rojane

09:10

Rojnamevan Denîz Firat, di salvegera şehadeta xwe de li Wargeha Penaberan a Mexmûrê bi çalakiyekê hate bîranîn; rojnamevanan soza şopandina rêça wê dan.

20:00

Pisporên Neteweyên Yekbûyî xwestin ku Îran dawî li girtinên keyfî, îşkence û darvekirinên ku gelên Kurd û Belûç hedef digirin bîne. Her wiha bal kişandin ser zêdebûna binpêkirinên giran ên mafên mirovan.

19:38

Platforma Em ê Kuştinên Jinan Rawestînin rapora Tîrmehê eşkere kir. Li gorî raporê, di meha Tîrmehê de 25 jin ji aliyê mêran ve hatine kuştin û mirina 31 jinan jî bi guman e.

17:35

Êrîşên berdewam ên li dijî Xezayê qeyrana mirovî kûrtir dikin, di heman demê de hat ragihandin ku agirbest bi hezaran caran hatiye binpêkirin, gihandina alîkariyên mirovî tê astengkirin.

16:26

Rêxistinên mafên mirovan diyar kirin ku êrîşa Îsraîlê ya li dijî rojnamevanên li Lubnanê bi zanebûn hatiye kirin û xwestin ku bûyer weke sûcê şer bê lêkolînkirin.

15:32

Futbolvanên jin ên Efgan ku piştî biryara FIFA’yê di maçên fermî de mafê temsîlkirina welatê xwe bi dest xistin, piştî Talîban hat ser desthilatdariyê cara ewil wekî tîma tam li hev kom bûn.

14:59

Li Kongoyê şewba Ebolayê roj bi roj belav dibe û WHO'yê hişyarî da ku rewş ji kapasîteya mudaxeleyê derbas bûye, her wiha banga xebatên lezgîn û berfireh kir.

14:10

Berdevka DEM Partiyê Ayşegul Dogan derbarê pêşnûmeqanûna "Qanûna Çarçoveyî" de destnîşan kir ku ev gav ji bo 86 milyon welatiyan xwedî girîngiyeke dîrokî ye û wekî destpêka serdema veguherîna ji şer ber bi siyaseta demokratîk ve tê pênasekirin.

13:26

Neteweyên Yekbûyî tekez dike ku kêmkirina gefên DAIŞ'ê stratejiyeke berfireh hewce dike ku ji çareseriyên leşkerî wêdetir biçe. NY’ got ku ev bi riya xurtkirina hevkariya navneteweyî, piştgiriya aramiyê û çareserkirina şert û mercan dikare pêk bê.

12:05

Tevgera Jinên Pêncşêr ragihand ku di pênc salên borî de li Pêncşêr û Kabîlê bi dehan kes bi zanîn hatine kuştin û banga lezgîn li koma navneteweyî kir ku li hemberî binpêkirina mafên mirovan bêdeng nemîne.

11:55

Li gorî daneyên nû, krîza aborî û enflasyona bilind a li Îranê herî zêde bandorê li jinan dike, û kêmbûna derfetên kar jinan ber bi sektora nefermî ve dikişîne. Pispor hişyar dikin ku ev rewş cudahiya zayendî ya di aboriyê de û xizaniyê kûrtir dike.

11:30

Bernameya Xwarinê ya Cîhanê ragihand ku dijwarbûna El Niño dê krîza ewlehiya xwarinê ya cîhanî kûrtir bike. Tê payîn ku birçîbûna tund ji Îlona pê ve dê bi qasî 49 milyon kesan zêde bike.

08:40

18:16

Li gorî daneyan, tenê di meha Tîrmehê de li Başûrê Kurdistanê 5 jin hatine qetilkirin û 7 jin jî bi awayekî guman jiyana xwe ji dest dane. Bi van daneyan re, hejmara jinên ku di 6 mehên ewil ên sala 2026'an de jiyana xwe ji dest dane derket 27'an.

17:40

Tulay Hatimogullari, diyar kir ku pêşnûme qanûna ku pêşkêşî Meclîsê hatiye kirin, nikare bi têna serê xwe pirsgirêka Kurd çareser bike û got: “Lê ji bo vekirina deriyekî nû dîrokî ye. Ji bo me jî tê wateya vekirina deriyekî ji bo çareseriyê.”

16:07

Li qereqolên Iraqê bûyerên destdirêjiya zayendî di asteke nîgeranker de zêde dibin. Piştî girtina polîsên ku bi tohmeta êrîşa li ser keçeke 15 salî û jinên girtî hatine binçavkirin, Wezareta Karên Hundir dest bi tedbîrên tund kir.

15:56

Motora keştiya 173 koçberên ku hewl didan ji Fransayê derbasî Îngilistanê bibin şewitî. Hat ragihandin ku 173 koçber hatine rizgarkirin.

15:40

Tevgera Azadiya Jinên Êzidî (TAJÊ) di salvegera damezrandina Yekîneyên Berxwedana Şengalê (YBŞ) de daxuyaniyeke berfireh da û ev hêz weke bingeh û îradeya siyasî ya xweser a civaka Êzidî destnîşan kir.

14:51

Pêşnûmeya qanûnê ya ji bo pirsgirêka Kurd hate eşkerekirin; tê de mercên çekberdanê, taloqkirina lêpirsîn û cezayan û avakirina mekanîzmayên nû yên çavdêriyê cih digirin.

14:44

Jina Kurd Şemsî Xusrewî ya ji Seqizê, di doza ku li Dadgeha Şoreşê ya Tehranê de hate dîtin, bi îdiayên "sîxurtiya ji bo Îsraîlê" û "hevkariya bi partiyên Kurd re" tê tawanbarkirin û bi xetereya darvekirinê re rûbirû ye.