav de kuştin, revandin û êrîşên sîstematîk hene, zêde dibe.