rojane

20:10

Ligel ku daxwaznameya nexweşiyê dabû dadgehê û parêzerê wê jî amade nebû, cezayê 4 sal û 4 meh girtîgehê li lêkolînera doktorayê Wehîde Heqperest hate birin; Heqperest di merasîma bîranîna parêzerê mafên mirovan Xosrow Alikordî de hatibû girtin.

19:18

Tora Rêxistinên Civaka Sivîl ragihand ku pergala tenduristiyê li Xezayê bi xetereya rawestina tam re rûbirû ye. Torê destnîşan kir ku ji ber qedexe û şer xizmet nayên domandin û banga mekanîzmayeke lezgîn a tehliyeya bijîşkî kir.

15:58

Xwendekara 23 salî Necme Emînî ji girtîgeha Meşhedê ragihand ku cezayê darvekirinê lê hatiye birîn. Li aliyê din, li bajarê Pîranşarê jî jineke bi navê Bayan Qaderî ji aliyê hêzên ewlehiyê ve hat girtin.

15:45

Li Şengalê nêzî mezargeha Şerfedîn, bi beşdariya daîreya Tipa Edlî, xizmên kesên jiyana xwe ji dest dane û gel ve goreke komî ya 76 cenazeyan pêk tê hat vekirin.

15:32

Milîsên Fatimiyûn û Zeynebiyûn li parêzgeha Sîstan û Belûcistanê cihwar dibin û operasyonên xwe berfireh dikin. Ev rewş li herêmê dibe sedema binpêkirin, tacîz, pevçûnên rasterast û nîgeraniyên kûr di nava xelkê de.

15:05

Parêzerê malbatê ragihand ku pisporên sîber dê bêyî ku daneyên telefonê jê bibin şîfre bişikînin û destnîşan kir ku ev pêngav dê xalên tarî yên di lêpirsînê de ronî bike.

14:08

Têkoşîna jinên Îranî ya ji bo perwerdehiyê mezin e, lê qanûn û kevneşopî deriyê jiyana aborî li wan digirin. Tevî ku zêdetirî nîvê xwendekarên zanîngehê jin in, rêjeya wan a di hêza kar de li jêr sedî 17'î dimîne.

13:19

Li parêzgeha Yezdê ya Îranê bûyerên tayê xwînrijandina Kirim-Kongoyê (CCHF) zêde bûn. Rayedaran ragihand ku ji destpêka salê ve 11 kesan girtiye, jineke 38 salî jiyana xwe ji dest daye û hişyarî dan ku xetere di dema serjêkirina ajalan de zêde ye.

11:25

Rêveberiya Giştî ya Perwerdeyê ya Gîlanê ragihand ku tevî kêmkasiya hejmaran, pirsgirêka qutbûna ji perwerdeyê li parêzgehê berdewam dike û sedemên sereke jî pirsgirêkên darayî û astengiyên çûnhatinê ne.

11:13

Enstîtuya Fransî ya li Cezayîrê bi çalakiya "Roja Vekirî" re derfet da jinên hunermend û karsaz ku berhemên xwe yên afrîner pêşkêş bikin û ezmûnên xwe parve bikin.

10:40

Komên mafên jinan li Mexrîbê bi ‘Barometera Pabendbûnê’ re nêrîn û sozên partiyên siyasî yên ji bo wekheviya zayendî, mafên aborî û reformên yasayî radigihînin û mekanîzmayeke çavdêriyê li dijî cudakariyê datînin holê.

09:54

Kampanyaya li dijî cezayê darvekirinê ku du sal û 8 meh berê li Girtîgeha Qizilhesarê dest pê kiribû, berfireh dibe. Girtiyên Bender Ebas jî ragihandin ku ew ê jî roja Sêşemê tevlî greva birçîbûnê bibin û bi vê yekê re hejmara girtîgehan bû 63.

09:39

Parlamentera berê Çiro Heme şerîf bal kişand ser maf û xebatên jinan û destnîşan kir ku jin dikarin bi piştevaniya hevbeş û evîna kar hemû astengiyan derbas bikin.

09:17

Li bajarê Ed Daeinê ji ber nakokiyên îdarî û hewldanên kontrolkirinê, nexweşxaneya yekane ya pispor a zayînê û emeliyatên sezeryanê hate girtin. Ev yek rewşa tenduristiyê ya bi sedan jinên ducanî dixe metirsiyeke mezin de û malbatan neçarî rêyên biha dike

09:11

Kovara Jin bi sernavê 'Ji Rojhilat ber bi Cîhanê: Jin, Jiyan, Azadî' derket. Kovar di hejmara xwe ya nû de balê dikşîne ser felsefeya "Jin Jiyan Azadî" û bandora wê ya ku li cîhanê belav bûye.

19:35

Rêveberiya Avê ya Xezayê ragihand ku bi nêzbûna zivistanê re pergalên av û kanalizasyonê li ber hilweşînê ne. Rêveberiyê hişyarî da ku eger destûr ji bo ketina amûr û alîkariyan neyê dayîn, dê karesateke mirovî û tenduristî ya mezin rû bide.

17:59

TJA û Meclîsa Jinan a DEM Partiyê, bi boneya 4'emîn salvegera kuştina Jîna Emînî diyar kirin ku pergala serdestiya mêran dixwaze laş, nasname û jiyana jinan bixe bin kontrola xwe û gotin: “Em ê li dijî van pergalan têkoşîna xwe ya rêxistinkirî mezin bikin

15:16

Piştî ku dîmenên jinên bê hîcab di maratona li Parka Velayatê ya Tehranê de hatin parvekirin, der barê organîzasyonê de lêpirsîn hat destpêkirin. Berpirsan diyar kir ku tevî soznameya li ser ‘rêgezên îslamî’, hin beşdaran ev rêgez binpê kirine.

14:45

Li Yemenê êrîş û bombebarana bêserûber a Hûsiyan a li ser deverên niştecîbûnê didome. Di encama êrîşa li bazara Rebû ya Lahijê de 7 sivîlan jiyana xwe ji dest dan û zarokek birîndar bû.

14:00

Dayîkên Şemiyê di çalakiya xwe ya hefteya hezar û 121’an de aqûbeta Cemîl Kirbayir ê ku di sala 1980’an de hatibû windakirin pirsîn û gotin: “Dayîka Cemîl, Berfo Kirbayir tenê tiştek dixwest, beriya mirina xwe dixwest kurê xwe bibîne.”