ناوەندی هەواڵ

 

پێشنیوەڕۆی ئەمڕۆ پێنج کەس لە نوێنەر و ئەندامانی پارتی دیموکراتی گەلان-هەدەپە، لە گەڕەکی سەفین لە شاری هەولێر لەکاتی میوانداریدا دەستگیرکران.

 

بەگوێرەی زانیارییەکان کەلە سەرچاوەیەکی نوێنەرایەتیی هەدەپەوە دراوە، ژمارەی دەستگیرکراوەکانی هەدەپە پێنج کەس بوون، دوانیان ناهیدە ئەرمیش و حیکمەت خەتیب نوێنەرانی هەدەپەن و سیانەکەی دیکەش ئەندامی نوێنەرایەتیی هەدەپەن.

 

سەرچاوەکە باسی لەوەکرد کە بەیانی ئەمڕۆ لە ماڵێکدا لە گەڕەکی سەفین کە ئەندامانی هەدەپە بۆ میوانداری سەردانی ئەو ماڵەیان کردووە، ئاسایش هەڵیکوتاوەتە سەر ماڵەکە و دەستگیری کردوون.

 

لە ئێستادا پێنج دەستگیرکراوەکەی هەدەپە گواستراونەتەوە بۆ ئاسایشی ڕاپەڕین لە هەولێر و لێکۆڵینەوەیان لەگەڵدا دەکرێت.

 

ت.پ