بەغدا

 

ئەمڕۆ، ٣٠ی تەمموز، لە هۆڵی ئوتێل بەغدا لە شاری بەغدای پایتەختی عێراق، کۆنفرانسی نێودەوڵەتی ژنانی عێراق سەبارەت بە قڕکردنی ژنان: ژنانی ئێزدی وەک نموونە،بە دروشمی "بە ئیرادەی ژنە ئازادەکان بەرەنگاری جینۆسایدی شەنگال دەبینەوە" بەڕێوە دەچێت، ژنانیش ڕوو لە هۆڵی کۆنفرانس دەکەن.

 

ژنانی کورد، عەرەب و ئێزدی بە جلوبەرگی کلتوری خۆیانەوە ڕوویان لە هۆڵی کۆنفرانس کردووە بۆ گفتوگۆ کردن لەسەر جینۆسایدی ژنان لە مێژووی عێراقدا و سەدەی ٢١دا، لە سەرەتای هۆڵەکەشدا بە پێشەنگایەکی فۆتۆیی ڕۆژانی فەرمانی ٧٤ و دۆخی ژنان و منداڵان نیشاندرا.

 

کۆنفرانسەکە لە پێنج پانێڵ پێکدێت، بەم بابەتانە:

پانێڵی یەکەم: قڕکردنی ژنان وەک پایەیەکی سەرەکی لە جینۆسایددا، قڕکردنی ژنان واتای چییە؟ هۆکار و ئامانجەکانی چین؟

پانێڵی دووەم: قۆناغی هێرشەکانی جینۆسایدی ٣ی ئابی ٢٠١٤ و هەوڵدان بۆ دووبارە دروستبوونەوە لە ژێر خۆڵەمێشدا.

 

پانێڵی سێیەم: هۆکارەکانی جینۆساید و قڕکردنی ژنان لە عێراق.

پانێڵی چوارەم: بەرپرسیارێتی حکومەتی عێراق و ڕێکخراوە نێودەوڵەتییەکان چین؟

پانێڵی پێنجەم: پێشنیازی پرۆژەی عێراقی دیموکراتی و ئازادی ژنان وەک دژەژاری جینۆساید و قڕکردنی ژنان.