rojane

14:16

Bi milyonan jin tevlî kampanyeya hûnandina keziyan bûn û porê xwe kirin kezî. Li Kocaeliyê jineke hemşîre y ku tevlî kampanyaya hûnandina keziyan bû, Wezareta Tenduristiyê der barê wê de lêpirsîn da destpêkirin.

13:51

Girtiya siyasî ya berê û aktivîsta mafên mirovan Nasrîn Sotudeh, mudaxeleya li dijî xwepêşandanên Îranê şiband Elmanyaya dema Naziyan, Yugoslavyaya berê û Afrîkaya Başûr destnîşan kir ku divê sûcdar werin cezakirin.

13:47

Komîserê Giştî yê UNRWA’yê, destnîşan kir astengkirina ketina rojnamevanan a Xezayê kampanyayên dezenformasyonê xurt dike. Her wiha diyar kir ku Xeza êdî ji bo rojnamevan û xebatkarên alîkariya mirovî bûye cihê herî xeternak ê cîhanê.

13:04

Di çarçoveya çalakiyên ji bo piştevaniya ji bo Rojavayê Kurdistanê de, waneya yekem a xwendekaran ji bo berxwedana li Rojava hat veqetandin.

12:06

Li Yemenê di warê mafên mirovan de, binpêkirinên mafên mirovan zêde dibin. Ji ber tunebûna dewletê û pevçûnên çekdar, sûcên li dijî jinan zêde dibin. Hûsî rojnameger û aktivîstan digrin, kes nizane aqubeta wan çi ye.

11:29

Fatemeh Erdeşîr Larijanî ku keça Alî Larijanî ye û li Zanîngeha Emory hîndekar e, li ser daxwaza Îraniyan ji zanîngehê hat avêtin.

09:43

Hejmara 152'emîn a Kovara Jin bi berga ‘Ne esasgirtina dewletê esasgirtina civkê’ hat weşandin.

09:37

Kobanê ne tenê bajarekî dorpêçkirî bû; di heman demê de sembola îradeya jinên Kurd bû. Jinan keziyênporê xwe veguherandin alên berxwedanê; li dijî zilmê, van keziyan şahidiya rûmet û têkçûna tarîtiyê kirin.

09:03

Jinên Koye li dijî birîna keziya şervaneke jin ji aliyê çeteyên HTŞ’ê ve, bertek nîşan dan û gotin: “Ger keziyek were birîn, em ê bi hezaran bihûnin”.

08:52

Pevçûnên leşkerî yên li Sûriyeyê didomin û ji ber ku dibistanan veguherandin stargehan, bi hezaran zarok, ji mafê perwerdeya di mercên bi ewle de bêpar man. Ev rewş, li ser pêşeroja wan xeterî çêdike û bandorên derûnî dihêle.

08:39

Ji ber dorpêça çeteyên Heyet Tehrîr el-Şam a li ser Kobanê, birandina av û cereyanê, şeniyen li bajar di cihê avê de berfê dihelînin û pêdiviya xwe ya avê wisa bi cih tînin.

08:17

Nûçegihana ajansa me Berçem Cûdî rewşa dawî ya Kobanê ragihand. Berçem Cûdî anî ziman ku rewşa heyî ya li Kobanê metirsîdar e û banga xurtkirina hişyariyê li hemberî Kobanê kir.

08:10

Şervanên jin ên Kurd şêwazên damezrandî û rolên zayendî yên ku jin li Sûriyeyê tê de asê mane hejandin. Ji ber vê yekê, rêxistinên radîkal wan bi çek û tundiyê hedef digirin û bê navber li dû wan diçin.

07:52

Li şûna ew keziyên ku hatine birîn, îro bi milyonan kezî tên hûnandin. Li wargeha penaberan a Mexmûrê jî bav, bira û hevjîn li dijî bêrêziya çeteyan keziyan hûnandin û gotin wê her mûyek keziyên jinan îrade û rûmeta wan bihêz bike.

07:29

Dayikên şehîdan li Til Temirê bi çêkirina xwarinê piştgirî didin şervanên QSD/YPJ’ê yên di xeta agir de li dijî cîhadîstên HTŞ’ê li ber xwe didin. Dayikan got: “Bi şev em nobedariya taxan dikin bi roj jî xwarinê ji şervanan re amade dikin.”

07:15

Di baweriya Êzidayetiyê de kezî ango gozik remza tifaq û ronahiyê ye îro jî keziyên jinan yekbûna jinan nîşan dide.

19:40

Çalakiya Nobetê ya li wargeha penaberan a Mexmûrê ku ji bo azadiya fîzîkî ya Rêberê Gelê Kurd Abdullah Ocalan hatibû destpêkirin, bi dewirgirtina koma 180’emîn û heman demê bi xurtkirina çalakiyên ji bo Rojavayê Kurdistanê didome.

18:52

UNESCO û UNICEF’ê, ragihandin ku li Efganistanê ji ber qedexekirina perwerdeya ji pola 6’emîn û şûnve, 2,2 milyon zarokên keç ji mafê xwe yê perwerdeyê bêpar in û gotin perwerde mafekî bingehîn ê mirovan e.

17:19

Li Kobanê ya dorpêçkirî hejmara zarokên ji ber sermayê jiyana xwe ji dest dan bû 5 kes.

17:03

Li hember êrîş, talan û kiryarên din ên qirêj ên çeteyan, gelê Hesekê tevlî seferberiyê bû û got ku “Ger em bibin yek, emê biserkevin. Tu carî em nakevin.”