سلێمانی

 

بەیانی ئەمڕۆ کاتژمێر ٧:٠٠ لە سەرانسەری عێراق و هەرێمی کوردستان هەڵبژاردنی گشتی دەستیپێکرد و لەگەڵ تێپەڕبوونی نزیکەی سێ کاتژمێردا بەشێک لە ئامێرەکان لە کارکەوتوون.

 

لە بەشێک لە ناوەندەکانی دەنگدان لە سلێمانی، هەولێر، بەغدا و چەندین ناوچەی دیکە ئامێرەکان لە کار کەوتوون، بەپێی زانیارییەکانیش هۆکاری لە کار کەوتنەکە نەخوێندنەوەی کۆدەکەیە لەلایەن ئامێرەکەوە.

 

پەیامنێری ژنها لە سلێمانی و هەڵەبجە ڕایگەیاند کە لە کار کەوتنی ئامێرەکان گرفت بۆ دەنگدان دروستدەکات و ئەو ئامێرانەی دانراون پەنجە مۆرەکان ناخوێننەوە، هەندێک لە وێستگەکانیش بەو هۆکارە داخراون تا کێشەکە چارەسەر دەبێت.

 

لە هەڵبژاردنی پێشوەختەی ئەنجومەنی نوێنەرانی عێراقدا، ٢٣ ملیۆن و ٩٨٦ هەزار و ٧٤١ کەس مافی دەنگدانیان هەیە، هەشت هەزار و ٢٧٣ ناوەندی دەنگدان كراونەتەوە تا پڕۆسەی هەڵبژاردنی تێدا بەڕێوەبچێت.

 

ت.پ