rojane

17:06

Hêrsa gel ya li dijî teqîna Bendera Beyrûtê ya beriya 5 salan pêkhat û zêdetirî 220 kesan jiyana xwe ji dest da û bi hezaran kes birîndar bûn, didome. Daxwaza gel ya li hesab pirsîna berpirsyaran didome.

16:56

Çalkiya rûniştinê ya jinên Belûc ku bi daxwaza berdana serkirdeyên Komîteya Yakcetî ya Belucê û aşkerakirina aqûbeta windayan dabû destpêkirin, di roja 21’emîn de didome.

16:14

Li Hesekê bi dirûşma “Bi hev re ji bo piştgiriya jinên Suweydayê li dijî qirkirinê” komxebatek diyalogî hat lidarxistin.

15:57

Fona Alîkariya Zarokan a Neteweyên Yekbûyî (UNICEF), ragihand ku li Xezayê her roj 28 zarok ji ber êrîş, kêmxwarinî, birçîbûn û kêmaniya alîkariyên bingehîn jiyana xwe ji dest didin.

15:28

Li gundewarên Humsê di êrişeke çekdarî ya li dijî mala wan de, 2 zarokên birayên hev ên malbateke Elewî, hatin qetilkirin û xwişka wan birîndar bû.

15:17

Kampanyaya “Sêşema na ji darvekirinê re” ket hefteya 80’emîn. Beşdaran diyar kirin ku di vê hefteyê de 2 jê jin herî kêm 30 kes hatine darvekirin, ji bo rawestandina dervekirinan bang li raya giştî ya naventeweyî kirin.

15:07

Hevseroka Dîwana Meclîsa Gel a Wargeha Mexmûrê Nûdem Yaman diyarkir ku di vê pêvajoyê de hewesta Iraqê bi gumane û got: “Iraq dixwaze bi zextên leşkerî îradeya xelkê wargehê binpê bikin. Em ê li hemberî vê mafiyê li berxwe bidin.”

14:18

Parêzvana mafên zarokan Sahar Soltanî li Îranê hat binçavkirin. Nehat zanîn ku Sahar Soltanî bi kîjan hincetê hatiye binçavkirin.

14:13

Seroka TransformEuropeyê Barbara Steiner diyar kir ku ji bo tevlîbûna hevdîtinên aştiyê û serkeftina aştiyê azadiya Rêberê Gelê Kurd Abdullah Ocalan şert e.

14:05

Rapora nû ya Tora Azadî û Maf a Yemenê, raxist ber çavan ku Hûsiyan ji 2017’an heta niha li dijî jinên Yemenê herî kêm 5 hezar û 618 binpêkirinên mafan kirine. Di nava binpêkirinan de kuştin, revandin, îşkence û girtina bi zorê hene.

14:04

Civîna yekem a komîsyona li Meclisa Tirkiyeyê dest pê kir. Serokê Meclisê Nûman Kurtulmuş axaftina vekirinê kir û got ku dê raya giştî bi şefafî bê agahdarkirin.

13:53

Berdevka Meclîsa Jinan a DEM Partiyê Halîde Turkoğlu li ber Girtîgeha Jinan a Girtî ya Sîncanê axivî û got, "Em bi vê yekê bang li hemû rêveberiyên girtîgehan û Wezareta Dadê dikin. Tiştê ku hûn dikin sûcek li dijî mafên mirovan e. Dev ji vê sûcê berdin.”

13:34

Hêzên Iraqê yê ku ji danê siharê de tevgerek zêde li Mexmûrê pêk tîne hewl dide derdora wargehê têl bike.

12:40

Bêdengiya jinên Başûrê Kurdistanê li hemberî bêedaletiya li ser civakê, kuştin û tundiya ku tu sînor jê re nemaye, di lehiya desthilatdariyê de ye û tenê hêzê dide wê.

12:30

Tevgera Çandê ya Jinên Hîlala Zêrîn, kuştina hunermend Diyala El-Wadî bi daxuyaniyek çapemeniyê şermezar kir.

12:24

Hêzên Iraqê yên hatine wargeha Mexmûr hevdîtin bikin, hêzek mezin leşkerî û alavên karkirinê li gel xwe anîne û li derdor û ser Mexmûrê jî liv û tevgerek leşkerî û helîkopteran heye.

10:57

Di nava trajediya Suweydayê de, jin weke pêşeng derketin holê, bêdengiyê red kirin û daxwaza federalîzmê kirin. Jinan diyar kir ku federalîzmê wek vebijarkek ji bo parastina cihêrengî û hevsengiyê pêşniyar dikin.

09:34

Aktivîsta Mexribî Rajaa Aşşababî ya li Fransayê dijî got ku li dijî zoriyên jinên li herêmên şer, Filistîn, Sûriye, Libya û Sûdanê dijîn divê raya giştî ya navneteweyî dengê xwe derxe û bang kir ku ji bo bihîstina dengê jinan mekanîzma werin avakirin.

09:22

Zelîxa Muslim a ji kantona Reqayê ye, bûye şahidê kiryarên DAIŞ’ê yên li dijî jinên Êzidî yên dîl li herêmê. Wê bi îsrar û tevî xeteran 12 jinên Êzidî û 13 zarokan ji DAIŞ’ê rizgar kir.

08:56

Her ferdek civaka me Êzidî ji biçûk heta mezinên wê dibêjin; Me 73 ferman dîtin û jiyan kirin, hemû jî bi armanca me tune bikin û koka me biqelînin, lê em tune nebûn. Fermana 74’an jî berdewama heman ferasetê bû, lê dîsa jî em tune nebûn.